МБОУ "Старочечкабская основная общеобразовательная школа Кайбицкого муниципального района Республики Татарстан"/ МБГБУ "Татарстан Республикасы Кайбыч муниципаль районы Иске Чәчкаб төп гомумбелем бирү мәктәбе"
Визитная карточка
Адрес: | 422330, РТ, Кайбицкий район, село Старые Чечкабы, ул. Центральная, д. 57 |
Телефон: | +7(843)-703-08-57 |
E-Mail: | sch1496@rambler.ru; Schkb.kbc@tatar.ru |
Министерство: | Министерство образования и науки Республики Татарстан |
Короткое название: | МБОУ "Старочечкабская ООШ" |
Руководитель: | Калимуллин Айрат Азатович |
Год основания учреждения: | 1990 |
У нас учатся: | 34 учащихся и 9 воспитанников/ 34 укучы һәм 9 тәрбияләнүче бала |
У нас учат: | 11 учителей и 1 воспитатель/ 11 укытучы һәм 1 тәрбияче |
МБОУ "Старочечкабская основная общеобразовательная школа Кайбицкого муниципального района Республики Татарстан"/ МБГБУ "Татарстан Республикасы Кайбыч муниципаль районы Иске Чәчкаб төп гомумбелем бирү мәктәбе" - новости
Страницы: << 91 92 93 ( 94 ) 95 96 97 98 99 100 >>
-
Чисталык дәресе - 2014
25.12.2014
Бүген без, республикакүләм табигатьне саклау акциясе - "Чисталык дәресе"нә кушылдык. Әлеге акция кысаларында һәр сыйныфта сыйныф сәгатьләре үткәрелде. 1, 3 нче сыйныф укучылары кошларга җимлекләре ясап килгәннәр иде. Әлеге җимлекләрне сыйныф җитәкчеләре Мөхетдинова А.Н. белән берлектә агачларга элеп тә чыктылар. 8 нче сыйныф җитәкчесе Хәсәнова Э.Г. үзенең укучыларына "Чүп-чарга юл куймыйк" дигән презентация тәкъдим итте һәм һәр кешенең көченнән килгәнчә табигатьне сакларга бурычлы булуын ассызыклады. Дәрескә "Үзебездән башлыйк, үрнәк булыйк", - дигән нәтиҗә ясадылар.
-
Мәктәпне яңа елга әзерлибез!
25.12.2014
Бик зур эш башкардык бит әле без бүген. Мәктәбебез территориясен яңа елга әзерләргә керештек. Әлеге эшкә әти- әниләребезне дә җәлеп иттек. Эштән соң, кич белән мәктәпкә җыелып мәктәп тирәсендәге кардан төрле сыннар ясадык. Һава торышы шәп, күңелләр көр булгач эш бик җайлы барды.
-
Әфган сугышы башлануга - 35 ел
24.12.2014
1979 елның 25 нче декабрендә Әфганстан җиренә Совет гаскәрләренең чикләнгән контингенты кертелә. Шушы вакыйгага быел - 35 ел була. Әлеге датага багышланган чаралар безнең мәктәптә бүгеннән үк үткәрелә башлады. Чара тантаналы линейка белән башланып китте, әлеге линейкада сугышта һәлак булган сугышчыларны искә алу максатыннан бер минутлык тынлык игълан ителде. Аннан соң сыйныфларда тематик сыйныф сәгатьләре үткәрелде. 1-4 нче сыйныф укучылары өчен дәресне 4 нче сыйныф җитәкчесе Хәсәнова Фәһимә Габдулла кызы үткәрде. Ул укучыларга бу сугышның сәбәпләре, нәтиҗәләре турында аңлатты. Сугышта катнашкан авылдашлар белән таныштырды.
-
Дин мәдәнияты нигезе фәненән ачык дәрес
22.12.2014
Мәктәпнең укыту-тәрбия планы нигезендә, башлангыч сыйныфларда ачык дәресләр күрсәтү циклы дәвам итә. Бүген 4 нче сыйныф җитәкчесе Хәсәнова Фәһимә Габдулла кызы Россия халыкларының дини мәдәнияте нигезләре фәненнән "Ислам диненең таралуы" темасына ачык дәрес күрсәтте. Дәрес бик мавыктыргыч үтте, укучылар әлеге теманы бик теләп өйрәнделәр, укытучыга бик күп өстәмә сораулар бирделәр
-
Башлангыч сыйныфта ачык дәрес
18.12.2014
Бүген, 1, 3 нче сыйныф җитәкчесе Мөхетдинова Алсу Назым кызы математикадан 1 нче сыйныфта "Шулкадәр", 3 нче сыйныфта "Кабатлы мәсьәләләр белән таныштыру" дигән темаларга ачык дәрес үткәрде. Дәрестә Сингапур структураларыннан Фолоу Зе Лидер, Тэйк -Оф Тач Даун уңышлы кулланылды. Укучылар дәрес темасын үзләре ачтылар, үзмаксат куйдылар. Дәрестә әңгәмә, чагыштыру, алгоритм куллану алымнары кулланылды. Дәрес ахырында укучылар дәрестәге эшчәнлекләренә үзбәя куйдылар.
