Бүген мәктәбебездә Олы Кибәче авыл җирлеге башлыгы, авыл советы депутаты Сафин А.К.катнашында Парламент дәресе узды. Дәресне тарих укытучысы, авыл советы депутаты Каримова Л.Р. башлап җибәрде .  Сафин А.К.  югары класс укучыларын  Олы Кибәче авыл җирлегенең 2020нче елга стратегик үсеш планы белән таныштырды. Әлеге планны тормышка ашыру өчен җирлектә булган мөмкинлекләр, каршылыклар турында сөйләде.

Укучыларда сәламәт яшәү  рәвеше тәрбияләү, хәрәкәт активлыкларын арттыру максатларын күздә тотып, бүген 3-5 класс укучылары арасында бадминтон ярышлары узды.

12 февраль көнне татар сыйныфларында белем алучы укучылар өчен татар әдәбияты буенча республика олимпиадасының йомгаклау этабы үтте. Бу бәйгедә дә безнең мәктәбебезнең укучылары актив катнашып, зур җиңүләргә ирештеләр. 11 сыйныф укучысы Газизова И. җиңүче һәм 10 сыйныф укучысы Юзеева Н. (укытучылары: Гафиятова Ә.Ә.) призлы урыннарга лаек булдылар. Җиңүче укучыларыбызга һәм аларның укытучысына иҗади уңышлар һәм яңа җиңүләр теләп калабыз.

11 февраль көнне Олы Кибәче авыл җирлегендә "Чаңгы юлы - 2017" булып үтте. Бу ярышта мәктәбебез укытучылары һәм укучылары актив катнаштылар.

11 февраль көнне татар мәктәпләре өчен татар теле буенча узган олимпиаданың республика этабында мәктәпнең 11 сыйныф укучысы Газизова И. (укытучысы: Гафиятова Ә.Ф.) һәм 9 сыйныф укучысы Шакирова Г. (укытучысы: Сафина С.З.) призлы урынга лаек булдылар. Укытучыларны һәм укучыларны чын күңелдән җиңүләре белән котлыйбыз! Киләчәктә зур уңышлар, саулык - сәламәтлек телибез!

Бүген мәктәбебездә 1 сыйныф укучылары өчен "Әлифба бәйрәме" булып үтте. 1 нче сыйныф укучылары үзләренең яраткан дәреслекләре "Әлифба" белән саубуллаштылар.

8 февраль көнне Саба районының Балалар иҗат үзәгендә "Иң шәп әйдаман - 2017" бәйгесе узды. Бу бәйгедә мәктәбебезнең 9 сыйныф укучысы Галиахметова Зәринә 3 урынга лаек булды. Зәринәне чын күңелдән котлыйбыз һәм киләчәктә дә зур уңышлар телибез!

Февраль- патриотик тәрбия һәм сәламәт яшәү рәвеше тәрбияләү айлыгы. Әлеге айлык кысаларында мәктәптә төрле чаралар планлаштырылган. Бүген 9, 10 класс укучылары "Күңелле стартлар"да көч сынаштылар. Эстафета, боулинг, скакалкада ярыш, бадминтон буенча көч сынашып,  иң җитезләр билгеләнде.

Мәктәп китапханәсендә "Ватан геройларына дан һәм хөрмәт" темасына китап күргәзмәсе урнаштырылды

Казан Федеральуниверситетының социаль - фәлсәфи фәннәр һәм гаммәви коммуникация институтының татар журналистикасы кафедрасы мөдире, филология фәннәре докторы, профессор, Россия Федерациясе югары һөнәри белем өлкәсенең мактаулы хезмәткәре Васил Заһит улы Гарифуллин исемендәге "Серле каләм" иҗат бәйгесендә 5 - 6 нчы сыйныфлар арасында Фатихов И.И. 2 урын һәм мәктәп күләмендә чыгучы газеталар арасында үткәрелгән номинациядә "Ай нурлары" газетасы 3 урын яулады.