Яр Чаллы шәһәренең 82 нче «Көнбагышкай» балалар бакчасы базасында «Яшь мастер – 2024» һөнәри юнәлеш чемпионатының «График дизайн» компетенциясы буенча региональ этабы узды. Чараның максаты: мәктәпкәчә яшьтәге балаларда беренчел уңышлы һөнәри тәҗрибә формалаштыру. Балалар бу һөнәр иясенә бәйле булган белемнәрен күрсәттеләр, һөнәргә карата кирәк булган яки кирәк булмаган предметларны аердылар һәм логотип белән поттерн ясап көч сынаштылар.

82 нче «Көнбагышкай»  балалар бакчасыннан Кисаубаева Сафия әлеге компетеция буенча һөнәрне үзләштерүнең беренчел белемнәрен һәм гамәли күнекмәләрен күрсәтеп 2 урын яулады.

Региональ этап җиңүчеләре чемпионатның төбәкара этабында катнашачак.Әзерләгән педагогларга, техэкспертларга һәм Сафияга уңышлар теләп калабыз.

Елның иң назлы, якты һәм матур бәйрәме – 8 март бәйрәме.Ул гүзәл затларыбыз, әниләребез, дәү әниләребез бәйрәме.Бакчабызда алар өчен оештырылган 04.03.-07.03.2024 дә бәйрәм иртәләре узды. Балалар да, бәйрәм кунаклары да яхшы кәеф алдылар.

Хөрмәтле әниләр, әбиләр, дәү әниләр, апалар!

Сезнең тормышыгыз яхшылык һәм яктылык, мәхәббәт, якынарыгызның күңел җылысы һәм игътибары белән тулып, йөзләрегез елмаюдан яктырып, нурлар чәчеп торса иде!

Яр Чаллы шәһәрендә «Яшь мастер – 2024» һөнәри юнәлеш бирү буенча «График дизайн» компетенциясенең республика чемпионатының муниципаль этабы узды. Чараның максаты: мәктәпкәчә яшьтәге балаларда беренчел уңышлы һөнәри тәҗрибә формалаштыру. Балалар бу һөнәр иясенә бәйле булган белемнәрен күрсәттеләр, һөнәргә карата кирәк булган яки кирәк булмаган предметларны аердылар һәм логотип белән поттерн ясап көч сынаштылар.

82 нче Көнбагышкай балалар бакчасыннан Кисаубаева Сафия әлеге компетеция буенча һөнәрне үзләштерүнең беренчел белемнәрен һәм гамәли күнекмәләрен күрсәтте. Үзенең сөенечләре һәм борчуларына бай булган чемпионатта Сафия бар кыюлыгын, үҗәтлеген, тырышлыгын, сәләтен, тапкырлыгын күрсәтеп 1 урын яулады.

Муниципаль этап җиңүчеләре чемпионатның региональ этабында катнашачак.Әзерләгән педагогларга һәм Сафияга уңышлар теләп калабыз.

 Бүген 34нче санлы "Алтын балык" балалар бакчасында балалар арасында "I love English" региональ фестиваль-конкурсы узды. Балалар инглиз телендә үзләре турында сөйләделәр, сорауларга җавап бирделәр, иҗади яктан үзләрен дә күрсәттеләр. Нәтиҗәдә бакчабызның 7нче төркем тәрбияләнүчесе Ямилова Зилия 3нче урын яулады, 5нче төркем тәрбияләнүчесе Латыйпова Каролина катнашучы исеменә лаек булды.

 108 нче номерлы балалар бакчасы базасында Ватанны саклаучылар көненә багышланган "Аҗаган -2024" хәрби-патриотик уены узды. Уенда  Яр Чаллы шәһәренең 11 балалар бакчасы катнашты. 82 нче номерлы "Көнбагышкай" балалар бакчасы командасы 3 нче урынны яулады. Яшь спортчыларыбызны котлыйбыз, аларга яңа уңышлар һәм җиңүләр телибез.