-
"Кирәкми безгә сугыш!"
14.12.2014
Декабрь аенда билгеләп үтелгән "Билгесез солдат көне", "Ватан Геройлары көне" уңаеннан 4 нче сыйныф укучылары литература дәресенә "Нам не нужна война" дигән темага ике төркемгә бүленеп, иҗади проектлар әзерләп килгәннәр иде. Сыйныф җитәкчеләре Хәсәнова Ф.Г. укучыларнң әлеге проектлары бик уңышлы килеп чыгуын һәм укучылар үзләренең эшләрен бик җитди рәвештә яклауларын билгеләп үтте.
-
12 декабрь - Россия Федерациясе Коституциясе көне
12.12.2014
Бүген, Россия Федерациясе Конституциясе көне уңаеннан мәктәптә төрле чаралар үтте. 5-9 нчы сыйныф укучыларына политинформацион минут кысаларында сыйныф җитәкчеләре тематик әңгәмәләр үткәрделәр, ә 1-4 нче сыйныф укучылары өчен тематик сыйныф сәгатьләре үтте, дәреснең нәтиҗәсе буларак укучылар рәсемнәр ясадылар.
-
9 декабрь - "Ватан Геройлары көне"
09.12.2014
Бүген илебездә "Ватан Геройлары көне" билгеләп үтелә. Әлеге уңайдан мәктәптә төрле чаралар үтте. Башлангыч сыйныфларда тематик сыйныф сәгатьләре үткәрелсә, 5-9 нчы сыйныф укучылары өчен тарих һәм җәмгыять белеме укытучысы Габидуллина Г.И. "Алар исеме безнең күңелләрдә" дип исемләнгән чара оештырды. Әлеге чарада укучылар Герой- пионерлар, милләттәшләребез - Г.Гафиатуллин һәм М.Сыртланова белән һәм аларның батырлыклары белән таныштылар,
-
Бездә"Час кода" үтте
06.12.2014
4 - 12 декабрь көннәрендә халыкара "Всемирный час кода" акциясе кысаларында "Час кода в России" акциясе үткәрелә. Әлеге акциядә күпмилләтле илебезнең барлык укучылары да катнаша. Әлбәттә без дә читтә калмадык, әлеге акциягә кушылдык. Информатика укытучысы Гильманова Э.Р., 4 нче декабрьдә билгеләп үтелүче информатика көне уңаеннан үткәрелгән дәрес кысаларында укучыларны IT технологияләр, IT белгеч, IT парк төшенчәләре белән таныштырды. Әлеге дәреснең максаты укучыларда информатика фәненә һәм программалар төзүгә кызыксыну уятуны күздә тотты. Дәрес барышында укучылар видеороликлар карадылар, кызыклы лекция тыңладылар һәм Ам-ням онлайн тренажерында программа төзеделәр.
-
3 нче декабрь - "Билгесез солдат көне"
04.12.2014
3 нче декабрь - илебез тарихында быел беренче тапкыр "Билгесез солдат көне" буларак билгеләп үтелә. Әлеге дата уңаеннан мәктәбебездә төрле чаралар үтте. Башлангыч сыйныф укытучылары әлеге чараны аеруча зур итеп, сыйныфларын берләштереп үткәрделәр. Укучылар иң элек билгесез солдат мемориалы турында презентация карадылар, аннан соң сорау-җавап формасында сугыш турында әңгәмәдә катнаштылар. Чара дәвамында, укучылар белән очрашуга тыл ветераны Әминә апа Габидуллина да килде. Ул сугыш елларында ничек яшәүләрен, ачлы-туклы тормышны ничек кичерүләр, кайларда эшләүләрен сөйләде. Сугыш вакытында авылыбыз тормышын, окоп казучылар язмышын укучыларга бәян итте. Укучылар аңа бүләк итеп концерт номерлары әзерләгәннәр иде. Ахырдан нәни укучыларыбыз сугышта һәлак булган авылдашларыбызны искә алу йөзеннән һәйкәлгә барып чәчәкләр куйдылар.