Түбән Кама татар драма театры гимназия укучыларына Илгиз Зәйниевның ,,Бәби" спектаклен күрсәтте. Әсәрнең нигезендә этләр белән мәчеләр арасында мәңге бетмәс каршылык, яхшылык-яманлык, кешеләрнең ерткычлыгы, замананың ,беренче карашка вак кына күренсә дә, гаять зур проблемалары салынган. Әсәр эзоп теле белән язылган. Этләр-мәчеләр -бүгенге көн яшьләренә хас сыйфатларга ия. Исемнәре дә Наира, Рудольф, Виолетта,Джуди, Каракуз, Ялкын, Бәләкәч, Алехо. Әсәрнең сюжеты беренче карашка гади генә: этләр белән мәчеләр бүлешә алмаган чүплектә кемдер баласын калдырып китә. Бу вакыйга этләрне дә, мәчеләрне дә аптырашта калдыра. Кеше баласыннан мәңгелек үчне алыргамы, әллә кешелеклелек күрсәтергәме? Яхшылык җиңә: хайваннар кешеләргә караганда акыллырак та, мәрхәмәтлерәк тә булып чыгалар, аларны адәм баласын ашаталар, җылыталар, кешеләр тәрбиясенә тапшыралар. Заманча куелыш, артистларның яшь булулары, җырлар, биюләр аша спектакль бик матур куелган. Театрның көче дә шунда: кыска гына вакыт аралыгында кешеләргә тәрбия бирерлек тамаша күрсәтү, үзенә кем нинди нәтиҗэ ясый, анысы тамашачы әзерлегенә бәйле. Безнең гимназия укучылары спектакльне бик ошаттылар, озаклап алкышладылар, димәк , театр үз тамашачысын тапты!

Мамадыш районы Түбән Ушмы авылында ,,Ялкын" журналы призына татар милли көрәше буенча республикакүләм ярышлар узды. Әлеге спорт бәйгесендә Шәмсевәлиев Илгиз Вәгыйзь улы җитәкләгән команда икенче урын алды. Гимназиянең 9 сыйныфы укучылары - өч игезэк туган: Сибгатуллин Фаяз, Фазыл, Хәсән (хәзер әтиләре- тренер!), Вәлиев Булат, Мөхәмәтов Рамазаннар, тренерлары Илгиз Вәгыйзь улының юбилеена матур бүләк ясадылар. Афәрин, республиканың 43 районыннан 350 көрәшче катнашкан элеге ярышта безнең егетләр сынатмаган! Котлыйбыз үзләрен!

Яр Чаллы шәһәренең ,,Визит" джаз оркестры 2007 нче елда оешкан. Җитәкчесе - Владимир Йосифович Завьялов. Әлеге джаз оркестры, хактан да, шәһәребезнең визит карточкасы кебек, мәдәни-музыкаль йөзен билгели. Гимназия укучылары әлеге оркестр башкаруында татар , рус, инглиз җырларын, көйләрен тыңладылар, гаҗәеп матур музыка дөньясына чумдылар, hәр музыка уен коралының фальшсыз яңгыравын ишеттеләр. Музыкантларның да, яшь тамашачыларның яратып алкышлауларын күреп, куңелләре күтәрелде.

Гимназия укучылары югары белем бирүче уку йортлары белән танышуларын дәвам итәләр. Чиратта - Санкт-Петербургның профсоюзлар гуманитар университеты. Әлеге уку йорты белән таныштыру максатыннан, университетның кабул итү комиссиясе җитәкчесе Уткина Анастасия Сергеевна үзе үк укучылар белән очрашуга килде. Уку йортына керү, яшәү шартлары, студентларның мөмкинлекләре хакында яхшылап аңлатты. Шунысы куанычлы: әлеге уку йортына керергә теләүче укучылар бездә бар, димәк, кирәкле сүз кирәкле вакытта әйтелде.

Тынгысыз җанлы Зәйнуллина Әлфия Тәүфыйковнаны чираттагы җиңүе белән кайнар котлыйбыз. Киләчәктә дә зур уңышлар юлдаш булсын!

М.Вахитов исемендәге икенче гимназия татар милли көрәше буенча батырлары белән билгеле уку йорты. Легендар тренер Шәмсевәлиев Илгиз Вагизовичны исеме рәсәйкүләм билгеле, дисәк тә арттыру булмас. Ә инде сабантуй бәйрәмнәре хакында сөйли китсәң, батыр көрәшчеләрнең бер җәйдә генә җидешәр тәкә алганнары да бар. Харисова Энҗе Мирзануровнаның әлеге китабы нәкъ менә шушы көрәш батырларына багышланган. Укымый калмагыз! Шушы уңайдан, Шәмсевәлиев Илгиз Вәгыйзовичны 60 яшьлек юбилее белән котлыйбыз! Эшендә уңышлар , сәламәтлек, бәхет телибез.

