16 нчы сентябрь көнне, Төбән Табын төп гомуми белем бирү мәктәбендә "Татарстан кроссы - 2021" массакүләм ярышлары узды. Барлык сыйныф укучылары, укытучылар, мәктәпкәчә яшьтәге балалар төркеме тәрбиячеләре, акциягә катнашып, марафонны йөгереп үттеләр.

13 нче сенябрь көнне Туган телләр һәм халыклар бердәмлеге елы уңаеннан  Түбән Табын төп гомуми белем бирү мәктәбенең 1-9 нчы сыйныф укучылары "Юл хәрәкәте иминлеге" ДБУнең Сарман һәм Мөслим районнарында профилактика бүлеге начальнигы Сиддыйкова А.Р. белән очраштылар. Очрашуда укучылар  юл йөрү кагыйдәләрен искә төшерделәр, документаль фильм карадылар. Барлык катнашучыларга да  яктылык кайтаргыч элементлар һәм яшь җәяүлеләргә кагыйдәләрне истә тоту китапчыклары тапшырылды

10 нчы сенябрь көнне Туган телләр һәм халыклар бердәмлеге елы уңаеннан «Татарча диктант-2021» акциясендә Түбән Табын төп гомуми белем бирү мәктәбе коллективы һәм югары сыйныф укучылары да,  бик  теләп катнаштылар һәм үзләрен сынадылар. Татарча диктант акциясенең асылы ‒ татар телендә хатасыз язарга өйрәтү, әдәби татар телен кулланучыларның даирәсен арттыру, орфографик һәм грамматик хаталарны тикшерү. Ул -Россия Федерациясе һәм дөньяның төрле шәһәрләрендә барлык теләгән кешеләр өчен ихтыяри һәм бушлай уздырыла торган диктант.

Көзге табигатьне күзәтү аша балаларда   матурлыкка соклана белү, күзәтүчәнлек һәм кызыксынучанлык сыйфатлары тәрбияләү. . Яфраклар коелып җирне, үсемлекләрне салкыннан саклавын аңлату. "Көзге яфраклар" уены.

Түбән Табын төп гомуми белем бирү мәктәбендә МЧС вәкиле белән очрашу узды. Пожар надзоры буенча дәүләт инспекторы урынбасары Әфләтүнов Алмаз Дофак улы, балаларны янгын куркынычсызлыгы кагыйдәләре белән тагын бер кат таныштырды. Янгын чыккан очракта үз-үзеңне ничек тотарга, нинди телефон номерлары аша ярдәм чакырырга икәнен аңлатты. Гадәттән тыш хәлләр һәм янгын куркынычсызлыгын кисәтү буенча өйрәнү эвакуациясе уздырды.

Мәктәпкәчә яшьтәге балалар төркеме. Кисеп ябыштыру эшчәнлеге. Кисеп ябыштыру белән шөгыльләнү баланың иҗади сәләтләрен үстерергә ярдәм итә, аның күзаллауларын киңәйтә, хәрәкәтләрнең координациясен яхшырта. Моннан тыш, бала образын һәм реаль предметны чагыштырырга тырышса, пространство һәм образлы фикерләү үсә. Шуның аркасында, балалар формасын, төсне һәм предметларның урнашуын яхшырак истә калдыралар, рәсемнең состав өлешләрен киңлектә юнәлтергә өйрәнәләр. Ә төсле кәгазьгә ябыштыру процессы баланың төгәллеген һәм пөхтәлеген үстерә. 

Түбән Табын төп гомуми белем бирү мәктәбенең 7 нче сыйныф укучылары мәктәпкәчә яшьтәге балалар төркемендә "Игелек атнасы" кысаларында "Шаян керпе" әкиятен укыдылар. Ахырыда, көзге яфраклардан керпе аппликациясе ясадылар.

4 нче сенябрь көнне Туган телләр һәм халыклар бердәмлеге елы уңаеннан «Игелек атнасы» акциясе кысаларында Түбән Табын төп гомуми белем бирү мәктәбенең 5-9 нчы сыйныф укучылары “Күңелле стартлар ” эстафетасында көч сынаштылар. Ярыш бик күңелле һәм дустанә мөнәсәбәттә узды.

Туган телләр һәм халыклар бердәмлеге елы уңаеннан Түбән Табын төп гомуми белем бирү мәктәбе, 2004 нче елда Бесланда булган терракт корбаннарын искә алып, сыйныфларда тәрбия сәгатьләре үткәрде.Укучылар бу коточкыч фаҗига башка кабатланырга тиеш түгеллегенә һәм тынычлыктан да кадерле нәрсә юклыгына тагын бер кат инандылар.

Мәктәпкәчә яшьтәге балалар төркемендә "Көз килә" темасына әңгәмә узды. Көзге чорда табигатьтә булган үзгәрешләр, үсемлекләр һәм кошлар дөньясын булган үзенчәлекләр  турында белемнәр баетылды.