муниципальное бюджетное дошкольное образовательное учреждение «Сабинский детский сад общеразвивающего вида №1 «Шатлык» п.г.т. Богатые Сабы Сабинского муниципального района Республики Татарстан»
Визитная карточка
Адрес: | 422060, Республика Татарстан, Сабинский район, пгт. Богатые Сабы, ул. Школьная 39 А, |
Телефон: | 8 (84362) 2-32-43 |
E-Mail: | DdShat.Sab@tatar.ru; saba1shatlik@yandex.ru |
Министерство: | Министерство образования и науки Республики Татарстан |
Короткое название: | МБДОУ Сабинский детский сад №1 "Шатлык" |
Руководитель: | Зарипова Рушания Гилемхановна |
Год основания учреждения: | 1932 |
У нас учатся: | воспитанники - 122 |
У нас учат: | педагоги - 12 |
муниципальное бюджетное дошкольное образовательное учреждение «Сабинский детский сад общеразвивающего вида №1 «Шатлык» п.г.т. Богатые Сабы Сабинского муниципального района Республики Татарстан» - новости
Страницы: << 171 172 173 174 175 176 177 178 179 ( 180 ) >>
-
"Сөмбелә" бәйрәме 04.10.2013
Бүген һәр группа да иртәнге яктан ук үзенчәлекле һәм шатлыклы иде. Бу сөенечкә тагы да ямҗ өстәп, кулларына көз күчтәнәчләреннән: яшелчә, җиләк - җимешләр, яфраклардан ясалган әйберләр тотып, матур итеп киенгән балалар залга җыелдылар. Чөнки бездә бүген "Сөмбелә" бәйрәме була. "Көзге байлык" дип аталган күргәзмә дә оештырылды. Әти-әниләре һәм балалар тырышлыгы белән ясалган бу күргәзмәләрдән күзләр камаша: гади генә күренгән яшелчәләрдән дә төрле-төрле үзенчәлекле әйберләр ясап була икән.Бәйрәм дә бик матур булды, балалар шигырьләр сөйләделәр, җырлар башкардылар, биеделәр. Ә инде залга Көз кызы - Сөмбелә килеп кергәч балаларның күңелләре тагы да күтәрелеп китте. Бәйрәм бик матур һәм күңелле үтте.
Мәктәпкә әзерлек төркеме тәрбиячесе Әнисә Гыйлемханова.
-
Көзге муллык 04.10.2013
"Сөмбелә" бәйрәме атнаның 2 көненә- 3 нче һәм 4 нче октябрь көннәрендә үткәрелде. Чәршәмбе көнне мәктәпкә әзерлек һәм зурлар төркеме балалары бәйрәм итте. Ә бүген исә, 2 нче кечкенәләр һәм уртанчылар төркеме балалары "Сөмбелә"не тәбрикләде. Бәйрәмнәр бик күңелле, оешкан төстә үтте.Һәр төркем балалары бик матур итеп шигырьләрен сөйләделәр, биеделәр, күңелле уеннар уйнадылар. Бәйрәмне бигрәк тә төрле яшелчәләрдән эшләнгән кул эшләре тулылындырды. Әти-әниләр бу чарага бик җитди килгән. Без үз чиратыбызда, катнашкан һәр гаиләгә зур рәхмәтләр әйтәбез, киләсе еллар да тыныч һәм шулай мул булсын дип теләп калабыз.
-
Көзге муллык 04.10.2013
Ни арада җәй үткән
Алтын көз килеп җиткән.
Җимешләр өлгергәч, бакча
Бигрәк тә матур икән!
-
Көзге муллык 04.10.2013
Алмалар әй уңганнар,
Кызарышып тулганнар,
Балга манып алганмени,
Шундый татлы булганнар.
-
Өлкәннәрне тәбрикләп 01.10.2013
"Шатлык" балалар бакчасының 80 еллык тарихы бар.Беренчеләрдән булып оешкан мәктәпкәчә тәрбия һәм белем учреждениясендә озак еллар эшләп, һәркайсы олы хөрмәткә лаек булып ялга чыккан затларыбыз бик күп. Хэзерге вакытта коллективның 35 ләп лаеклы ялда булучы хезмәткәре бар. Бүген исә, без олыларны хөрмәтләү йөзеннән аларны бакчабызга чәй артында сөйләшеп, үткәннәрне искә алып утырырга бәйрәм тантанасына чакырдык. Гүзәл затларыбыз бик теләп, матур итеп, ак шәлләр ябынып бирегә килделәр. Без аларның һәрберсен исән-имин килүләренә бик куандык. Дөрес, лаеклы ялда булучыларның кайберләре сәламәтлеге какшау, тормыш мәшәкатьләре булу сәбәпле яныбызда бүген була алмады. Шуңа да карамастан, бакча тормышында булган кызыклы мизгелләр, биредә эшләп чыккан һәркем искэ алынды. Өлкәннәребез хөрмәтенә бакчабыз педагоглары концерт номерлары белән әдәби кичә әзерләделәр. Ул апаларыбыз тарафыннан бик яратылып кабул ителде. Бәйрәм уңаеннан махсус бакча тарихы турында презентаөия эшләнде. Олылар экранда үзләре эшләгән заманнардагы төшкән фотоларны күреп хэтерләрен тагын бер кат яңарттылар, күңелләреннән үткәрделәр. Безгә җавап итеп, ак әбиләребез уй хисләрен салган шигырьләрен укыдылар, яшь чактагы җырларын башкардылар.
