МБОУ "Старочечкабская основная общеобразовательная школа Кайбицкого муниципального района Республики Татарстан"/ МБГБУ "Татарстан Республикасы Кайбыч муниципаль районы Иске Чәчкаб төп гомумбелем бирү мәктәбе"
Визитная карточка
Адрес: | 422330, РТ, Кайбицкий район, село Старые Чечкабы, ул. Центральная, д. 57 |
Телефон: | +7(843)-703-08-57 |
E-Mail: | sch1496@rambler.ru; Schkb.kbc@tatar.ru |
Министерство: | Министерство образования и науки Республики Татарстан |
Короткое название: | МБОУ "Старочечкабская ООШ" |
Руководитель: | Калимуллин Айрат Азатович |
Год основания учреждения: | 1990 |
У нас учатся: | 34 учащихся и 9 воспитанников/ 34 укучы һәм 9 тәрбияләнүче бала |
У нас учат: | 11 учителей и 1 воспитатель/ 11 укытучы һәм 1 тәрбияче |
МБОУ "Старочечкабская основная общеобразовательная школа Кайбицкого муниципального района Республики Татарстан"/ МБГБУ "Татарстан Республикасы Кайбыч муниципаль районы Иске Чәчкаб төп гомумбелем бирү мәктәбе" - новости
Страницы: << 91 92 ( 93 ) 94 95 96 97 98 99 100 >>
-
Ата-аналар җыелышы
23.01.2015
Икенче чирек, беренче яртыеллык нәтиҗәләре буенча, бүген мәктәптә "Ата-ана һәм бала мөнәсәбәте" дигән темага мәктәпкүләм ата-аналар җыелышы узды. Җыелышта психолого педагогик һәм медико-социаль үзәк (ППМСҮ) белгечләре дә катнаштылар. Үзәк директоры Федотова Людмила Николаевна ата-аналарны әлеге үзәк һәм аның эш юнәлешләре белән таныштырды, аннан соң "Ә иртәгә тормыш бар иде..." ("А завтра была жизнь...") дигән темага доклад белән чыгыш ясады. Логопед Алевтина Александровна исә, ата-аналарга балаларның дөрес сөйләмен формалаштыру өчен ниләр эшләргә кирәклеген аңлатты, активациометр программалы аппарат комплексы белән таныштырды.
-
Укучыларыбыз тикшерү узды
22.01.2015
Бүген мәктәбебездә, директорлары Федотова Людмила Николаевна җитәкчелегендә, психолого-педагогик һәм медико социаль үзәк (ППМСЦ) белгечләре килделәр. Алар 1 нче һәм 5 нче сыйныф укучыларын башлангыч һәм урта звено шартларына җайлашуларын тикшерү өчен төрле диагностик тестлар үткәрделәр. 9 нчы сыйныф укучыларына өчен исә, тренинг элементлары белән "ТДИ (ОГЭ) га уңышлы әзерләнү һәм тапшыру формуласы" дигән темага психологик дәрес һәм профориентацион тест үткәрделәр.
-
Хоккей тартмасы ачылды
17.01.2015
Бүген бездә күптән көтелгән куанычлы вакыйга - боз шугалагын ачу тантанасы булды. Укучылар, авыл яшьләре, кадерле әтиләребез инде күптән әлеге шугалакта хоккей уйнасалар да, ачылу тантанасы төрле сәбәпләр аркасында кичектерелеп килде. Һәм ниһаять бүген вакыты җитте. Әлеге вакыйгада район башлыгы Рәхмәтуллин Альберт Илгизәр улы, аның урынбасары Хәялиев Рәмис Рәфис улы, әлеге тартманы әзерләүдә спонсор ярдәме күрсәткән Осипов Ю.Г., Садриев М.Р.,хоккей тартмасының нәкъ менә безнең мәктәпкә урнаштырылуында зур өлеш керткән Хуҗин Рушан Галимулла улы, укучыларның тренеры Миңнуллин Радик Равил улы катнаштылар. Ачылу тантанасын карарга әти-әниләр, әби-бабайлар һәм авыл яшьләре килгән иде.
