Бүген мәшһүр татар мәгърифәтчесе, фәлсәфәчесе, тарихчысы, дин әһеле, педагог, археолог, этнограф, көнчыгыш халыклар белгече, энциклопедик галим, реформатор, күпкырлы шәхес Шиһабетдин Мәрҗанинең (1818-1889) тууына 200 ел. Шул уңайдан бу атна гимназиядә Мәрҗани атналыгы дип игълан ителде.

Җир өстенә аклык-пакьлек алып килгән Яңа ел бәйрәме котлы булсын! Киләсе елның 365 көне дә бәхет-шатлык кына китерсен. Аткан таңнарның барысы да алсу булсын. Тормыш юлларында шатлыклы очрашулар, бәхетле елмаюлар, куанычлы мизгелләр күп булсын!

29 нчы декабрь көнне, Гимназия көне бәйрәме һәм елга йомгак ясау уңаеннан, тантаналы линейкалар булып узды. Гимназиянең уку алдынгылары, олимпиадада җиңү  һәм призлы урыннар яулаучы укучылар, ел буе төрле чараларда активлык күрсәтүче сыйныфлар мактау грамоталары белән бүләкләнде. "Ел сыйныф җитәкчесе", "Һөнәргә тугрылык", "Ел укытучысы" номинацияләрендә җиңү яулаучы мөгаллимнәр дә билгеләп үтелде. Шулай ук "Гимназиянең мактаулы исемнәр китабы" ачылды.

Каникулның беренче көнендә гимназиядә традицион татар халык җырлары фестиваленең финалы узды. Гала-концертта 13 сыйныф катнашты. Гран-прига 11Б сыйныфы лаек булды. 1 нче урынны - 9Б, 2 нче урынны - 8А, 3 нче урынны - 4Б сыйныфы укучылары яулады.

Гимназия көне бәйрәме кысаларында гимназиядә традицион Ш.Мәрҗани исемендәге фәнни-гамәли конференция булып узды. Укучылар фәнни җитәкчеләре - укытучылары белән берлектә тикшеренү эшләрен тәкъдим иттеләр. Хөкемдарлар буларак КФУ галимнәре чакырылган иде.

Һәр елны, "Гимназия көне бәйрәме" кысаларында укучылар, мөгаллимнәр, әти-әниләр белән шәһәребезнең театрларына спектакль карарга барабыз. Бу уку елында Г.Камал театрын сайладык. Кичә бөтен коллективыбыз белән берлектә И.Юзеевның "Ак калфагым төшердем кулдан" спектаклен карадык.

Гимназиядә традицион Татар халык җырлары фестиваленең сайлап алу туры узды. Гала-концертка 2Б, 2В, 2Г, 3Б, 4Б, 4В, 5А, 5Б, 6В, 7Б, 8А, 9Б, 11Б сыйныфлары сайланды. Катнашучыларга уңышлар теләп калабыз.

9 нчы декабрь - коррупциягә каршы Халыкара көрәш көне кысаларында бердәм тәрбия сәгатьләре узды.

5-11 нче сыйныфларда, җәмгыять белеме фәне кысаларында, Кеше хокуклары көне билгеләп үтелде. Укучыларга кешенең төп хокук һәм бурычлары буенча мәгълүмат бирелде.

Республика күләмендә уздырылган "Третий звонок" дип исемләнгән мәктәп театрлары фестиваль-конкурсында гимназиянең "Яктылык" төркеме 2 нче урын яулады. Җиңүчеләребезне котлыйбыз!