Без дә 82 нче "Көнбагышкай" балалар бакчасында  уздырылган "Аулак өй" кичәсендә уйнадык та, гөрләтеп җырладык та, татар көйләренә әйттереп биедек тә. Зурлар төркеме генә булуга карамастан, чып- чын аулак өй тамашасы күрсәттеләр балалар. Уеннар, тизәйткеч, мәкальләр, үртәвечләр, халык җырлары, такмаклар блән үрелеп барды бу күренеш. Кергән кунаклар, килгән әти - әниләр дә тамашадан бик кәнагать, булып киттеләр.

"Көнбагышкай" балалар бакчасында шәһәребез бакчаларыннан туган телебезне, татар телен тирәнтен белүче кечкенә дусларыбыз көч сынашырга җыелды. Алар lll шәһәркүләм "Белем җәүһәрләре" олимпиадасы- бәйгесендә катнашучы 6-7 яшьлек балалар. Һәрбер бала олимпиаданың беренче турына "Мин нинди һөнәр сайлар идем" дигән темага видео-визитка әзерләделәр.  Катнашучылардан иң яхшылар, дип табылган 23 бала икенче турга чыкты. Бүген аларга 3 олимпиада биремен үтәргә һәм "җанлы сөйләшү" буларак түгәрәк өстәл артында аралашу тәкьдим ителде. Бу сынауларны уңышлы гына үткәннән соң, килгән кунакларыбызны 11 төркем балалары үзләренең осталыклары белән таң калдырды. Татар халык авыз иҗатыннан: әйтем, табышмак, мәкаль сөйләү, уен уйнап күрсәтүләр күңелгә хуш килде. Бу арада хөрмәтле хөкемдарларыбыз дипломнар әзерләделәр. Балаларга Татарстан Язучылар берлеге рәисе урынбасары, Татарстан Язучыларының Яр Чаллы бүлеге җитәкчесе, Бөтендөнья татар конгрессының Чаллы бүлеге җирле оешмасы җитәкчесе, Г.Тукай исемендәге дәүләт премиясе лауреаты Сафин Факил Миңнемөхәммәт улы үзенең әзерләп килгән истәлекле бүләкләрен тапшырды. Балалар бакчасыннан да урын алучылар өчен призлар әзерләнгән иде. Олимпиада бәйрәм буларак тәмамланды. Балаларны үзләренең көчләрен куеп әзерләгән татар теле тәрбиячеләренә зур рәхмәтебезне белдерәбез. Тагын да очрашуларга көтеп калабыз.

21 нче февраль көнне 4 нче санлы балалар бакчасында Туган телләр көненә багышланган шәһәркүләм  шигырь бәйгесе  узды. Безнең балалар бакчасыннан Иванова Динә Кадыйр Сибгатуллинның "Кораб йөзә бит суда" шигырен сөйләп 2 нче урын дипломга ия булды!.Динәгә алга таба да уңышлар телибез.

 В рамках проекта " Развивающая многофункциональная территория ИгрАполюс - город профессий на базе МБДОУ 82 "Подсолнушек" при поддержке отдела пропаганды БДД ГИБДД г. Набережные Челны в лице: Гильмутдиновой Резеды Разяповны и Уйбековой Лейсан Минневакиловны был организован флешмоб "Засветись для своей безопасности", в котором активное участие приняли воспитанники и родители старшей группы № 12. Данное мероприятие посетил телеканал "Эфир 24", ждём выпуск репортажа 22.02.24г. в вечерних новостях.

Менә без зарыгып көткән матур "Салават күпере" журналы килеп җитте.1 нче уртанчылар төркем нәниләре тәрбияче Кузнецова М. Ш. белән матур рәсемнәрен карап, биремнәрен чишеп, уеннарын уйнап, "Суык һәм куян"әкиятен бергәлап укып чыктылар.Әкият турында әңгәмә оештырдылар.