Авылыбызның яшь эшмәкәре Мингазов Рүзәл Радик улы бәйрәмдә сабыйларны Яңа ел күчтәнәчләре белән сөендерде.

Мөслим районы полиция хезмәткәре укучыларны кышкы каникулда үз-үзеңне тоту һәм куркынычсызлык кагыйдәләре белән таныштырды.

Мәктәп укучылары һәм мәктәпкәчә яшьтәге  төркем балалары белән "Кышкы юлда имин йөр!" дигән чара оештырылды. Чарада юл иминлеге программаларын финанслау дирекциясенең Сарман һәм Мөслим районнары буенча филиал җитәкчесе Ситдикова Алсу Разиновна да катнашты. Балалар юл йөрү кагыйдәләре турындагы белемнәрен ныгыттылар.Кунакка юл йөрү иминлеге Кыш бабае, Шүрәле һәм Убыр да килгән иде. Алсу Разиновна балаларга юл хәрәкәте кагыйдәләрен белергә кирәклеген аңлатты, яктылык кайтаручы эмблемалар һәм бүләкләр таратты.

Кышкы каникулга эш планы

Башлангыч сыйныф укучылары авыл китапханәсендә яңа елга багышланган шигырьләр белән таныштылар. Укырга әдәби китаплар алдылар.

"Боз өстендә куркынычсызлык һәм үз-үзеңне тоту кагыйдәләре" дигән темага укучылар белән әңгәмә булды.

Инвалидлар декадасы уңаеннан укучылар  инвалид бала, Хайбрахманов Алмаз Раиф улы белән очраштылар. Коллектив тарафыннан матди ярдәм күрсәтелде.

Мөслим гимназиясендә, башлангыч  сыйныф укучылары арасында, "Бәхетле балачак" дип исемләнгән шигырь конкурсының муниципаль туры узды. Безнең укучыларыбыз Шәйгарданова Зилинә һәм Соломотин Рамазан конкурста катнашып сертификатка ия булдылар.

Мәктәпкәчә яшьтәге балалар төркемендә оештырылган "Күбәләк" балалар театры  "Өч кыз" татар халык әкиятен сәхнәләштереп күрсәттеләр.

Метрәй башлангыч мәктәбендә гомуми ата-аналар җыелышы булып узды. Тәрбия темасына чыгышлар тыңланды, көнүзәк мәсьәләләр каралды.