Рус теле фәненнән халыкара олимпиадада җинүче булган Менибаева Азалияне, призер булган Хәкимуллина Әлмираны, Хәйруллина Кәринаны ихлас күңелдән котлыйбыз!

Укытучылары Гайнетдинова А. Р. рәхмәт белдерәбез!

Гимназия территориясендә һәр сыйныфның үз җир кишәрлеге бар. Быел да һәр сыйныф тырышып үз территориясенә чәчәкләр утыртты. Бу чара шулай ук экология кысаларында тормышка ашырыла. Балаларга, әти-әниләргә әлеге проектны хуплап катнашканнары өчен рәхмәтебезне белдерәбез. Территорияләргә нәтиҗә сентябрьдә ясалачак.

Бүген, ягъни 29 нчы майдан, гимназиядә инглиз теле лагере эшли башлады.

Республикабыз күләмендә уздырылган балаларның "Без бергә" фестиваль конкурсында гимназиянең курайчылар ансамбле (җитәкчесе - Хисамов Ә.Г.) "Инструменталь ансамбль" номинациясендә Гран-прига лаек булды. Җиңүчеләребезне котлыйбыз, алга таба да иҗади уңышлар теләп калабыз!

Бүген гимназиядә "Соңгы кыңгырау" бәйрәме узды.

Бүген, "Мәрхәмәтлелек атналыгы" кысаларында, драма түгәрәгенә йөрүче укучылар тарафыннан Т.Миңнуллинның "Акбай нигә күңелсез?" спектакле күрсәтелде. Түгәрәк җитәкчесе - Татарстанның атказанган сәнгать эшлеклесе Нурания Җамали.

29 нчы майдан 27 нче июньгә кадәр гимназиядә җәйге инглиз теле лагере эшләячәк. Лагерьга йөрергә теләүчеләр сыйныф җитәкчеләренә мөрәҗәгать итә ала.

15 нче май дөньяда Гаилә көне буларак билгеләп үтелә. Гаилә - ул җылы учак. Учак янына аның әгъзалары җыела. Гаилә никадәр нык булса, аннан килгән җылылык шулкадәр көчле була. Гаилә тормыш нигезе. Ул нык, тату икән, димәк дәүләт тә, җәмгыять тә нык дигән сүз. Әти-әни аның тоткасы булса, балалар гаиләнең көзгесе. Шул уңайдан, сыйныфларда әңгәмәләр, сыйныф сәгатьләре узды.

15-21 май көннәре республикабызда "Мәрхәмәтлелек атналыгы" дип игълан ителде. Безнең укучылар, укытучылар, әти-әниләр дә әлеге чараларда актив катнашачак.

Гимназиянең 8Б сыйныфы укучылары (сыйныф җитәкчесе - Т.Ф.Камалова) шәһәр күләмендә уздырылган өмәдә катнаштылар. Алар Серов урамы янындагы күлне чистарттылар. Әлеге чарада катнашучы барлык укучыларга рәхмәт белдерәбез!