#айданавыборы#участок2464#сабинскийрайон#

Мәктәбебез укучылары Кече Шыңар мәдәният йорты хезмәткәрләре белән берлектә шушы көннәрдә 90 яшьлек  юбилеен билгеләп үткән хезмәт һәм тыл ветераны Аскарова Нәкыя апада кунакта булып кайттык. “Кыңгырау” балалар иҗат коллективы берсеннән-берсе матур җырлар, шигырь  һәм биюләр бүләк иттеләр. 

 Язгы игелек атналыгы кысаларында, бүген мәктәбебездә спорт уеннары оештырылды. Чарада укучылар үзләренең сәләтләрен,көчләрен сынаштылар. Мондый уен чаралары һәр балалага яхшы кәеф, энергия бирә. Физкультура  һәм спорт – сәламәт яшәү рәвешенең аерылгысыз өлеше. 

Бүген Саба гимназиясендә балалар өчен Республикакүләм үткәрелүче "Без бергә" фестиваль-конкурсының район этабы булып үтте. Чарада мәктәбебезнең "Таң нурлары" кызлар вокал ансамбле, 3 сыйныфтан Галимова Гөльяз, Мөбарәкова Динәләр катнашты. Нәтиҗәдә: кызлар вокал ансамбле 3 урынга лаек булды. Җитәкчесе: Файзуллина Алинә Мәкъсуд кызы.

Бүген мәктәбебез укучылары Язгы игелеклелек атналыгы кысаларында  Олы Шыңар авылында урнашкан обелискны кардан һәм чүпләрдән арындырдылар. Чарада 10 укучы катнашты. Шулай ук 9 май – Җиңү көненә хәтле обелиск янын чәчәкләр белән бизәү турында да сүз алып бардылар. 

Язгы игелеклелек атналыгы дәвам итә. Бүген мәктәбебездә экология дәресләре үткәрелде.  Табигать чиста, матур булсын өчен укучыларда кечкенәдән мәрхәмәтлелек, җаваплылык  хисләре тәрбияләргә кирәк. Экология дәресләре нәкъ менә шул максаттан үткәрелә. Дәрестә укучылар дөньядагы урманнар, аларның һәрберсенең үзенә генә хас үзенчәлекләре белән таныштылар. Мәктәбебездә мондый дәрсләр һәрдаим үткәрелеп килә һәм нәтиҗәсе дә югары. #ДОБРЫЙТАТАРСТАН#МӘРХӘМӘТЛЕТАТАРСТАН#МЫВМЕСТЕ#БЕЗБЕРГӘ

Бүген мәктәбебезнең 3 сыйныф укучылары белән берлектә мәктәбебез китапханәсенә сәяхәт кылдык,  төрле әдәбия китаплардан өзекләр укылды, шигъри тәлгәшләр оештырылды.  Шулай ук укучылар белән игелеклелек кояшы ясалды. Бу кояш аларга һәрвакытта да игелек эшләргә  этәргеч булачак. Әлеге очрашу  укучылар өчен бик файдалы һәм мәгълүмати булды. Очрашуны Габдулла Тукайның “И, туган тел” җыры белән тәмамладык.#ДОБРЫЙТАТАРСТАН#МӘРХӘМӘТЛЕТАТАРСТАН#МЫВМЕСТЕ#БЕЗБЕРГӘ 

Мәктәбебездә “Дустың ярдәменнән ташламас” дигән исем астында дуслык дәресләре үткәрелде. Дәрес барышында укучылар дуслыкның 5 сере белән таныштылар, алар: елмаю, ихласлык, тугрылык, кайгыртучанлык һәм кешегә яхшылык теләү, шулай ук дуслык турында мәкаль-әйтемнәр, китапларны да барладык. Кеше тормышында дуслык мөһим роль уйный, нәкъ  менә дуслык җепләре кешегә авры вакытында нык булырга ярдәм итә. 

8 март - Халыкара хатын-кызлар көне. Шул уңайдан бүген мәктәбебездә әниләр, әбиләр, апа-сеңелләр өчен бәйрәм кичәсе булып узды. Чарада биюләр, җырлар, уен-көлке, шигырьләр, берсеннән берсе матур теләкләр яңгырады. 
                                                                                Хөрмәтле Хатын-кызлар!
Сезнең барыгызны да янәдән бәйрәм белән! Кичләчәгегез бүгенгедәй якты, аяз, тормышыгыз бәрәкәтле, гаиләгездә тигезлек, балалар куанычы күреп яшәргә насыйп булсын!

Бүген  районыбызның Балалар иҗат йортында Л.Н.Толстой иҗаты буенча "Живая классика" дип исемләнгән конкурс булып үтте. Чарада 6 сыйныф укучысы - Йосыпова Динә(Укытучысы:Хисаметдиовна Э.Н.),  7 сыйныф укучысы - Мөдәрисова Сөмбелә (Укытучысы: Касыймова Ә.Н.)  уңышлы гына чыгыш ясап кайттылар. Кызларга алдагы конкурсларда да уңышлар теләп калабыз.