Бүген мәктәптә ”Таҗлы вирустан ничек сакланырга?” дигән темага класс сәгате узды.   Башлагыч сыйныф укытучылары укучыларга вирустан саклану чараларын өйрәттеләр, шәхси гигиена кагыйдәләрен төгәл үтәргә кирәклегенә төшендерделәр.

“Мәктәп тарихы өйрәнү” проекты буенча укучылар озак еллар мәктәп директоры булып эшләгән Галимов М.М.  белән очраштылар.

Зурлар төркемендә тәрбияләнүче балалар  “Яфраклар нигә саргая?” дигән фәнни тикшерү үткәрделәр.

4 класс кучылары  авыл китапханәчесе Даутова Р.С. белән берлектә   читтән торып  “Туган авыл буйлап сәяхәт”кә чыктылар. Алар туган авылның атамалары, истәлекле урыннары белән таныштылар.

Бүген мәктәбебезгә Минзәлә педагогия көллияте  студентлары кунакка килде. Укучыларыбыз кунакларга бәйрәм иртәсе бүләк иттеләр. Бәйрәм иртәсе коймаклы чәй өстәле артында дәвам итте.

Өлкәннәр ункөнлеген дәвам итеп, укучылар авыл өлкәннәре алдында чыгыш ясадылар. Өлкәннәр балаларның чыгышын яратып кабул иттеләр.

Зурлар төркемендә тәрбияләнүче балалар авылыбызның  Салкын чишмәсенә экскурсиягә бардылар.

Район мәгариф бүлеге игълан иткән “Сәламәт укытучы” проекты кысаларында укытучыларыбыз район универсаль спорт залында сәламәтлекләрен ныгытып, ял итеп кайттылар.

Ай дәвамында мәктәпкүләм фән олимпиадалары үткәрелә. Укучылар рус теле, математика, астрономия, тормыш иминлеге нигезе фәннәреннән олимпиада эшләрен үтәделәр.

Ай дәвамында мәктәпкүләм фән олимпиадалары үткәрелә. Укучылар рус теле, математика, астрономия, тормыш иминлеге нигезе фәннәреннән олимпиада эшләрен үтәделәр.