Гимназиябезнең кадерле укучылары, хөрмәтле укытучылар, әти-әниләр! Барыгызны да "Cats house" песиләр приютына ярдәм итү максатыннан «Бир тәпиеңне, дустым!» акциясенә кушылырга чакырабыз!

Приюттан шундый хәбәр килде: «Здравствуйте! Весь приют сидит на корме Purina one (он нужен всегда, если приобрели корма другой марки тоже с благодарностью примем, мы не одним днём живём). Ещё нужны наполнители, шприцы 1-2-5 кубовые. Может у кого в семье есть когтеточки или комплексы которыми не пользуются домашние животные, бывает люди покупают, а из питомцы не пользуются. У нас на 95% износилось всё, выкинуть пока не можем, останутся голые полы. Закупиться тоже пока нет возможности, стройка вытягивает с нас все финансы». Песиләрнең дә безнең шикелле табигать балалары икәнен онытмасак иде. Алар да безнең ярдәмгә мохтаҗ. Акциягә битараф булмаучыларга алдан ук рәхмәтебезне белдерәбез! Хәйрия акциясе 7 октябрьгә кадәр дәвам итә.

3 нче октябрь көнне үткәрелгән “Россия- минем горизонтларым” сыйныфтан тыш эшчәнлек курсы “Индустриаль Россия: атом- төш сәнәгате” темасына багышланды. Укучылар видеоөзекләр, төрле кызыклы биремнәр ярдәмендә әлеге юнәлеш белән таныштылар. Дәреснең максатлары:
- атом- төш сәнәгате турында тулысынча мәгълүмат бирү;
- укучыларны һөнәр сайлау процессына әзерләү.

2 нче октябрь көнне Казан шәһәре мәгариф идарәсе тарафыннан тәрбия эшләре һәм сыйныф җитәкчесенең эшчәнлеге буенча түгәрәк өстәл оештырылды. Әлеге матур чарада гимназиябезнең тәрбия эшләре буенча директор киңәшчесе Гөлчәчәк Әсхатовна да катнашты.
Гөлчәчәк Әсхатовна мәгариф идарәсе вәкилләренә, килгән кунакларга "Тату сыйныф серләре" бәйгесендә катнашу нинди нәтиҗә бирүе турында сөйләде. Чара ахырында нәтиҗәле хезмәте өчен мәгариф идарәсе башлыгы Ирек Асафович тарафыннан имзаланган рәхмәт хаты белән бүләкләнде. Чын күңелдән котлыйбыз!

8А сыйныфы укучылары сыйныф җитәкчеләре Айгөл Фатыховна белән берлектә "Киләчәккә билет" һөнәри юнәлеш проекты кысаларында "Киләчәк лабораториясе" күргәзмәсендә булып кайттылар. Проектның максаты- мәктәп укучыларында булачак һөнәрне аңлы рәвештә сайлау буенча күнекмәләр формалаштыру.

Гимназиянең 1Г сыйныфы укытучысы Аделя Ирековна яшь мөгаллимнәрне "Укытучы" һөнәренә багышлау тантанасында катнашып кайтты. Чара барышында мәгариф һәм фән министры Илсур Һадиуллин Татарстан Республикасы Рәисе Рөстәм Миңнехановның котлавын җиткерде. Яшь мөгаллимнәр укытучы һөнәренә тап төшермәскә, Татарстан укытучысы дигән исемне горур йөртергә ант иттеләр.

Гимназиябез укучылары "ШАЯН ТВ" каналы белән берлектә Муса Җәлилнең музей- квартирасында булып кайттылар. Алар герой шагыйрьнең шигырьләрен видеоязмага төшерделәр. Молодцы, укучылар!

1 нче октябрьдә Халыкара музыка көне билгеләп үтелә. Шул уңайдан укучылар музыка дөньясы белән таныштылар, җыр геройларын үзләренең рәсемнәрендә чагылдырдылар.
Музыка турында берничә кызыклы факт:
- Музыка безнең организмга тәэсир итә. Безнең йөрәк тыңлаган музыка ритмына көйләнә.
- Җыр хәтерне һәм фикер йөртү сәләтен яхшырта.
- Психологлар фикеренчә, музыка кәефне яхшыртып кына калмый, куелган максатларга ирешергә, үз- үзеңә ышанырга да ярдәм итә.

1 нче октябрь- Халыкара өлкәннәр көне. Әлеге көн уңаеннан гимназиядә матур чаралар, сыйныф сәгатьләре үткәрелде:
- гимназия активистлары "Солнечный" реабилитация үзәгендә оештырылган "Сезгә хөрмәт һәм ихтирам" бәйрәм концертында катнаштылар;
- 1А сыйныфы укучылары белән кинолекторий уздырылды, "Жили-были дед и баба" мультфильмы каралды;
- 4В сыйныфы укучылары "Бәйрәм" мультфильмы буенча фикер алыштылар, әби- бабайларына открыткалар ясадылар.
Кадерле әби- бабаларыбыз, гомерләренең "көмеш" чорына кергән апа- абыйларыбыз бәйрәм көнне генә түгел, ә һәрвакыт игътибарга һәм яратуга мохтаҗ. Алар- безнең тормышны бизәүчеләр. Барлык өлкәннәребезгә сәламәтлек, гаилә җылысы, күңел тынычлыгы теләп калабыз!

30 нчы сентябрь көнне гимназиядә дүшәмбе иртәсе традицион рәвештә РФ һәм ТР Дәүләт флагларын күтәрү һәм гимннарны башкарудан башланды. Тантанадан соң барлык сыйныфларда "Мөһим сөйләшүләр" уздырылды. Дәреснең темасы "Укытучылар көне" дип аталды. Укучылар кеше тормышында укытучының роле турында фикер алыштылар.

Шулай ук гимназиябездә "Укытучыма рәхмәт сүзләре" дигән акция башланып китте. Барлык укучыларны, әти- әниләрне әлеге акциядә актив катнашырга чакырып калабыз!

30 нчы сентябрь көнне гимназия укучылары өчен мөһим вакыйга булды. Жуков исемендәге Кызыл байраклы Казан югары танк команда училищесы базасында "ЮНАРМИЯ" хәрәкәтенә кабул ителү тантанасы уздырылды. Укучыларыбыз Салаватуллина Әминә, Ишмухаметова Әминә, Әминова Мәрьям, Булатов Инсаф, Зарипов Амиль, Зянов Раян һәм Менликеев Әмир яшь армиячеләр сафын тулыландырдылар. Котлыйбыз!
"Ватанга тугры калырга, яшь армиячеләр туганлыгына тап төшермәскә, намуслы һәм гадел булырга, ярдәмгә мохтаҗларны якларга, укуда һәм спортта уңышларга ирешергә!" - әлеге сүзләр "ЮНАРМИЯ" хәрәкәтенең девизы булып тора.