Октябрь ае ярышларга да бик бай безнең. "Әтиләр советы" оештырган шәһәр күләмендә Армреслинг ярышларында безнең гимназиябез әтиләре, балалар белән берлектә 1 нче урынга лаек булдылар. Котлыйбыз.

Гимназиябез волонтёрлары СТОС рәисе белән берлектә 30 нчы микрорайонда яшәүче Клипов Михаилны күркәм, 90 яшьлек юбилее белән котладылар. Михаил агага озын гомер, ныклы сәламәтлек, тагын озак еллар безгә үрнәк булып яшәвен теләделәр.

28 нче октябрь көнне, "Ковёр" яшьләр үзәгендә Түбән Кама батыры, Түбән Кама гүзәле конкурсының сайлап алу этабы узды. Безнең гимназия данын Нургалиева Аделә, Салахиев Ралиф, Нагуманов Азат якладылар. 30 дан артык катнашучы арасыннан алар финалга уздылар. 17 ноябрьдә узачак финалда кадерле конккурсантларыбызга бары тик җиңү телибез. Без сезгә ышанабыз.

1 нче Д сыйныф укучылары (сыйныф җитәкчесе Мухамедшина Р. И.) Туфан Миңнуллин исемендәге татар дәүләт драма театрында И. Зәйниевнең "Бәби" спектаклен карадылар, ә соңыннан театр буенча кызыклы экскурсия оештырылды һәм соңыннан грим салу буенча мастер-класс карадылар. Экскурсия оештыручыларга һәм артистларга бик зур рәхмәтебезне белдерәбез.

Җомга, 28 нче октябрь көнне, 2нче гимназия үзенең 30 еллыгын билгеләп үтте. Бәйрәмнең иң зур бүләге, Татарстан Республмкасы Президентының быел ук гимназиягә капиталь ремонт ясый башлау өчен акча бүлеп бирү турындагы карарга кул кую иде. "Киләчәктә без бердәм ансамбль, уникаль мохит булдырырга, гомуми концепция кысаларында Бакый Урманче һәм гимназияне берләштерәчәк бульвар сузарга планлаштырабыз, " - диде шәһәребез мэры Р.Х Муллин. Шимбә көнне безнең укытучыларыбыз, әти-әниләр, техник персонал, югары сыйныф укучылары, элеккеге укучыларыбыз бердәм булып әзерлек эшләренә керештеләр. Бик зур рәхмәт.

28 нче октябрь көнне безнең гимназиябез үзенең күркәм 30 еллык юбилеен билгеләп үтте. Бәйрәм программасы гимназиянең актлар залында башланды, анда коллективны котларга шәһәр мэры Рамил Муллин, ТР Дәүләт Советы депутаты Ренат Сибгатуллин, структур бүлекчәләр җитәкчеләре, иҗтимагый оешма вәкилләре, чыгарылыш сыйныф укучылары, педагогик хезмәт ветераннары килде. Бәйрәм бик күркәм, матур үтте.

22 нче, 24 нче октябрь көнне безнең гимназиядә гуманитар ярдәм җыю оештырылды. Барлык әти-әниләргә, балаларга, шушы акциядә актив катнашканнары өчен бик зур рәхмәт. Дөньялар тыныч, күк йөзебез аяз булсын иде. Киткән ир-егетләр исән-сау үз гаиләләренә әйләнеп кайтсыннар.

25 нче октябрь көнне, тарих һәм җәмгыять белеме укытучысы Лариса Миншаеховна 10 нчы А сыйныфы укучылары белән «Без уз гамәлләребез өчен җаваплы» дигән темага хокукый белем ачык дәресен шәhәребез депутаты Сибгатуллин Ренат Раихатович белән берлектэ уздырды. Дәрес hәм очрашу эчтлекле булды.

Бүгенге көнебез безнең чараларга бик бай. Чираттагы чара Г. Тукай үзәк китапханәсендә Р. Вәлиевка 75 яшь тулу уңаеннан "Рухи мирасыбыз сакчысы" дип исемләнгән түгәрәк өстәл үтте. Очрашуда Татарстан Республикасыннан мәртәбәле кунаклары, шәһәребезнең күренекле кешеләре, безнең гимназиябез укытучылары Аверьянова Э. Х., Зарипова А. Г., Хайброва Г. Р. да катнаштылар. Очрашудан бик күп кызыклы мәгълүмат алдылар.

22 нче октябрь, алтын көзнең бер көнендә, 10 а сыйныф укучылары сыйныф җитәкчесе Шигапова Б. Х белән берлектә "Гаилә" паркын яфраклардан чистартырга чыктылар. Балалар саф һавада бик тырышып эшләделәр. Паркны чиста тотуга үзләренең өлешен керттеләр. Молодцы.