муниципальное бюджетное дошкольное образовательное учреждение «Сабинский детский сад общеразвивающего вида №1 «Шатлык» п.г.т. Богатые Сабы Сабинского муниципального района Республики Татарстан»
Визитная карточка
Адрес: | 422060, Республика Татарстан, Сабинский район, пгт. Богатые Сабы, ул. Школьная 39 А, |
Телефон: | 8 (84362) 2-32-43 |
E-Mail: | DdShat.Sab@tatar.ru; saba1shatlik@yandex.ru |
Министерство: | Министерство образования и науки Республики Татарстан |
Короткое название: | МБДОУ Сабинский детский сад №1 "Шатлык" |
Руководитель: | Зарипова Рушания Гилемхановна |
Год основания учреждения: | 1932 |
У нас учатся: | воспитанники - 122 |
У нас учат: | педагоги - 12 |
муниципальное бюджетное дошкольное образовательное учреждение «Сабинский детский сад общеразвивающего вида №1 «Шатлык» п.г.т. Богатые Сабы Сабинского муниципального района Республики Татарстан» - новости
Страницы: << 181 182 ( 183 ) 184 185 186 187 188 189 190 >>
-
29 июль - Хәрби диңгез флоты көне. 29.07.2013
Атналыкның максаты итеп балаларның Ватанны саклаучылар турында күзаллауларын киңәйтү. Күкне, җирне саклаучылар булган кебек диңгезне саклаучылар барлыгы турында белемнәрен үстерү. Балаларда кыю, батыр диңгезче булу теләге уяту, хезмәт итеп кайткан өлкәннәргә, ветераннарга карата горурлану хисе тәрбияләү алынды. Төркемнәрдә план нигезендә күп кырлы эш алып барылды: төркемнәрдә балалар әлеге темега кагылышлы рәсемнәр ясадылар, пластилиннан кораб әвәләделәр, күмәк иҗади эш башкарып "Диңгез байлыклары" дип аталган панно эшләделәр. Атна дәвамында балалар белән хәрби диңгез флоты хакында әнгәмәләр үткәрелеп, фикер алышулар булды. Шуның нәтиҗәсендә балалар, аеруча малайлар диңгез сакчылары һөнәренә кызыксынып: "Киләчәктә без дә диңгезчеләр булачакбыз!" - дип тәрбияче апаларын куандырдылар.
-
8 июль - Россия почтасы көне 16.07.2013
Әлеге атналыкта төп тема итеп ПОЧТА бүлекчәсе эшчәнлеге алынды. Балалар һәм тәрбиячеләр бик теләп Байлар Сабасының почта бүлекчәсенә барып, андыгы эшчәнлекне күзәттеләр. Мондый экскурсиянең төп максаты: хат ташучы һөнәре хакында күзаллауны арттыру, кеше хезмәтенә хөрмәт тәрбияләү, логик фикерләүне үстерү. Тыгыз эш көне һәм җаваплы вазыйфада булуына карамастан почта бүлекчәсе начальнигы Фәнил Ильясов балаларга вакыт табып бик теләп почта хезмәте һәм андагы хезмәткәрләр турында сөйләде. Бу көнне балалар тәрбиячеләр беләнкөн дәвамында хат эчтәлеген төзергә, аны кемнәргә юлларга булуы турында фикер алыштылар.
-
Казанда Универсиада 11.07.2013
Универсиада дулкыны Татарстанны күкләргә чөя. Аның шаукымы беребезне дә битараф калдырмый. Дөнья сулышы белән бер адымда булу максатыннан мәктәпкәчә белем учрежденияләрендә "Казанда Универсиада" атналыгы дәвам итә. Шул нияттән, атналык "Универсиада тарихы", " Универсиада - яшьләрнең спорт ярышлары" темасы астында әңгәмәләр үткәрү белән башланып китте. Һәр төркем арасында "Без иң җитезләре", "Тизрәк, биегрәк, көчлерәк" дип исемләнгән уеннар һәм спорт эстафеталары оештырылды. "Юни - Универсиада талисманы" темасы балаларга аеруча кызыклы булды. Алар нәни барсны бик яратып пластелиннан әвәләделәр, кайбер төркемнәр ясады, ә кайсы берләре аппликация ябыштырды.
Бүген исә, уртатнчылар, зурлар һәм мәктәпкә әзерлек төркеме балалары махсус әзерләнгән "Казанда Универсиада" дип исемләнгән презентация карадылар. Шул уңайдан Универсиадага багышланган ролик күрсәтелде, җырлар тыңланылды.
-
Казанда Универсиада 11.07.2013
Презентация карау мизгелләре
-
Ял паркын чиста итеп күрәсе килә 09.07.2013
Никадәр генә матур дип әйтсәк тә ял паркына килеп кергәч күңелсез булып китте. Халык өчен ял урыннары да - утыргычлар да оештырылган, атынгычлар да бар, ләкин чүп савытлары буш булса да шешә савытлары, чүп-чар аларга салынмаган, чүп төрле урында таралып ята. Ял итәргә килүчеләр безнең табигатебезгә битараф булмасыннар иде, кеше хезмәтен һәм матурлыкны бергәләп саклыйк , дуслар.
