Муниципальное бюджетное общеобразовательное учреждение «Гимназия №18 с татарским языком обучения - «Галэм» Приволжского района г. Казани
Визитная карточка
| Адрес: | Республика Татарстан, 420141, г. Казань, ул. Кул Гали, д. 13 |
| Телефон: | +7(843)-262-43-69 (приёмная); +7(843)-590-13-18 (охрана) |
| E-Mail: | g18.kzn@tatar.ru |
| Министерство: | Министерство образования и науки Республики Татарстан |
| Короткое название: | МБОУ "Гимназия №18 - "Галэм" |
| Руководитель: | Фасхутдинова Гульшат Абузаровна |
| Год основания учреждения: | 1999 |
| У нас учатся: | 905, из них иностранных граждан - 0 |
| У нас учат: | 61 |
Муниципальное бюджетное общеобразовательное учреждение «Гимназия №18 с татарским языком обучения - «Галэм» Приволжского района г. Казани - новости
Страницы: << 21 22 23 24 25 26 ( 27 ) 28 29 30 >>
-
"Белем бирү оешмасын үстерүнең төп инновацион ресурсы буларак нәтиҗәле мәктәп командасы" өстәмә һөнәри квалификация күтәрү программасы буенча укыту 02.11.2024
31 нче октябрьдән 2 нче ноябрьгә кадәр республика күләмендә "Белем бирү оешмасын үстерүнең төп инновацион ресурсы буларак нәтиҗәле мәктәп командасы" өстәмә һөнәри квалификация күтәрү программасы буенча укытулар оештырылды. Гимназия директоры Гөлшат Әбүзәровна һәм директор урынбасарлары әлеге стажировкада катнаштылар.
Уку формасы төрле лекцияләр, мастер- класслар, эшлекле уеннар, тренинглар, модуль презентациясе, түгәрәк өстәлләр, индивидуаль консультацияләр аша оештырылды.
Төп нәтиҗә: сыйфатлы белем бирүне тәэмин итү өчен, мәктәпнең идарә командалары белем бирү процессына һәм идарәгә игътибар итәргә тиеш. Бу фән укытучыларының үсешен тәэмин итәчәк һәм уку процессын шактый яхшыртачак, шул рәвешле укучыларның югары казанышларына китерәчәк. -
"Что? Где? Когда?" интеллектуаль уен 02.11.2024
Гимназия укучылары шәһәр күләмендә үткәрелгән "Что? Где? Когда?" интеллектуаль уенда катнаштылар. Бәйге КАИ уку йорты бинасында уздырылды. Укучылар ике категориядә көч сынаштылар. Аларга киләсе этапларда уңышлар теләп калабыз! Балаларны әлеге бәйгегә әзерләгән өчен тарих һәм җәмгыять белеме укытучысы Эльмира Расыховнага рәхмәт!
-
"Татар кызы, Татар егете - 2024" бәйгесе 01.11.2024
1 нче ноябрь көнне "Татар кызы, Татар егете - 2024" шәһәр бәйгесенең район этабы уздырылды. Әлеге конкурсның төп максаты- балаларда милләтебезгә карата горурлык хисе тәрбияләү һәм татар милли йолаларына кызыксыну уяту.
Әлеге чарада уңган, зирәк, кыю егет- кызлар көч сынашты. Бәйге ике этаптан торды:
- "Үзем турында үзем";
- Бөек татар драматургларының әсәрләрен сәхнәләштерү.
Гимназиябезнең данын 9А сыйныфы укучысы Әминова Мәрьям яклады. Мәрьям үзен чын татар кызы буларак күрсәтте. Афәрин!
Мәрьямне бәйгегә әзерләгән өчен Фәния Наилевна һәм Гөлназ Зөфәровнага рәхмәт белдерәбез!!! Нәтиҗәләрне көтеп калабыз!Видеога сылтама: https://vk.com/club216931602?z=video-216931602_456239331%2Fa095c89710e2f5d64d%2Fpl_wall_-216931602
-
Китапханәгә сәяхәт 01.11.2024
Китапханәгә беренче килү һәм китап укучы билетына ия булу беренче сыйныф укучылары өчен бик мөһим вакыйга. Гимназия китапханәчесе Зөлфия Рафаильевна балаларны "Китаплар шәһәре" урамнары буйлап сәяхәткә чакырды.
Әлеге шәһәрдә урамнар урынына- стеллажлар, этажлар урынына- китап киштәләре, йортлар урынына- китап томнары. Һәр йортның үз исеме бар. Сәяхәт барышында яшь укучылар китапның барлыкка килү тарихы, китапханә кагыйдәләре, яңа сүзләр, төшенчәләр белән таныштылар: абонемент, уку залы, формуляр, стеллаж.
1 нче сыйныф укучылары "Китапханә турында" дигән әкият тыңладылар, викторина сорауларына җаваплар эзләделәр, төрле журналларны һәм китапларны зур кызыксыну белән карадылар.
