Бүген Олы Кибәче "Күбәләк" балалар бакчасында тәрбияләнүчеләр мәктәп китапханәсендә экскурциядә булдылар. Алар китапханә эшчәнлеге, андагы балалар өчен булган матур әдәбият белән таныштылар.

27 октябрь көнне башлангыч сыйныф укучылары катнашында "Сөмбелә" бәйрәме булып узды. Җиләк - җимеш һәм яшелчәләр булып киенгән укучылар көзнең матурлыгы, уңышлары турында чыгыш ясадылар. "Кишерләр", "помидорлар" һәм "кәбестәләр" төрле бәйгеләрдә көч сынаштылар.Сөмбеләнең табышмакларына һәм сорауларына җавап бирделәр.

Мәктәбебездә 5 - 7 сыйныф укучылары өчен "Көзге уңыш" бәйрәме уздырылды. Бәйрәмдә һәр сыйныф укучысы үзләренең һөнәрләрен күрсәттеләр, кызыклы уеннар уйнадылар.

Бүген 5 сыйныф укучылары белән "Үзем турында үзем" дип исемләнгән класс сәгате үтте. Укучылар презентация ярдәмендә узләре белән якыннанрак таныштырдылар. Ф.Илфир, Г.Әдилә һәм Д.Айназларның чыгышлары аеруча да игътибарга лаек булды. 

Мәктәбебездә "Хәтер көне" уңаеннан китапханәче Илсөя Рамазан кызы "Хәтердә тарихның ул көне" дип исемләнгән китап күргәзмәсе оештырды.

Бүген тарих укытучысы Каримова Л.Р. "Хәтер көне" уңаеннан 6-7 сыйныф укучылары белән әңгәмә үткәрде. Укучыларны Казан ханлыгы яулап алыну һәм фаҗигале язмышы белән таныштырды.

12 октябрь көнне мәктәбебездә 2 сыйныф укучыларын эзтабарлар сафына кабул итү бәйрәме булып узды. Аларга киләчәктә зур уңышлар телибез!

5 октябрь - Укытучылар көне уңаеннан 10 сыйныф укучылары "Рәхмәт сиңа, укытучым!" исемле әдәби - музыкаль кичә оештырдылар. Бәйрәм матур шигырьләр, укучыларның биюләре һәм котлаулары белән үрелеп барды.

4 октября в школе проведен открытый урок по ОБЖ, посвященный празднованию Дня гражданской обороны страны. Учитель ОБЖ Камалов Р.В. дал информацию об истории образования, становления и развития гражданской обороны страны.

1 октябрь - Халыкара өлкәннәр көне. Бу көнне бәйрәмгә мәктәбебездә эшләп лаеклы ялга чыккан өлкәннәр чакырылды. Укытучылар һәм укучылар кунакларны моңлы җырлары, матур биюләре һәм эчтәлекле шигырьләре белән сөендерделәр. Ветеран укытучылар хезмәт елларындагы төрле хатирәләрен искә төшерделәр. Мәктәп коллективына зур уңышлар теләделәр. Бәйрәм чәй табыны артында дәвам итте.