Метрәй башлангыч мәктәбе  2020 нче елның 1 нче февраленнән 1 сыйныфка гаризалар кабул итә башлады. Тулырак мәгълүматны сайтның "Порядок приема в 1 класс"("Беренче сыйныфка кабул итү тәртибе") бүлегеннән карый аласыз.

"Китап корты " проекты буенча башлангыч сыйныф укучылары авыл китапханәсенэ бардылар. Туган як турында шигырьләр, хикәяләр укыдылар. Класстан тыш уку өчен китаплар алдылар.

Укучылар тәнәфесләрдә укытучы апалары белән берлектә шашка уеннарында көч сынашалар.

Мәктәп укучылары Бөек Ватан сугышында һәлак булган авылдашларыбыз хөрмәтенә куелган һәйкәл янын кардан арындырдылар.

Кулланышта булган батарейкаларны җыю дәвам итә. Кулланышта булган  батарейкаларның саны   65 кә җитте. Җыю дәвам итә.

Хокук бозуларны  кисәтү буенча укучылар өчен  тәрбия сәгате үтте. Укучылар җәмгыятьтә үз-үзенне тоту кагыйдәләре белән таныштылар.

Укучылар кошларга җимлекләр ясап элделәр. Җимлекләргә көн саен җим салып торалар. 

Мәктәбебездә иске Яңа елны билгеләп үтү буенча күңелле чара узды.

Башлангыч сыйныф укучылары өчен "Күңелле стартлар" дип исемләнгән спорт ярышлары узды. Укучылар чаңгы, чана ярышларында үзара көч сынаштылар.

Мәктәбебездә "Тылсымлы Яңа ел " дип исемләнгән бәйрәм тамашасы үткәрелде. Тамашага принцесса, дуңгыз,әтәч, тычканнар да кунак булып килгәннәр иде. Тамаша балаларга да, әти-әниләргә бик ошады.