МБОУ "Старочечкабская основная общеобразовательная школа Кайбицкого муниципального района Республики Татарстан"/ МБГБУ "Татарстан Республикасы Кайбыч муниципаль районы Иске Чәчкаб төп гомумбелем бирү мәктәбе"
Визитная карточка
Адрес: | 422330, РТ, Кайбицкий район, село Старые Чечкабы, ул. Центральная, д. 57 |
Телефон: | +7(843)-703-08-57 |
E-Mail: | sch1496@rambler.ru; Schkb.kbc@tatar.ru |
Министерство: | Министерство образования и науки Республики Татарстан |
Короткое название: | МБОУ "Старочечкабская ООШ" |
Руководитель: | Калимуллин Айрат Азатович |
Год основания учреждения: | 1990 |
У нас учатся: | 34 учащихся и 9 воспитанников/ 34 укучы һәм 9 тәрбияләнүче бала |
У нас учат: | 11 учителей и 1 воспитатель/ 11 укытучы һәм 1 тәрбияче |
МБОУ "Старочечкабская основная общеобразовательная школа Кайбицкого муниципального района Республики Татарстан"/ МБГБУ "Татарстан Республикасы Кайбыч муниципаль районы Иске Чәчкаб төп гомумбелем бирү мәктәбе" - новости
Страницы: << ( 101 ) 102 103 104 105 106 107 108 109 110 >>
-
Бөек Җиңүнең 69 еллыгы
08.05.2014
Илебез өчен иң зур бәйрәмне, быелгы яз безгә 69 нчы тапкыр бүләк итә. Әлеге дата уңаеннан мәктәбебездә ел дәвамында төрле чаралар үткәрелде. Шуның берсе 9 май уңаеннан үткәрелгән иң зур бәйрәм - Җиңү парады, безнең мәктәптә бүген үткәрелде. Һәйкәл янында авылдашларыбыз- сугыш һәм тыл ветераннарын, сугыш чоры балаларын бәйрәм белән котладык. Авылыбызда бүгенге көндә 3 сугыш ветераны яши, шуның икесе бәйрәмдә катнашты. Аларны бәйрәмебез түрендә күрү безнең өчен зур шатлык иде. Әлеге чараны оештыруда, мәктәп коллективы, авыл җирлеге, һәм "Кайбыч" полиция бүлекчәсе бердәм эшләделәр.
-
Инфоурок нәтиҗәләр ясый.
06.05.2014
Инфоурок проекты үткәргән дистанцион конкурсларда 4 нче сыйныф укучылары Гомәров Риназ (рус теле) 1 нче дәрәҗә, Гаттаров Ранис (математика) 2 нче дәрәҗә дипломга лаек булды. Аларны әлеге конкурска сыйныф җтәкчеләре Булатова Г.А. әзерләде.
-
"Хорлар бәйгесе" нең 2 нче этабы
05.05.2014
Бүген бездә, "Хорлар бәйгесе"нең соңгы - 3 нче этабы узды. Әлеге этапның темасы- "Туган як турындагы җырлар". Чарага әзерләнү өчен сыйныф җитәкчеләре дә, укучылар да бик тырыштылар. Ә әлеге бәйгене оештыручы һәм үткәрүче музыка укытучысы - Хисамова Резедә Мансур кызы. Конкурста 1-9 сыйныфның барлык укучылары да катнашты. Соңгы этап нәтиҗәләре буенча 1 нче урында "Туган илебез" җыры белән 1 нче сыйныфлар (сыйныф җитәкчесе Габидуллина Л.Ә.), 2 нче урында "Туган ягым минем Татарстан" җыры белән - 4 нче сыйныф (сыйныф җитәкчесе Булатова Г.А.), 3 нче урында "Туган авылым" җырын башкаручы 5 нче сыйныф укучылары (сыйныф җитәкчеләре Габидуллина Г.И.). Конкурсның әлеге этабы буенча нәтиҗәләр дүшәмбе линейкасында ясалачак. Ә гомуми нәтиҗә һәм бүләкләүләр соңгы кыңгырау бәйрәмендә булачак.
-
"Без бергә!"
30.04.2014
Бүген бездә 3 нче дәрестә, район мәгариф бүлегенең 28.04.2014 тән 92 нче № лы боерыгы "О проведении Парламентского урока-2014" нигезендә, "Без бергә! ("Мы вместе!") дигән Парламент дәресе үткәрелде. Әлеге дәресне 1-4 нче сыйныфларда сыйныф җитәкчеләре, ә 5-9 нчы сыйныфлар өчен тарих укытучысы Габидуллина Г.И. үткәрде. Дәрестә 21 гасырның безнең ил өчен төп тарихи вакыйгасы- Кырым һәм Севастопольнең яңадан Рәсәй составына керүе турында сүз алып барылды. Кырым һәм Севастополь тарихы турында сөйләнде, укучылар белән фикер алышу һәм картада эшләү булды. Татар теле һәм әдәбияты укытучысы Гайнетдинова А.Г. укучыларга Кырымдагы "Артек" лагере, әлеге лагерьдә ял итүче райондашлар турында сөйләде.
