Бүген барлык сыйныфларда да ЧИСТАЛЫК ДӘРЕСЕ үткәрелде. Балаларга әйләнә-тирә табигатьне,сулыкларны саклау  серләре өйрәтелде.

Дәрестә әңгәмә, сорау-җавап алымнары кулланылды. укучылар дәрестә үзләренә бик күп кирәкле мәгълүмат алдылар.

Район күләмендә ел саен үткәрелә торган "Кабак" бәйрәме булып узды.

Безнең мәктәп һәм балалар бакчасы коллективы кызыксындыру бүләгенә ия булдылар.

Шулай ук мәктәп яны бакчасы  да 3нче урынга лаек булды.

Варислар туган көненә багышлап "Тамчы - шоу" үткәрелде.

"Варислар", "Без Татарстан варислары" командалары ярышты.

Бәйгедә дуслык җиңде.

 9нчы сыйныф укучылары,сыйныф җитәкчеләре Гөлнур Шаһитовна белән бергә, "Нырты" хуҗалыгына экскурсиягә бардылар.Әлеге чара һөнәр бирү юнәлеше буенча үткәрелде. Укучылар авыл хуҗалыгы һөнәрләре белән таныштылар.

Мәктәп яны тәҗрибә участогында көзге эшләр.

Үзебез үстердек

Шундый зур кабакны.

Район конкурсына да

Алып барырбыз аны.

Сәламәт буласың килсә,

Аша,син, кишер күп итеп.

Мәктәп бакчасында бәрәңге уңышы мул булды.

"Көмеш кыңгырау" газетасында Дәүләтова Ильмираның "Рәхмәт сиңа", Гаянова Зәлиянең "Бакчада" исемле шигырьләре басылып чыкты.

Кызлар,сезгә яңа иҗат уңышлары телибез!!!

     Ниһаять, зарыгып көткән көмеш кыңгырау чыңы безне ,аллы-гөлле күбәләкле,чәчәкле озын җәйге ялдан көч җыйган, шат күңелле укучыларыбызны, аларны сагынып көткән укытучыларыбызны, кабат үзенә дәште. 

    Урамда көзге, яңгырлы-җилле һава торышы  хакимлек итүгә карамастан, безнең күңелләрдә кояш көлә.Укучыларыбыз кулындагы чәчәк бәйләмнәре, җәйнең якты истәлеге булып, хуш ис тарата, ап-ак алъяпкычлы, чәчләренә ак тасма үргән кызларыбыз күбәләкләрне хәтерләтә.

Сентябрь дә килеп җитте

Сагынып көткән көннәр.

Бәйрәмгә дип үстердем мин

Өй түребездә гөлләр.

Мәктәпкә ашыктык бүген

Тотып чәчәк бәйләмен,

Чыңлый кыңгырау моңнары

Котлап Белем бәйрәмен.