-
Тимурчылык эше дәвам итә
12.01.2015
Быелгы кыш пыр туздырып бураннарын уйната. Безне бер генә дә тик тотмый. Укучыларыбыз һәр көнне диярлек хоккей тартмасын кардан чистарту белән мәшгульләр. Шул ук вакытта өлкән авылдашларыбызны да онытмыйбыз. Кар басып киткән йорт тирәсен чистартып кайтабыз. Әби-бабайлар үзләренең укучыларын көтеп торалар, зур рәхмәтләрен әйтеп озаталар.
-
Актив укучылар бәйрәме
05.01.2015
Бүген 9 нчы сыйныфта укучы 4 укучыбыз, Федоровское урта мәктәбе базасында уздырылган, районкүләм актив укучылар өчен чыршы бәйрәмендә катнашып кайттылар. Әлеге укучыларыбыз төрле спорт ярышларында даими катнашып, призлы урыннар яулаучылар.Шушы бәйрәм чарасы алар күңелендә ел дәвамында матур хатирә булып сакланыр әле мөгаен.
-
Кышкы лагерь эшчәнлеге
03.01.2015
Мәктәбебездә "Чишмәкәй" кышкы лагере үз эшчәнлеген дәвам итә. Укучылар биредә сәламәтлекләрен ныгыталар, күңелле ял итәләр. Саф һавада чаңгы-чана шуалар һәм шугалакта тимераякта йөрергә өйрәнәләр. Укучыларга иртән татлы йокыларыннан уянып киләсе авыр булса да, көн ахырында өйләренә теләмичә генә таралышалар.
-
Педагогик киңәшмә утырышы
31.12.2014
2014 елның соңгы көнендә бездә чираттагы педагогик киңәшмә утырышы узды. Әлеге киңәшмәдә төрле сораулар каралды. "Укытуда яңа стандартларны урта звенога күчерү" дигән темага доклад белән 4 нче сыйныф җитәкчесе Хәсәнова Ф.Г. чыгыш ясады. Беренче яртыеллык йомгаклары белән мәктәп директоры Хәсәнов А.Г. һәм директор урынбасарлары чыгыш ясады.
-
Яңа ел бәйрәмнәре
29.12.2014
Бүген шау-гөр килеп мәктәбебездә яңа ел бәйрәмнәре узып китте. Көннең беренче яртысында әлеге чара башлангыч сыйныйфларда "Хуш киләсең яңа ел!" дигән исем астында узды, көннең икенче яртысында исә 5-9 сыйныф укучылары "Зәңгәр ут яктысы"на җыелдылар. Бәйрәмгә Кыш бабай белән Кар кызы да үзләренең зур чаналарына президентыбыз Р.Н.Миннеханов һәм районыбыз башлыгы Рәхмәтуллин А.И. тарафыннан җибәрелгән бүләкләрне төяп килделәр. Ата- аналар һәм авыл халкы да әлеге чараларны бик яратып карады.
-
Зур җиңүебез!
27.12.2014
Бездә бүген зур бәйрәм, бик күңелле вакыйга! Мәктәп һәм авылыбыз тарихында беренче тапкыр, укучы егетләребездән торган хоккей командабыз районкүләм ярышта катнашты. Әле 1 ай элек беренче тапкыр кулларына хоккей кәшәсе тоткан укучыларыбыз, 7 команда арасында Олы Кайбыч һәм Федоровское урта мәктәпләреннән генә калышып 3 нче урынга лаек булды! Афәрин егетләр, без сезнең белән чиксез горурланабыз! Укучыларны шушы җиңүгә алып килгәннәре өчен күп көч куйган мәктәбебез директоры Хәсәнов Айдар Габделхак улына, физик тәрбия укытучысы Хәсәнов Илнур Рафаил улына, команданың тренеры Миңнуллин Радик Равил улына һәм Хуҗин Рушан Галимулла улына да чын йөрәктән, зур рәхмәтләребезне белдерәбез. Бу безнең өчен җиңү генә түгел, баш хәрефләрдән язылган СУПЕР ЗУР ҖИҢҮ!!!!
-
Яңа ел кунагы!
26.12.2014
Иртән иртүк, укучылар дәрескә килгәнче мәктәбебезгә яңа 2015 елның символы - тәкә кунакка килде! Буш кул белән дә килмәгән, укучыларга күчтәнәч- шугалак алып килгән. Әй кинәнделәр соң нәни укучыларыбыз әлеге шугалактан шуып.