"Көмеш кыңгырау"газетасының 14нче июль санында  Гөлчәчәк Мөхәммәтшина һәм Фәүзән Кәримовларның шигырьләре басылып чыкты. Аларга тагын да иҗади уңышлар теләп калабыз.

Җәй үзенең кояшлы матур көннәре,чәчәкле, җиләкле болыннары белән бик күңелле.

Кайбер укучыларыбыз күңелендә җәй күңелле лагерь көннәре белән дә истә калачак.

Мөхәммәтҗанова Зилә һәм Дәүләтшина Ландыш "Сәләт", Гаянова Зәлия һәм Гайсина Инзиләләр Явлаштау "Кояшкай" лагеренда ял итеп кайттылар. Кызларга анда оештырылган барлык чаралар да бик ошады.

Барыгызның да җәе нәтиҗәле һәм файдалы үтсен!

25нче июнь көнне Олы Арташ төп мәктәбендә аттестат тапшыру кичәсе булып үтте.

Мәктәпне 8 укучы тәмамлады һәм барысы да өлгергәнлек аттестаты алды.

Парталар артында калдылар.

 Калдылар балачак еллары.

Аттестат – кулларда,

Зур тормыш чакыра

Безне зур, җаваплы юлларга.

Безгә белем биргән укытучыларга,

мәктәптәге поварларга, техник хезмәткәрләргә

зур рәхмәтебезне белдерәбез.

Сау бул инде, кыңгыраулы мәктәп!

Таралабыз төрле якларга.

Аерылганда бергә сүз бирәбез:

Гел биеккә – алга атларга!

Аттестат тапшыру тантанасыннан күренеш.

Хуш, мәктәбем!

Сау бул, укытучым!

Башым иеп рәхмәт җиткерәм.

Синнән алган олы ышаныч

Киләчәккә миңа көч бирә.

 Их, күңелле лагерь көннәре,

Сез бик тиз үтеп киттегез.

Алда бит әле тулы бер җәй,

Рәхәтләнеп  ял итәрбез.

Бүген " Мисс һәм мистер" конкурсы үткәрелде. Бик күп сынаулардан соң Алсу һәм Әлфис,Гөлия һәм Рүзәл җиңүчеләр дип танылды.

Интервью. Лагерь турында фикерләрегез.

-Бик күңелле,матур иде,ләкин бик тиз үтеп китте...       Зәлия;

-Безне караган,ашаткан,тәрбияләгән апаларга чиксез зур рәхмәтемне белдерәм...    Гөлфинә;

- Миңа аеруча сәяхәтләр ошады. Алар быел аеруча күп оештырылды...        Азат;

- Мин җәй буе йөрер идем әле...        Алсу;

Шулай итеп нәтиҗә ясыйбыз: лагерь барыбызга да ошады,киләсе елга тагын йөрербез әле, алла боерса. 

Бүген балалар Икшермә "Тургай" балалар приютында булдылар.

Казан яшьләр театры "Юлда йөри беләсеңме?" дигән тамаша куйды һәм ДПС инспекторы Ленар Минҗанов балаларга юл йөрү кагыйдәләре турында лекция укыды. Шулай итеп, бүгенге көн бик мөһим темага багышланды.

20нче июнь көнне лагерьда ял итүче балалар Арча районының Кырлай һәм Кушлавыч авылларында урнашкан Тукай музейларында сәяхәттә булдылар. Алар аннан матур тәэсирләр белән кайттылар.

   Бүген лагерьда ял итүче балалар күренекле галим Әбрар Кәримуллин туган авыл Чәбия - Чүрчигә сәяхәт кылдылар, аның  каберенә чәчәкләр куйдылар.

Әбрар Гыйбадулла улы Кәримуллин — татар галиме, милли хәрәкәт әгъзасы, китап белгече, библиограф, филология фәннәре докторы, Татарстан Фәннәр академиясенең хакыйкый әгъзасы, ТАССРның атказанган фән эшлеклесе, Татарстан Республикасының Габдулла Тукай исемендәге Дәүләт бүләге лауреаты, Кол Гали исемендәге халыкара бүләк лауреаты. Безнең мәктәптә дә ул өч ел белем алган.

Мәктәп бакчасында

Эшлибез биреп күңел.

Су сибәбез,чүп утыйбыз

Без бер дә ялкау түгел.