Муниципальное бюджетное общеобразовательное учреждение «Средняя общеобразовательная школа №29» Нижнекамского муниципального района Республики Татарстан
Визитная карточка
| Адрес: | 423570, Республика Татарстан, Нижнекамский район, г. Нижнекамск, проспект Мира, д. 79 |
| Телефон: | +7(855)-530-90-81;+7(855)-530-90-87 |
| E-Mail: | school29n-kamsk@mail.ru; S29.Nk@tatar.ru |
| Министерство: | Министерство образования и науки Республики Татарстан |
| Короткое название: | МБОУ "СОШ №29" НМР РТ |
| Руководитель: | Габдуллахатов Ильдар Ансарович |
| Год основания учреждения: | 1991 |
| У нас учатся: | 1426 учащихся |
| У нас учат: | 120 педагогов |
-
Татар егете-2019 21.10.2019
“Татар егете-2019” бәйгесе
Татар дисәм мине дөнья белә,
Ул исем бит ташка сырланган
Шушы исем белән халык гомер иткән.
Шатланган да, янган, сызланган.
Мәктәбебездә "Татар егете" бәйгесен үткәрү матур традициягә әверелеп бара. Егетләрләребез, әйтерсең лә үзләре үк татар рухын уятуны, кузгатып җибәрүне көтеп торганнар, көч сынашуша чын-чынлап сусаганнар. Бәйгедә төрле сыйныфта укучы 15 егетебез көч сынашты. Алар үзләренең уңган, булган, оста, тапкыр егет икәнлекләрен "Сәнгатьтәге осталыгым", "Әйдәгез, танышыйк", "Егет кешегә 70 төрле һөнәр дә аз", "Нәфис сүз" конкурсларында көч сынадылар. Тамашачы булу бәхетенә ирешкән һәркем әлеге бәйгедән милли азык алмыйча китмәгәндер, дип ышанасы килә. 3 нче е сыйныфында белем алучы Әхмәтшин Ислам артистларча оста итеп “Уфтанма” җырын башкарды. 7 нче б сыйныфы укучысы Хафизов Рамис саф татар телендә аһәңле итеп сөйләве белән дә, спорттагы осталыгы белән дә таң калдырды. 9 нчы а сыйныфында белем алучы Йосыпов Айнур “Сандугач” җыры белән барлык залны “дер” селкетсә, 9 нчы б сыйныфы укучысы Фәттахов Дамир “Салкын чәй” җыры белән тамашачыларның үзәкләрен өзде. Егетләрнең күмәк җырлары шулай ук беркемне дә битараф калдырмады. 11 нче б сыйныфы укучысы Ганиев Асим әзерҗайҗан һәм татар халкының тугандаш, кардәшләр булуын сәхнәдә үзенең искиткеч биюе белән исбатлады. Мәктәбебездә мондый милли чараларның үтүе - рухи байлыкларыбызның саекмавына китерә, милли үзаң тәрбияләү, аларның рухи дөньясын баету, иҗади сәләтләрен үстерү, хезмәт тәрбиясе, эстетик тәрбия бирү булып тора.
-
Татарча диктант – 2019 19.10.2019
19 октябрь көнне 13:00 сәгатьтә мәктәбебездә “Татарча диктант – 2019” белем бирү акциясе үткәрелде. Татарча диктант язуның максаты - татар телендә хатасыз язарга өйрәтү, әдәби татар телен кулланучыларның даирәсен арттыру, орфографик һәм грамматик хаталарны тикшерү. Әлеге чарада әти-әниләр, укытучылар һәм укучылар үз белемнәрен сынап карадылар.
Диктант нәтиҗәләре Акция уздырылганнан соң 30 көннән дә соңламый http://diktant.tatar/ сайтында урнаштырылачак. Аларны бланкта булган код сүзе һәм Фамилия, Исем буенча белеп булачак.
-
Бездә кунакта-Тинчуринлылар! 15.10.2019
15 нчы октябрь көнне К.Тинчурин исемендәге Татар дәүләт драма һәм комедия театры Халык иҗат йортында Исламия Мәхмүтова тарафыннан иҗат ителгән "Син минем бердәнберем" спектаклен тәкъдим итте. Безнең мәктәп укучылары да бу спектакльне күрү бәхетенә ирештеләр. Артистларның искиткеч оста уеннары бер генә тамашачыны да битараф калдырмады. Укучыларыбыз талант ияләрен аягүрә басып алкышладылар. Спектакльдән алынган ләззәт хисе әле бик озак күңелләрне әсәрләндерер, дип ышанабыз.