Гимназия укучылары "Шәһри Чаллы" газетасы редакциясе чакыруы буенча шәhәребезнең татар мәтбугаты үзәгендэ булдылар. Әлеге очрашу шул ягы белән отышлы: укучылар "Шәһри Чаллы" , ,,Көмеш кыңгырау " газеталары, ,,Мәйдан" журналы хезмәткәрләренең барысы белән берьюлы күрештеләр, чөнки алар бергә бер бинада, хәтта бер эш бүлмәсендә эшлиләр икән! Укучыларны каршы алгач, журналистлар, узлзренең вазифалары нинди булудан чыгып, элеге hөнәрнең нечкәлекләрен аңлаттылар. Редакциянең hәр хезмәткәре үз эшенең остасы икәнлегенә укучылар ышанды. Аннан инде иң кызыгы башланды: контакт челтәрендә туры эфирга чыгып, узебезнең гимназиядэ чыга торган ,,Минем гимназиям" газетасы тарихы хакында тәфсилләп сөйләү булды. Кунакка буш кул белэн килмилэр, дигәндәй, безнең укучылар да Лилия Фаттахованың мәсәлләрен ятлап килгәннәр иде. Нәфис сүз бәйгесе диярсең, шәп итеп ятлаганнар! Әле шуңа өстәп моңлы җырлар да сузып җибәрделэр. Рәхәт очрашу мизгелләрен сузарга теләп, туйганчы фотоларга төштеләр, әле интервью алырга да өлгерделәр. Менә шушындый истәлекле көн булды, журналистларны жаваплы эшлэреннән беразга гына аерып торсалар да, укучылар канәгать калды.

Гимназиянең түбәндәге укучыларын-Бөтенроссия олимпиадасының региональ этабы һәм республика олимпиадасының йомгаклау этабы призерларын чын күңелдән котлыйбыз!

Астрономия - 7А сыйныф укучысы Ахунов Нияз Ильфатович (укытучы - Вагизова Р.ф.)

Математика - 6А сыйныф укучысы Мавлеев Амирхан Ильдусович (укытучы - Шайхаттарова С.У.)

Рус теле - 11Б сыйныф укучысы Кабирова Аделина Рустемовна (укытучы - Зухурова А.Р.)

Татар әдәбияты - 11Б сыйныф укучысы Демашина Диана Евгеньевна (укытучы - Валеева С.В.)

Татар теле - 4А сыйныф укучысы Калимуллина Регина Руслановна (укытучы - Сагитова А.А.)

Татар теле - 6А сыйныф укучысы Гафиятова Камилла Румилевна (укытучы - Валеева С.В.)

Татар теле - 10Б сыйныф укучысы Ишалина Айсылу Рамиловна (укытучы - Нурисламова Э.А.)

УКУЧЫЛАР ҺӘМ УКЫТУЧЫЛАР!

БАРЫГЫЗГА ДА ЗУР РӘХМӘТЕБЕЗНЕ БЕЛДЕРӘБЕЗ!

УКУЫГЫЗДА, ЭШЕГЕЗДӘ ЗУР УҢЫШЛАР ТЕЛИБЕЗ!

Гимназиябездә хәрби-патриотик тәрбия айлыгы кысаларында бик күп чаралар үткәрелә. Бүген 8 нче сыйныфлар арасында оештырылган хәрбиләрчә атлап җыр башкару бәйгесе үтү моны тагын бер кат дәлилли. Гимназиябездә тормыш иминлеге нигезләрен алып баручы укытучыбыз Мөгинов Фаик Фоатович оештырган әлеге бәйге елның елында югары әзерлек белән башкарыла. Быел бәйге хөкемдары итеп 2нче мәктәпне тәмамлаган, Яр Чаллы шәһәре хәрби комиссариатының элеккеге башлыгы полковник Садыйков Әнәс Фәлигович чакырылган иде. Гимназия Укучылар советы Спикеры Хәмәтгатин Әмирхан Ленар улы белән берлектә бәйгегә дөрес итеп бәя куелды. Бәйгедә һәр командир үзләренә куелган бурычны төгәл үтәделәр. 1 нче урынны 8 Г сыйныфы (сыйныф җитәкчесе Гыйльманова З.Х.), 2 нче урынны 8А һәм 8В сыйныфлары (сыйныф җитәкчеләре Матвеева Л.Ф. һәм Ризванова Г.Р.), 3 нче урынны 8Б сыйныфы ( Хәбибуллин И.Р.) укучылары алды.

Бәйгене оештыруда, үткәрүдә күп көч куйган сыйныф җитәкчеләренә, Фаик Фоатовичка администрация тарафыннан бик зур рәхмәт.