15 октябрь көнне Тимершык авыл мәдәният йортында  Саба районына 85 ел тулу уңаеннан оештырылган, “Бәхет иле – балачак” дип аталган район конкурсының зона туры булып үтте. Биредә мәктәбебездән “Әлфия” халык бию коллективының кечкенәләр төркеме, нәфис сүз осталары Реналь Ахметов, Динә Мөбарәкова, Фирүзә Бикбаева, Алинә Заһидуллина, җырчылар Динә Сөләйманова, Илданур Хуҗиәхмәтов, Иллария Мөхәммәтова, Гөльяз Галимова катнашып, уңышлы чыгыш ясап кайттылар.

Мәктәбебездә 7-8 нче сыйныф укучылары ярдәме белән чәчәк орлыгы җыю өмәсе оештырылды.

6 октябрь көнне Саба районы мәдәният йортында укытучылар көненә багышланган кичә булып узды. Мәктәбебездә күп еллар буе рус теле һәм литература укытучысы булып эшләгән Нурисламова Гөлшат Нәҗиповна бүләкләнде.

4 октябрь көнне Саба районы мәдәният йортында "Иң күркәм гаилә-2015" бәйгесе булып узды. Әлеге чарада районыбызның төрле авылларыннан килгән 17 гаилә катнашты.Авылыбыздан Садыковлар гаиләсе "Иң иҗади гаилә" номинациясендә җиңү яуладылар.

1 октябрь - Халыкара өлкәннәр көне. Шул уңайдан мәктәбебездә төрле вакытта эшләгән, ә хәзер лаеклы ялда булган укытучылар, техник хезмәткәрләр бәйрәм кичәсенә чакырылды. Укучылар шигырьләр сөйләп, җырлар җырлап өлкәннәребезгә рәхмәт әйттеләр. 

Өлкәннәр көне булса да,

Күңелегез сезнең гел яшь.

Яшәгез безнең арада

Булып назлаучы кояш.  

24 нче сентябрь көнне Корбан гаете булып узды. Мөселманнарның шушы олы бәйрәме уңаеннан буген мәктәбебездә корбан ашы үткәрелде.

Бүген мәктәбебездә "Милләтләр кроссы" акция кысаларында йөгерү бәйгесе үткәрелде.Физкультура хәрәкәтен киң массаларга тарату, авыл халкында физик культура белән даими шөгыльләнү буенча кызыксыну тудыру максатында үткәрелгән бу чарада барлык мәктәп укучылары, укытучылары, техник хезмәткәрләр катнашты. Барлык сыйныфлар арасында беренчелекне яулаган укучылар:

Башлангыч сыйныфлар арасында 1 -  Гыйлметдинов Әдел,  2 - Хуҗиәхмәтов Илданур, 3 - Яхин Рафил.

5 - 8 сыйныфлар арасында 1 - Шарифуллин Рәдис һәм Кадыров Ранил , 2 - Мөхәммәтгалиев Азат, 3 - Галимуллин Нәзир.

9 - 11 нче сыйныфлар арасында 1 - Яхин Ранил, 2 - Сафин Камил, 3 - Нәбиуллин Илгизәр.

Кабак бәйрәмен укучылар түземсезлек белән көтеп алалар. Һәр елны яңа идеяләр, кызыклы композицияләр уйлап табарга тырышалар. Быел да бу бәйрәмгә һәр сыйныф бик теләп әзерләнде. Кабактан ташбака, чәчәкле вазалар, кәрзиннәр ясап, Саба район үзәгендә узачак  күргәзмәгә җибәрделәр.

Быел көз бик матур килде.Янгыр да сирәк кенә ява, көннәр дә җылы, кояш та якты нурлары белән безне иркәли. Экскурсия-походларга йөрер өчен менә дигән вакыт! Кайбер сыйныф укучылары үткән атнада ук дәресләрдән соң табигать кочагына  барырга өлгерделәр инде. Саф һава сулап, туйганчы футбол-волейбол уйнап, учак янында җыелышып аралашып утырып, вакытларын күңелле үткәреп бик канәгать булып кайттылар. Бу атнада да экскурсияләр сезоны дәвам итә!