Яңа 2023-2024 нче уку елы белән! 1 сентябрь балачакның иң кадерле, якты бәйрәме - тәүге тапкыр гимназия бусагасын атлап кергән көн. Без дә быел ахыргы тапкыр, зур горурлану хисе белән яраткан гимназиябездә ахыргы 1 сентябрь иртәсен каршылыйбыз, дип дәвам итте сүзне чыгарылыш сыйныф укучылары. Бусаганы атлап керү белән кулдан тотып белем иленә җитәкләп баручы изге җанлы укытучыларына да рәхмәт җиткерделәр.

Бәйрәм 72 кыздан торган гимназия хоры белән башланып китте, җыр-биюләр белән үрелеп барды. Мөхтәрәм кунаклар арасында Туфан Миңнуллиннын кызы - Әлфия ханым да бар иде. Балалар авызыннан әтием турында ишетүе рәхәт булды, диде ул. 

Быел гимназиябезгә 52 укучы кабул иттек. Нәни дусларыбыз бәйрәмебезне бизәп, үзләренең матур шигырьләрен сөйләде. Белем иленең серле ачкычын алып, җиз кыңгырау чылтыратып, тәүге дәрескә узды алар.

Хәерле сәгатьтә!

Балачкның күңелле мизгелләре истә калсын дидек. Мәктәп янындагы матурлыкка сокланмыйча мөкин түгел. Кызларыбызның көн дә бу матурлыкны күреп йөрүләре сөендерә. Фотосессия ясап, бу мизгелләрне мәңгеләштердек.

Ә аннан соң көн сугыш темасына багышланган шигырләр белән дәвам итте, ахырдан фильм да карадык. илләребез имин, тыныч булсын! Бабаларның шат авазы һәрвакыт яңгырап торсын!

 

Бу атна Укытучылар һәм наставниклар елына багышлана. Шул уңайдан булган белемнәрне тикшерү өчен, уен формасында зирәкләрне һәм тапкырларны билгеләдек.

Ә төштән соң "Хәзинәләр утравы" квест-уенында катнаштык. Кызларга бик ошады. Квеста катнашкан һәр балага шоколад-хәзинә эләкте

 

Күңелләрдә мәңге калачак. Кызлар бүген Химиклар мәдәният сараена фильм карарга барды, ә төштән соң компьютер графикасы буенча мастер-класста булдылар. Гадәттәгечә күбрәк вакытны саф һавада үткәрергә тырышабыз: физзарядка, хәрәкәтле уеннар, төрле биюләр.

Һәр көнне балаларны яңа яктан ачарга тырышабыз. Бүген актерлык осталыгы серләренә төшендек. Әдәби викторинада катнашып, белемнәребезне барладык.
Саф һавада "Ура, каникулы" дигән уеннар программасы һәр баланы үзенә жәлеп итте.

Парклар белән танышуыбызны дәвам итәбез. Бүген Жиңү паркында булып кайттык. Жәйнең матур көннәрен ачык төсләр белән бизибез, вакытыбызны файдалы һәм кызыклы итеп үткәрәбез.

Тәмле төшке аштан соң "Алло, без талантлар эзлибез" бәйгесенә жыелдык. Кызлар берсеннән берсе оста, сәхнәдә үзләрен иркен тоталар. Жыр-бию дисеңме, сәнгатьле итеп сөйләү дисеңме - барысын да булдыралар. Афәрин сезгә!

Мәктәп яны "Кояшкай" лагере белән "Йөзәргә өйрән" акциясендә катнаштык. Бик эчтәлекле чара әзерләгәннәр. Сушылар янында үзеңне ничек тотарга, суга баткан кешене ничек коткарырга, ничек беренче ярдәм күрсәтергә - барысын да күрсәттеләр.

Аннары тренерлар йөзү төрләре белән таныштырдылар, балалар ике командага бүленеп ярышып та алдылар.

Ахырдан һәр балага тапшырылган бүләкләр ямь өстенә ямь өстәде. Бар да канәгать калды.

Кызлар бүген мастер-класста булдылар. Үз кулың белән ясалган бүләк иң кадерлесе, чөнки аңа күңел жылысы кушыла.