Цифрлы икътисадның алга таба үсеше өчен уңай шартлар тудыру, цифрлы технологияләрне, Татарстан Республикасы халкының тормыш сыйфатын арттыручы сервисларны һәм хезмәтләрне нәтиҗәле үстерү максатларында 2022 ел Татарстан Республикасы Президенты Р. Н.Миңнеханов Указы белән Татарстан Республикасында цифрлаштыру елы дип игълан ителде. 13 нче гыйнвар көнне сыйныфларда шушы темага багышланган тәрбия сәгатьләре узды. Укучылар цифрлаштыру елы айдентикасы темасына видео карадылар һәм ел логотибы белән таныштылар.

Мәктәпкәчә яшьтәге балалар төркеме "Мөслим егете, Мөслим кызы" муниципаль проекты кысаларында татар халык ашлары белән танышты.

7 нче сыйныф укучылары Югары Табын мемориаль комплексы янын кардан арындырдылар.

Бүген 6 гыйнвар көнне 2005 елгы һәм кечерәк, 2004 елгы һәм аннан өлкәнрәк егетләр һәм кызлар арасында бадминтон буенча район беренчелеге булып узды. 2005 елгы һәм кечерәк кызлар арасында 8 нче сыйныф укучысы Габдуллина З. А. 3 нче урын алды. Укытучысы Галиев З. З.

Дәрестән соң эшчәнлек мәктәпнең спорт клубы "Чемпион" эшчәнлеге. Укучылар бадминтон һәм өстәл теннисы күнекмәләрен ныгыталар.

Кышкы каникул планы һәм консультацияләр графигы нигезендә бердәм дәүләт имтиханына әзерлек дәвам итә.

Кышкы каникуллар планы нигезендә укучылар әйләнә тирә, математика һәм рус теле фәннәреннән белемнәрен ныгыталар.

Декабрь азагында бар да бәйрәм ыгы-зыгысында кайный. Яшел чыршы тирәсендә әйлән-бәйлән уйнап, шигырь, җыр белән шаккаттырып, Кыш бабайдан бүләк алып, 28 нче декабрь көнне мәктәбебездә Яңа ел бәйрәме узды.

Алланып таңнарның алына, 
Нур булып кешелек таңына,
Җыр булып үрелеп күңелгә,
Кил безгә, Яңа ел, кил безгә!
Кояшлы көннәрнең җылысын,
Бәхетнең, шатлыкның олысын
Күтәреп көннәрнең иңенә,
Рәхим ит Туган ил түренә!

27 нче декабрь көнне мәктәпкәчә яшьтәге балалар төркемендә Яңа ел бәйрәме узды. Балалар Кыш бабайга шигырьләр сөйләделәр, чыршы тирәли әйлән-бәйлән уйнадылар, кыш темасына ясаган рәсемнәре, кул эшләнмәләре өчен Кар кызыннан бүләкләр алдылар. Конкурс, акцияләрдә катнашкан балаларга грамоталар, актив  гаиләләргә рәхмәт хатлары тапшырылды.