Бүген мәдәният йортында "Авылым көрәшчеләре" дип аталган әңгәмә узды. Балалар көрәшчеләргә багышланган стенд белән таныштылар, журналист Илдус Илдархановның "Саба ягы көрәше" китабыннан Шыңар көрәшчеләре турындагы мәгълүматларны укыдылар.

Лагерьның икенче көне Сабантуй бәйрәме белән дәвам итте. Башта җырлый -җырлый бирнә җыйдык,аннан соң уеннар башланды.Бәйрәмдә мәдәният хезмәткәрләре дә катнашты,алар да балаларга матур бүләкләр белән килгәннәр иде. Ә уеннар кызганнан кыза барды. Кемдер чүлмәк ватса, кемдер балык тотты, икенчеләр капчык киеп өйгерүдә алдынгылыкны бирмәде.

Исәнме, җәй! Саумы, лагерь!

Әйе, укулар тәмамланды "Дуслык" лагере бүген дусларын үзенә җыйды.Беренче көн.Кызыклы да, мавыктыргыч та булырга тиеш ул, лагерь хезмәткәрләре моны яхшы аңлый. Укулардан арырга өлгергән балалар рәхәтләнеп күңел ачты бүген. Аларның шат тавышларына кушылып колга башында лагерь флагы җелфердәде.

   Торжественное чествование победителей и призеров республиканского межведомственного конкурса сочинений состоялось 29 мая в прокуратуре Республики Татарстан.

В мероприятии  приняли участие прокурор Республики Татарстан Илдус Нафиков, заместитель министра образования и науки Республики Татарстан Лариса Сулима, преподаватели и родители участников конкурса.

Конкурс сочинений среди старшеклассников проводится ежегодно с целью нравственного воспитания учащихся, профилактики правонарушений, преступлений и наркомании среди несовершеннолетних и пропаганды здорового образа жизни.

В этом году в республиканском туре конкурса приняли участие около 300 ребят из всех муниципальных районов республики, которые представили на суд жюри свои сочинения на русском и татарском языках.

Язгы табигатьнең гүзәл вакыты. Ел саен бу көннәрдә һәр сыйныф җитәкчесе укучылар белән экскурсиягә чыга. 27-28 май көннәрендә 5-8 нче сыйныф   укучылары, дәресләрдән соң, табигатьтә ял иттеләр. Башлангыч сыйныф укучылары ямьле Мишә буена төштеләр, балык тоттылар,табигатьнең матур төсләрен күзәттеләр, болында күңелле уеннар уйнадылар.

Табигатьтә бергәләп ял итү файдалы һәм кызыклы булды. Мондый чаралар укучыларны берләштерә һәм дуслаштыра. 

Бәйрәм бүген барлык мәктәпләрдә,

Хис ташкыны дулый күкрәктә.

Укытучының моңсу карашлары

Озату сүзен яза йөрәккә.

Бүген мәктәптә 11 сыйныф укучылары өчен соңгы кыңгырау яңгырады. 7 егет һәм 3 кыз мәктәпне тәмамлау алдында тора. Соңгы кыңгырау чыңы аларның туган мәктәп, укытучылар белән хушлашу авазы. Бәйрәмдә район мәдәният бүлеге җитәкчесе Р.Ф.Заһидуллин, район мәгариф бүлеге психологы А.И.Гыймадиева, укучыларның әти-әниләре һәм, 9 сыйныфны тәмамлап, Казанда төрле уку йортларында белемнәрен дәвам итүче сыйныфташлары да катнашты. Кече Шыңар мәдәният йорты хезмәткәрләре үзешчән сәнгатьтә актив катнашкан укучыларга истәлек бүләкләре тапшырды. Бәйрәм укучыларның матур чыгышлары, кунакларның изге теләкләре белән үрелеп барды. Ул, мәктәп елларының тагын бер гүзәл мизгеле булып, күңелләргә уелып калды.

 Укучыларыбызга хәерле юллар, имтиханнарда уңышлар телибез. 

15 май көнне Казанда «Нобелевские надежды КНИТУ-2015» фәнни-эзләнү һәм иҗади эшләр конкурсы узды. Бу конкурста безнең мәктәпнең 10 сыйныф укучысы Мөхетдинов Рәзил (җитәкчесе Мөхетдинов Ф.Я.) катнашты. Рәзил финалда уңышлы чыгыш ясады, 3 урынга һәм истәлекле бүләккә лаек булды. Укучыбызны җиңүе белән котлыйбыз, укуында уңышлар телибез.

Күңелләрдә яз аеның

Бар шатлыгы, бар яме.

Күк йөзендә - күгәрченнәр,

Илдә - Җиңү бәйрәме.

8 май көнне Олы Шыңар авыл җирлегендә Бөек Җиңүнең 70 еллыгына багышланган бәйрәм чаралары шаулап узды. Чараларга сугыш ветераны Габделхаев Габделхак абый һәм тыл ветераннары чакырылган иде. Башта мәктәп укучылары "Үлемсез полк" акциясе кысаларында  сугышта ятып калган бабайларының, авылдашларының фотоларын күтәреп урам буйлап җырлап уздылар. Аннан соң Җиңү көненә багышланган тантаналы митинг, сугышта һәлак булганнар хөрмәтенә куелган обелискны ачу тантанасы булды. Тантанада Саба муниципаль районы башлыгы Р.Н. Миңнеханов, Башкарма комитет җитәкчесе Р.М.Гасыймов, район мәдәният бүлеге җитәкчесе Р.Ф.Заһидуллин һ.б. катнашты.   Бәйрәм мәдәният йортында әдәби-музыкаль композиция белән дәвам итте. Авыл җирлеге үзешчәннәре, укучылар  көче белән әзерләнгән концерт караганнан соң, ветераннарыбыз чәй табынына утырдылар.