-
Юл йөрү кагыйдәләрен һәрвакыт истә тотыйк 07.07.2013
Юл йөрү кагыйдәләрен өйрәнү һәм аларны һәрвакыт истә тоту максатыннан планга кертелгән атналык экскурсияләр белән төгәлләнде. Мәктәпкә әзерлек һәм зурлар төркеме балалары белән без тәрбияче апалары Байлар Сабасының үзәк ял паркына бардык. Әлеге экскурсия балалар белән юл билгеләренә таянып, аларны күзәтеп кайту максатыннан оештырылды.
-
Файдалы һәм кызыклы 07.07.2013
Ял паркына оештырылган сәяхәт файдалы гына түгел, ә бик кызыклы да үтте. Юлыбыз юл билгеләрен күзәтүдән башланды: Саба гимназиясе янындагы юл чатын бик кызыксынып карадылар балалар, белгәннәрен тагын бер кат искәртеп, кайгыйдәләрне әйттеләр. Соңрак исә, сәяхәт ял паркында дәвам итте. Анда балалар рәхәтләнеп скакалкалар белән сикереп, ә туп белән футбол һәм төрле күмәк уеннар уйнадылар. Бу эссе көннәрдә торган һава ял паркында аеруча шифалы һәм сихәтле тоелды. Күләгәле урын булгангамы балалар яңа сулышлар белән ял итеп кайттылар бу көнне.
-
Универсиада - 2013 башлануга 4 көн калды 03.07.2013
Универсиада - 2013 барлык татарстанлыларны гына түгел, ә җир шарыбызның күпчелек милләт халкын дулкынландырып килә. Якынча 160 тан артык илдән төрле спорт төре спортчылары һәм гомүмән туристлар киләчәк дип көтелә. Башкалабыз Казанда үтәчәк бу истәлекле чарага ( ышанабыз соңгысы түгелдер) без һич тә битараф кала алмыйбыз. "Шатлык" балалар бакчасы биләмәсендәге бер урынны да әлеге тантанага багышларга уйладык. Кызлар олимпия боҗралары ясап, анда чәчәкләр утырттылар, ә төрле ташлардан матур гына ләлә чәчәге формасында җәймә ясадылар. Бакчабыз янныннан үтсәгез күз төшерми китмәгез)).
-
Әкият геройлары сезне көтә 03.07.2013
Бу почмак балаларны бик җәлеп итә. Бакчабызда мондый әкияти персонажлар булу педагогик күзлектән караганда уңай күренеш булса, икенче яктан сабыйларның һәркөн алар белән "күрешеп" китүләре кызыклы вакыйга. Тиздән кызларыбыз утырткан чәчәкләр дә бу урынны каплап алыр дип көтәбез.
-
Юл йөрү кагыйдәләрен һәрвакыт истә тотыйк 03.07.2013
Балалар бакчаларында эшчәнлек бу атнада юл йөрү кагыйдәләренә, аларны тагын бер кат искә төшереп, белгәннәрне ныгытуга багышланды. "Шатлык" балалар бакчасы үзенең атналык эшен бик тәфсилләп төзеде. Иң элек әңгәмәләр үткәрелде, "Юл йөрү кагыйдәсен беләсеңме?", "Юл билгеләре иленә сәяхәт" кебек викториналар оештырылды. Әлеге теманы өйрәнүдә бакчабызда оештырылган ПДД га багышланган махсус бәлмә ярдәмгә килә. Анда стендлар, макетлар, әсбаплар кулланып балалрга һәрдаим юл йөрү кагыйдәләре өйрәтелеп һәм ныгытылып барыла. Бүген исә, бакча биләмәсендәге юл йөрү мәйданчыгында уртанчылар,зурлар һәм мәктәпкә әзерлек төркеме балалары белән белемнәр практик яктан өйрәнелеп, тагын бер кат искә төшерелде. Балалар үзләре юл билгеләренә таянып юлны төрле транспорт чаралары белән чыктылар. Әлеге чараларның максаты бик җитди: балаларны юл билгеләрен аера белүне, юлда хәвефсезлек кагыйдәләрен өйрәтүне дәвам итү; юлларда күзәтүчәнлекне, игътибарлыкны, мөстәкыйль фикерләүне үстерү; урамда, җәмәгать транспортында, торак зоналарда үз-үзеңне тоту мәдәниятен тәрбияләү. Шул ук вакытта балаларны коры җир, су һәм һава транспорт чараларын аера белергә, аларны чагыштырырга, һәр төр транспорт турында күзаллауларын өйрәтүне дәвам итү әмиятле булып кала. Атна ахырында балалар белән юлны күзәтеп ял паркына экскурсиягә бару планлаштырыла.