Укучыларыбызга сәяхәт бик ошады! Бүгеннән алар китапханәнең даими китап укучылары рәтенә керделәр! -
"Театрның яше юк" II Республика фестиваль- конкурсында 31.10.2024
Гимназиябез укучылары Кәрим Тинчурин исемендәге Татар дәүләт драма һәм комедия театры үткәргән гаилә һәм мәктәп театрларының "Гаилә тарихы", "Театрның яше юк" II Республика фестиваль- конкурсында катнаштылар. Укучылар "Зәңгәр шәл" спектакленнән өзекне жюри әгъзаларына тәкъдим иттеләр. Укучыларыбыз белән чын күңелдән горурланабыз!
Әлеге чыгышны югары дәрәҗәдә әзерләгән өчен театр түгәрәге җитәкчесе Фәния Наилевна, Гөлфия Рөстәмовна һәм Гөлназ Зөфәровнага рәхмәтләребезне җиткерәбез! -
"Россия- минем горизонтларым" курсы 31.10.2024
31 нче октябрь көнне үткәрелгән “Россия - минем горизонтларым” сыйныфтан тыш эшчәнлек курсы кысаларында укучылар белән "Сәламәт Россия: биотехнологияләр, экология" темасына сөйләшү үткәрелде. Укучылар "экологик культура" төшенчәсе белән таныштылар, презентация һәм видеоөзекләр карадылар, биремнәр эшләделәр, фикер алыштылар.
-
Халыкара әбиләр һәм бабайлар көне 30.10.2024
28 нче октябрь- Халыкара әбиләр һәм бабайлар көне.Әлеге көн уңаеннан, гимназиябез китапханәсендә 1Г сыйныфы укучылары белән "Әдәбиятта әби- бабайлар образы" дип исемләнгән чара үткәрелде. Укучылар әлеге көннең тарихы, традицияләре белән таныштылар, видеоөзекләр карадылар, әби- бабайларына открыткалар ясадылар.
-
Халыкара мәктәп китапханәләре айлыгы 29.10.2024
Халыкара мәктәп китапханәләре көне 1999 нчы елдан башлап октябрьнең дүртенче дүшәмбесендә билгеләп үтелә. Әлеге көннең максаты- җәмгыятьнең игътибарын мәктәп китапханәләренең торышына, әдәби запасны камилләштерүгә һәм тулыландырып торуга җәлеп итү.
Халыкара мәктәп китапханәләре айлыгы кысаларында гимназиябез укучылары белән төрле кызыклы чаралар үткәрелде:
- "Хайваннар патшалыгында" экологик сәгать;
- "Читалия иленә сәяхәт"- 1 нче сыйныф укучыларын гимназия китапханәсе белән таныштыру;
- Китаплар һәм дәреслекләрне "ремонтлау" буенча әңгәмә һәм мастер- класс, сыйныфлар буенча дәреслекләрнең торышын тикшерү;
- "Китапханәдә китаплар сайлау"- китапханә дәресе;
- "Китапка икенче тормыш бүләк ит- 2024” акциясе;
- "Яхшылар арасында иң яхшысы" интеллектуаль уен;
- Шагыйрь М. Ю. Лермонтов иҗаты буенча күргәзмә;
- "Укый торган гаилә - укучы ил" республика конкурсының мәктәп этабы.Әлеге чараларны оештырган өчен китапханәче Зөлфия Рафаильевна һәм тәрбия эшләре буенча директор киңәшчесе Гөлчәчәк Әсхатовнага зур рәхмәт!
Гимназиянең "Галәм Медиа" каналыннан укытучыларыбызның яратып укыган китаплары турында репортажны сезгә дә тәкъдим итәбез!
Видеога сылтама: https://vk.com/club216931602?z=video-216931602_456239328%2F2bffbbc0f8bffbe295%2Fpl_wall_-216931602
-
“Китапка икенче тормыш бүләк ит- 2024” акциясе нәтиҗәләре 28.10.2024
Гимназиябез укучылары һәм хезмәткәрләре “Китапка икенче тормыш бүләк ит- 2024” акциясендә бик актив катнаштылар. Чара мәктәп китапханәләрен белем алу әсбаплары, фәнни- популяр, белешмә китаплар белән баету максатыннан үткәрелде. Әлеге акция ярдәме белән гимназия китапханәсенә барлыгы 508 китап бүләк ителде. Барлык катнашучыга зур рәхмәтләребезне җиткерәбез!
-
Түбән Новгород шәһәрендә 23.10.2024
Гимназиянең 7Б һәм 10 нчы сыйныф укучылары сыйныф җитәкчеләре Лилия Газинуровна, Эльмира Вагизовна һәм әти- әниләр белән берлектә Түбән Новгород шәһәрендә экскурсиядә булып кайттылар. Экскурсия барышында укучылар шәһәрнең, Кремльнең тарихы белән таныштылар, язучы А. М. Горькийның музей- фатирында, танылган "Лимпопо" зоопаркында булдылар. Түбән Новгород шәһәре укучыларга, укытучыларга һәм әти- әниләргә бик ошады, күңелләрдә матур истәлекләр, уңай эмоцияләр калдырды!