-
Балаларны яклау көне
29.04.2014
26 апрель көнне мәктәптә, гадәттән тыш хәлләр очрагында "Балаларны яклау көне" үтте. Иң элек эвакуация үткәрелде, 1 минут 30 секунд эчендә барлык коллектив мәктәптән урамга чыгып төзелеп баскан иде инде. Линейкада әлеге көн һәм аның әһәмияте турында мәгълүмат укучыларга җиткерелде. Чарада, 5 - 9 сыйныф укучылары 2 командага бүленеп ярыштылар. Гадәттән тыш хәлләрдә үз-үзеңне яклау турында төрле теоретик белемнәрен сынадылар, аларның кайберләрен практикада үткәреп тә күрсәттеләр.
-
Экологик айлык чаралары
26.04.2014
15 апрель - 15 май көннәре Татарстан Республикасында табигатьне һәм экологияне саклау айлыгы буларак игълан ителде. Әлеге айлык уңаеннан бик күп төрле чаралар үткәрелә. Әлеге чаралардан без дә читтә калмадык. Шуның берсе- "Марш парков"акциясе һәм "Урман утырту көне", уңаеннан без бүген мәктәп территориясен яшелләндерү белән шөгыльләндек. Ирга, сирень, кызыл миләш куаклары; шулай ук күпьеллык чәчәкләр- лалә, пион, мальва, лилиянең төрле сортларын утырттык.
-
"Җиңү парады" смотры
25.04.2014
Бүген мәктәптә, "Җиңү парады" смотрының мәктәп этабы узды. Әлеге смотрда 5-9 нчы сыйныф укучыларының барысы да катнашты. Нәтиҗәдә беренчелекне 5 нче сыйныф укучылары алды, алар 28 нче апрель көнне зона турында мәктәп данын яклап чыгыш ясаячаклар.
-
"Тукай көннәре"
24.04.2014
Сөекле шагыйребез Г.Тукайга багышланган чаралар - "Тукай көннәре" мәктәбебездә дәвам итә. Бүген шуның чираттагысы- шигырь сөйләүчеләр конкурсы узды. Әлеге чарада мәктәбебезнең барлык укучылары да актив катнашты, бигрәк тә башлангыч сыйныф укучыларының әзерлеге югары дәрәҗәдә иде. Нәтиҗәләр ясалды. 1 нче урынга 2 нче сыйныф укучысы- Шаһиева Зөлфия, 2 нче урынга 1 нче сыйныф укучылары Адиятуллина Эльвина белән Садыков Камил, 3 нче урынга 3 нче сыйныф укучысы Кәлимуллин Нияз лаек дип табылды. Әлеге укучылар 28 нче апрель көнне район турына барачаклар. Афәрин, укучылар!
-
"Тукай - безнең күңелләрдә"
21.04.2014
Г.Тукайның тууына 128 ел уңаеннан мәктәбебездә төрле чаралар үткәрелә. Шундыйларның берсе 19 нчы апрель көнне 5 нче һәм 6 нчы сыйныфукучылары арасында "Тукай - безнең күңелләрдә" исеме астында КВН узды. Әлеге чараны татар теле һәм әдәбияты укытучысы Гайнетдинова А.Г. оештырды. Ике командада Тукайның биографиясе, иҗаты буенча белемнәрен тикшерделәр. "Су анасы", "Шүрәле" әкиятләрен сәхнәләштереп күрсәттеләр. Нәтиҗәдә, 5 нче сыйныфның "Тукайлылар" командасы өстенрәк булып чыкты.Афәрин!
-
"Йолдызлык-2014" нең зур уңышы
19.04.2014
Мәктәбебез укучылары "Созвездие. Йолдызлык-2014" телевизион эстрада фестиваленең Казанда узган суперфиналында катнашып кайттылар. 14 - 18 нче апрель көннәрендә укучыларыбыз конферанс һәм вокаль ансамбльләр номинацияләрендә күпсанлы жюри алдында чыгыш ясадылар. Нәтиҗәләребез сөендерерлек. "Салават күпере" вокаль ансамбле мәртәбәле жюри тарафыннан макталды һәм "За сохранение культурных традиций" дигән махсус призга лаек булды. Республикабыз премьер министры имзалаган диплом һәм кыйммәтле бүләк кызларыбызга сөенеч өстәде. Җитәкчеләре Габидуллина Лютция Әгъзам кызына зур рәхмәт белдерәбез, һәм афәрин - "Сез булдырасыз!" дибез. Конферансларыбыз исә, суперфиналның дипломатлары булу бәхетенә ирештеләр.