Безгә бүген кунакка татар егете белән, татар кызы килделәр. Алар белән без татар халкының милли  ризыклары турында сөйләштек, уеннар уйнадык.

Балалар белән әдәплплек турында сөйләшүләр, өйрәтүләр өстендә эш даими рәвештә алып барыла. Өстәл янында ашаганда,  күмәк уеннар вакытында, үз- ара аралашканда зәвыклы булырга өйрәтү, без өлкәннәрнең  төп бурычы. 

Бу атнада без, минем гаиләм, өем, йорт җиһазлары. турында сөйләштек. Шаҗәрәнең нәрсә икәнлеген белдек.

Бүген бездә матур бәйрәм -

Бүген бездә көзге бал.

Бүген көзге байлык белән

Бизәлгән безнең зал.

Без бүген саннар илендә сәяхәттә булдык. Сәяхәтебез бик күңелле булды. Башваткычлар, мәсьәләләр чиштек. Саннарны танып белү максатыннан  әкиятләр тыңладык, уеннар уйнадык.

Бакчабызда,  милли гореф- гадәтләр буенча эш алып барыла. Бүген Корбан ашы үткәрдек. Кунакка Рамил абый Халиковны чакырдык. Ул балаларга Корбан бәйрәмнең тарихын аңлатты. Балаларның сорауларына җавап бирде. Соңыннан Корбаш ашын ашадык.

Саф һавада хәрәкәтле уеннар уйныйбыз, табигатьне күзәтәбез. Туган авылыбызның матурлыгына сокланабыз.

Без бүген бакчабызга әбиләребезне кунакка чакырдык. Аларны Өлкәннәр көне  һәм Корбан бәйрәм белән котладык. Авылыбызның абыстае Сәлимә әби безгә динебез һәм Корбан бәйрәм турында бик аңлаешлы итеп сөйләде. Әбиләребез балаларга тәүфыйклы балалар булып, әти- әниләргә,өлкәннәргә  таяныч булып үсүләрен теләделәр. Бәйрәмебез җыр- биюләр белән үрелеп барды.