Башым иям бу дәһшәтле чорда

Шундый уллар биргән халыкка.

Башым иям бу халыкның исемен

Мәңге үлмәс иткән шагыйрьгә!.

     Укучыларда М.Җәлил иҗатына һәм шәхесенә карата ихтирам, милли үзаң, горурлык хисе тәрбияләү максатыннан чыгып, 10 нчы б сыйныфында (укытучы: Чевачина Р.В.) “Батырлыкка - мәдхия!” темасына сыйныф сәгате үткәрелде. Укучылар  шагыйрь иҗатын белүләре буенча көч сынаштылар. Шагыйрьнең  «Ышанма», «Вәхшәт», «Кызыл ромашка», «Ана бәйрәме», «Бүреләр», «Хат» һ.б. әсәрләре халык  хәтеренә  җуелмаслык булып  салынганын тагын бер тапкыр исбатладылар. Шагыйрь үзенең  яшәү принципларын янә искәртте кебек:

Батыр үлә, үлмәс ат алып,

Батырлыклар белән макталып,

Исмең калсын, үзең үлсәң дә,

Тарихларда укып ятларлык.

Сынаулары аша сыный тормыш,

Җиз иләктән кат-кат үткәрә.

Рухлары көчле булганнарны

Йолдыз итеп күккә күтәрә.

   13 нче февраль көнне 7 нче б сыйныфында (укытучы: Гурьева Л.С.) “Батырларның исеме мәңгелек!” дип исемләнгән патриотик сыйныф сәгате уздырылды. Укучылар  шагыйребез Муса Җәлилнең иҗаты  турында документаль фильм карадылар, шигырьләр сөйләделәр. Сыйныф сәгатенә килгән әти-әниләр дә “Моабит дәфтәрләре” турында мәгълүматлар белән уртаклаштылар.

   Укучылар бу чарада бик  теләп катнаштылар, үз белемнәрен күрсәттеләр.

7 нче б сыйныфында (укытучы: Якупова В.Б.) герой-шагыйрь Муса Җәлилнең үзенчәлекле иҗатын өйрәнүне популярлаштыру, укучыларда кызыксындыру уяту максатыннан дәрес - КВН үткәрелде. Әдәби КВН, бу уенның барлык кагыйдәләре кысаларында, М.Җәлилнең биографиясен, иҗатының үзенчәлекле этапларын өйрәнү – кабатлау максаты белән оештырылды. Җәлилнең кабатланмас иҗатына, үзенчәлекле батырлыгына дан җырланды. КВН-биремнәр барышында, “Бүреләр”, “Кызыл ромашка” кебек популяр шигырьләре белән беррәттән, укучылар шагыйрьнең балладаларына һәм юмористик иҗатына да тукталдылар. КВН-дәрес азагында “Сораулар лигасы” оештырылды.

Уважаемые родители будущих первоклассников!

26 января 2019 года в 11.30

в актовом зале школы №29

состоится первая встреча

с родителями будущих первоклассников.

Занятия (бесплатные)

с будущими первоклассниками начнутся

 2 февраля 2019 г.

Административно-педагогический коллектив

В преддверии новогодних праздников на базе нашей школы прошли муниципальные соревнования по робототехнике. Команда МБОУ "СОШ №29" - обладатель переходящего кубка муниципальных соревнований!

Поздравляем сборную команду девушек 10 б класса с победой в зональном этапе республиканских соревнований по баскетболу. Желаем вам успехов в учебе и новых спортивных достижений!

«Туган телем-серле тел» региональ шигырь сөйләүчеләр бәйгесендә 9 нчы б сыйныфы укучысы Адиев Руслан (җитәкчеләре: Гурьева Л.С., Пахомова Г.Ә.) II дәрәҗәле Дипломга лаек дип табылды. Укучыбызны призлы  урын яулавы  белән котлыйбыз, киләчәктә дә иҗади уңышлар телибез!

14 нче декабрь көнне мәктәбебезнең актлар залында “Чибәркәй-2018” бәйгесенең Гала-концерты булып узды. Бәйгедә катнашучы барлык кызларыбыз да төрле номинацияләрдә җиңү яуладылар.  1 нче урынга Шәрифуллина Диләрә (10а), Даутова Арина (2е), Буранкова Аделина (2б), Шапорева Анастасия (2е), Зыятдинова Әмирә (3ж) лаек дип табылдылар. Гран-прины 4 нче а сыйныфы укучысы Адиева Диана  һәм 6 нчы б сыйныфы укучысы Бәхтиева Ландыш яуладылар. Афәрин, кызлар-йолдызлар! Киләчәктә дә үзегезнең чыгышларыгыз белән безне   шатландырып торыгыз!

   6 нчы декабрь көнне мәктәбебезнең актлар залында 14 татар кызыбыз “Чибәркәй-2018” бәйгесендә көч сынаштылар.  Гадәти “матурлык бәйге”ләреннән аермалы буларак, татар чараларында кызларның тышкы матурлыкларын гына сынамыйлар. Беренче чиратта, алар күңел байлыгын, нечкә тоемлау сәләтен, тәрбиялелеген исбатларга тиеш. Иң мөһим таләпләрнең берсе – туган  телдә үзең турында матур итеп сөйли белү,  тамашачылар алдында  сәләтләреңне күрсәтү. Татар теле укытучыларының телне өйрәтүне югары дәрәҗәдә алып баруларына да сокланырлык. Кызлар сәхнәдә ана телендә шигырьләр сөйләделәр, җырлар башкардылар, жюри әһелләрен үзләренең биюләре белән сөендерделәр. Тамашага килгән әти-әниләрдән рәхмәт сүзләрен ишетү дә бәйрәмебезгә ямь өстенә ямь өстәде.

   Афәрин, кызлар! Сезнең кебек яшьләребез барында, телебезнең киләчәге өчен без тыныч!

27 нче ноябрь көнне шәһәребезнең 11 нче мәктәбендә “Листая страницы истории нашей школы” бәйгесендә катнашучыларны бүләкләү бәйрәме булды. Безнең 10 нчы а сыйныфы укучысы Юнысова Ләйсән (җитәкчеләре: Пахомова Г.Ә., Чевачина Р.В.) I дәрәҗәдәге Диплом алу бәхетенә иреште.

   Афәрин, Ләйсән! Без синең белән горурланабыз! Сиңа киләчәктә дә иҗади уңышлар теләп калабыз!