-
Өлкәннәрне тәбрикләп 01.10.2013
Бәйрәмебез бик күңелле үтте. Чәй табыны артында утырып бакчада булган күңелле вакыйгалар искә төшерелде, кабат апаларыбызны яшьлеккә кайтарды. Бәйрәм бүләкләрсез үтмәде әлбәттә. Быел дәүләтебез бюджет системасында эшләгән һәр лаеклы ялга чыккан затка акчалата бүләк әзерләгән. Бакчабыз мөдире Исрафилова Миләүшә Корбангалиевна олы рәхмәтләрен әйтеп, гүзәл затларыбызга исәнлек - саулык, гаиләләрендә бәрәкәт, куанычлар теләп конвертлар тапшырды.
-
"Көз күчтәнәчләре" 01.10.2013
һәр атна нинди дә булса бер тема астында үтә.Бу атнаны тәрбияче-педагоглар "Көз күчтәнәчләре" темасы астында эшчәнлекләрен үткәрәләр. Шул уңайдан, мәктәпкә әзерлек төркеме бакчабызда 3 нче октябрь көнне үтәчәк "Сөмбелә" бәйрәменә әзерләнә: җырлар, биюләр өйрәнәләр, шигырьләр ятлыйлар. Әти-әниләре белән берлектә көзге уңыштан күргәзмәгә кул эшләре әзерли башладылар. Өстәмә түгәрәкләр булып вакытлары тыгыз булуга да кармастан балалар тырышалар, һәр көнне файдалы үткәрергә омтылалар.
Рәсемдә "Көзге күчтәнәчләр" күргәзмәсендәге кул эшенең берсе
-
Һөнәри бәйрәмнәре белән котлап 27.09.2013
Иртә белән үк бәйрәм рухын тәрбияче Кадрия Рафаэловна белән бакчабызның икенче кечкенәләр төркеме нәниләре кузгалтты. Алар бакчабызның һәр бүлмәсенә кереп эшчеләргә чәчәк бәйләмнәрен бүләк иттеләр. Сабыйларның апаларга карап "Сезгә саулык телибез, уңышлыр Сезгә!" - диюләре әлбәттә кабул булыр дип ышанып калабыз.
-
Тәрбияче апаларны котлап 27.09.2013
Бүген бакчабыз чын мәгънәдә гөрләде. Балалар көн дәвамында тәрбиячеләргә багышлап теләкләрен әйттеләр, музыка залына җыйналып һәрберсе бакчада хезмәт куючы апаларга шигырьләр сөйләделәр, биюләрен башкардылар.
-
Һөнәри бәйрәм белән котлап 26.09.2013
Бүген безнең "Шатлык" балалар бакчасы коллективы чираттагы җыелышка җыйналды. Сәбәбе бик җитди иртәгә - тәрбиячеләр көне. Шул уңайдан бакчабыз мөдире Исрафилова Миләүшә Корбангалиевна бакчада эшләүче хезмәткәрләрне бәйрәм белән тәбрикләде: "Тәрбияче бик җаваплы, шул ук вакытта бик кызыклы һөнәр.Тәрбияче булу өчен артист, төзүче, бакчачы һәм башка күп төрле һөнәрләрне белергә кирәк. Чөнки тәрбияче беренчеләрдән булып дөнья турында балаларның күзаллауларын киңәйтә башлый. Ул күңелендәге ихласлыгын кызганмыйча көнозын сабый янында бурычын үти. Тәрбияче ул үзе дә балалар белән янәшә булып бала күңелле кешегә әверелә. Шул сабыйлар белән бергәләп төрле яңалыклар ача, тирә-юньне өйрәнә, кызыклы маҗаралар оештыра. Хөрмәтле тәрбиячеләребез! Авыр хезмәтебездә зурдан-зур уңышлар телим, балаларыбыз исән-имин булып, эшләребездән тәм һәм ямь алып яшәргә язсын иде, гаилә бәхетен татып яшәргә язсын" - дип тәмамлады котлау сүзләрен Миләүшә Корбангалиевна.