Мәктәбебезнең инглиз теле укытучысы Маликова Г.И. гаиләсенә авылда яшәүче яшь белгечләргә бирелүче йорт ачкычлары тапшырылды.

 Бүген  Олы Шыңар авыл җирлегендә Оренбург өлкәсенең Каргалы авылында яшәүче милләттәшләребездән торган делегация булып китте. Кунакларны Кече Шыңар мәдәният йорты каршында иҗат коллективлары белән берлектә ипи – тоз, якты йөз  белән каршы алдык.Алар бездә яшәүче татарларның  тормышлары, гореф – гадәтләре белән кызыксындылар. Кунаклар “Әлфия” халык бию коллективының “Самара татарлары биюе”н һәм “Мирас” фольклор коллективының чыгышын җылы каршы алдылар. Шулай ук чәй өстәле артында милли ризыкларыбыз белән сыйландылар. 

Бүген Лесхоз мәдәният йортында укучылар өчен Районыбыз башлыгының чыршы бәйрәме үткәрелде. Мәктәбебезнең 1-11 сыйныфлардан 1 актив укучы бу чарада катнашты. Алар өчен Балалар иҗат йорты тарафыннан кызыклы уеннар, җырлы биюләр оешытырылган иде. Укучылар әлеге чарада бик актив катнаштылар һәм бүләкләргә ия булдылар.

Укучыларыбызның кышкы каникуллары бик мавыктыргыч башланып китте.Бүген алар Лесхоз "Нарат" боз сараенда кунакта булдылар. 

Бүгенге Яңа ел бәйрәмендә ГТО нормаларын уңышлы тапшырган укучыларыбызга күкрәк билгеләре тапшырылды. Молодцы, укучылар! 

Мәктәбебездә бүген "Могъҗизалы Яңа ел" бәйрәме үткәрелде.Чарада мәктәбебез укучылар бик актив катнашты,алар тарафыннан берсеннән-берсе матур,күңелле,мавыктыргыч җырлар,биюләр,уеннар оештырылды. Жюри тарафыннан һәр сыйныфка урыннан билгеләнде,бүләкләр тапшырылды.

Мәктзбебезнең яңа ел сыннары конкурсына тәкъдим ителгән композициясе “Яшә, татар!” дип атала.

Татар теле бик аһәңле, бай, матур тел. Аның шулай икәнлеген бөтен дөньяга таралган “Туган тел” китабы раслый. Габдулла Тукайның “Шүрәле”, “Су анасы”, “Кәҗә белән Сарык” әкиятләрен, “Кызыклы шәкерт” шигырен кечкенә нәниләребез бүгенге көндә дә бик яратып укыйлар.

Татар халкы гомер-гомергә бик кунакчыл халык булган. Берәр өйгә кунак килеп керсә, өстәл түрендә самавыр кайный башлаган, ә чәк-чәк исә һәр бәйрәмнең күрке. Ак яулыклы әбиләр, матур кәләпүшле бабайлар чисталык, күркәмлек, тәрбия үрнәге булып торалар.

Татарлар элек-электән үз телләрен, диннәрен, гореф-гадәтләрен, тарихын саклаганнар, яклаганнар, аңа тугры калганнар, Сөембикә ханбикә шуның мисалы. Татар халкының телен, күңел байлыгын, “күркәм хәзинәләрен” саклау һәм киләчәк буыннарга җиткерү – безнең төп бурычыбыз!

20 декабрьдә Ә.А.Ахунҗанов исемендәге Олы Шыңар урта мәктәбендә сыйныф җитәкчеләренең методик берләшмә утырышы үтте. Укытучыларыбыз Мөхәммәтова Резеда Рәшитовна “Изгелек-кояш нурына тиң”, Шәрифуллина Вәсимә Мансуровна “Чәчәк бәйләме”дип исемләнгән  сыйныф сәгате, Касыймова Әнисә Нурулловна һәм Мөхәммәтгалиева Гөлнара Ибрагимовна  “Тәрбия эшендә гаилә һәм мәктәпнең хезмәттәшлеге” темасына мастер-класс күрсәттеләр. Түгәрәкләргә йөрүче укучыларның һәм аларның җитәкчеләренең кул эшләреннән күргәзмә  оештырылды. Әлеге семинар барыбыз өчен дә бик кызыклы һәм файдалы булды.

В соответствии с Указом Президента Российской Федерации № 431 от 5 мая 1992 года "О мерах по социальной поддержке многодетных семей" в школе организовано питание для 30  учащихся из 17  многодетных семей на льготных условиях

9 декабрь - Ватан Геройлары көне буларак билгеләп үтелә. Мәктәбебездә әлеге уңайдан сыйныф сәгатьләре, әңгәмәләр үткәрелде. Узебезнең районда туып үскән Ватан Геройларының язмышы укучылар өчен аеруча да кызыклы булды.