МБОУ "Старочечкабская основная общеобразовательная школа Кайбицкого муниципального района Республики Татарстан"/ МБГБУ "Татарстан Республикасы Кайбыч муниципаль районы Иске Чәчкаб төп гомумбелем бирү мәктәбе"
Визитная карточка
Адрес: | 422330, РТ, Кайбицкий район, село Старые Чечкабы, ул. Центральная, д. 57 |
Телефон: | +7(843)-703-08-57 |
E-Mail: | sch1496@rambler.ru; Schkb.kbc@tatar.ru |
Министерство: | Министерство образования и науки Республики Татарстан |
Короткое название: | МБОУ "Старочечкабская ООШ" |
Руководитель: | Калимуллин Айрат Азатович |
Год основания учреждения: | 1990 |
У нас учатся: | 34 учащихся и 9 воспитанников/ 34 укучы һәм 9 тәрбияләнүче бала |
У нас учат: | 11 учителей и 1 воспитатель/ 11 укытучы һәм 1 тәрбияче |
МБОУ "Старочечкабская основная общеобразовательная школа Кайбицкого муниципального района Республики Татарстан"/ МБГБУ "Татарстан Республикасы Кайбыч муниципаль районы Иске Чәчкаб төп гомумбелем бирү мәктәбе" - новости
Страницы: << 81 82 83 ( 84 ) 85 86 87 88 89 90 >>
-
Шахмат ярышындагы уңышлар
25.10.2015
Кичә, 24 нче октябрь көнне "Салават күпере" спорт-сәламәтләндерү комплексында, 2001 нче елгы һәм аннан да кечерәк яшьтәге укучылар арасында шахмат уены буенча район беренчелеге ярышлары узды. Үз эченә, 5 нче сыйныф укучысы - Хәсәнов Баязитны, 6 нчы сыйныф укучысы - Гаттаров Рамилне, 8 нче сыйныф укучылары- Хузин Ранил, Гаттарова Адилә һәм Борһанова Алсуны алган безнең мәктәп командасы, әлеге ярыштан 3 нче урынны яулап кайтты. Укучыларыбызны кайнар котлыйбыз һәм аларга яңа җиңүләр теләп калабыз.
-
Һөнәр сайлау- катлаулы эш!
22.10.2015
Әлеге атна безнең мәктәптә 7-9 нчы сыйныф укучылары өчен "Һөнәр сайлау- катлаулы эш" дигән девиз астында үтә. Әлеге темага сыйныф сәгатьләре үткәрелә. Кичә, 21 нче октябрь көнне 7 - 8 нче сыйныф укучылары Дәүләти бюджет учреждениесе "Республикакүләм белем бирү сыйфатын мониторинглау үзәге" (ГБУ "РЦМКО") үткәргән һөнәри юнәлгәнлекне ачыклау өчен профориентацияләнгән тестлар үттеләр. Ә бүген исә, безгә Казан шәһәренең "БИНК" социаль эшлекле клубыннан (СДК "БИНК") психолог, социаль фәннәр кандидаты Вылегжанина Алсу Вакифовна килеп, 7 - 9 сыйныф укучыларына "Мин һөнәр сайлыйм" дигән темага лекция укып, укучыларга профориентацияләнгән тестлар үткәреп, укучыларның кызыксынуларын өйрәнеп китте.
-
Бердәм мәдәни дәрес
21.10.2015
Бүген безнең мәктәптә, "Укучының мәдәни көндәлеге" дип исемләнгән республикакүләм проект кысаларында, бердәм мәдәни дәрес үткәрелде. Әлеге дәрестә укучылар белән республикабыз һәм районыбызның мәдәнияты турында әңгәмәләр алып барылды. Башлангыч сыйныф укучыларына исә әлеге дәресне "Галия Кайбицкая исемендәге музей" дәүләти мәдәният бюджет оешмасы директоры Сафина Эльмира Равилевна үткәрде. Ул нәни укучыларга бик тә аңлаешлы итеп, "Укучының мәдәни көндәлеге" проектының мәгънәсен һәм әлеге көндәлекләрне ничек тутырырга кирәклеген аңлатып үтте, Галия Кайбицкая музее турында сөйләде һәм барлык башлангыч сыйныф укучыларына мәдәни көндәлекләр тапшырды.
-
Укытучыларыбыз сынатмый!
19.10.2015
17 нче октябрь көнне Мамадыш шәһәрендә, мәгариф хезмәткәрләренең 2015 елгы җәйге спартакиадасы узды. Район командасы составында безнең мәктәпнең физкультура укытучысы Хәйретдинова Лилия Рифкать кызы да чыгыш ясады. Ул әлеге спартакиадада бадминтон ярышында катнашып хатын -кызлар арасында 3 нче урынга лаек булды. Коллегабызны район командасын алга чыгаруда керткән зуууур өлеше белән котлыйбыз һәм яңа җиңүләр теләп калабыз.
-
Кызларыбыз - икенче!
12.10.2015
Шимбә, 9 нчы октябрь көнне укучыларыбыз, 9 нчы сыйныф һәм аннан да кечерәк сыйныф укучылары арасында район беренчелегенә узган волейбол ярышларында катнашып кайттылар. Малайлар командасы финалга чыкса да, призлы урыннарны ала алмады, ә менә кызларыбыз кискен көрәштә 2 нче урынга лаек булдылар. Кызларыбызны һәм аларның тренерлары Хәсәнов Илнур Рафаил улын чын күңелдән котлыйбыз һәм яңа җиңүләр көтеп калабыз.
-
Бездә кунаклар бар
10.10.2015
Бүген өлкәннәр ункөнлеге тәмамлана, ә бездә әлеге декадага багышланган чаралар дәвам итә. Бүген, безнең мәктәпкә мәктәптә эшләп, бүгенге көндә лаеклы ялда булган укытучылар һәм хезмәткәрләр кунакка килде. Инде традициягә әйләнгән, чәй табыны артында үткән җылы очрашуны барыбыз да түземсезлек белән көтеп алабыз һәм киләсе очрашуларны көтеп калабыз.
-
Өлкәннәрне зурладык
08.10.2015
Кичә, 7 нче октябрь көнне авыл җирлеге, ОАО "Ак Барс Кайбыч" 3 нче № лы филиал һәм мәктәп коллективы авылыбызда яшәүче өлкәннәрне чәй табынына җыйды. Мәктәпнең спорт залында үткән әлеге чарада укучыларыбыз иҗаты- "Яраткан әби-бабайларыбыз" дигән темага рәсемнәр күргәзмәсе һәм укучылар һәм укытучылар көче белән әзерләнгән концерт чарасы оештырылган иде.
-
Республикакүләм бәйге җиңүчесе
06.10.2015
Укучыларыбызның төрле өлкәдә сәләтләре ачыла. Бу безнең өчен бик зур шатлык. Чираттагы ачышыбыз да үзенең уңышларын инде уку елы башында ук бирде. 5 нче сыйныф укучысы Хәсәнов Баязит республикакүләм роботлар ясау бәйгесендә "Ярдәмче роботлар" ("Роботы помощники") номинациясендә 3 нче урын яулап кайтты. Күрмәүче кешеләргә, каршылык булган очракта хәбәр бирүче робот проектын ясап, урта яшьтәгеләр төркемендә призлы урын яулаган нәни уйлап табучыбызны һәм аның җитәкчесе Хәсәнов Айдар Габделхак улын тәүге җиңүләре белән котлап, яңадан - яңа зур уңышлар теләп калабыз.
-
Волейбол- безнең спорт төре!
05.10.2015
Шимбә, 3 нче октябь көнне укучыларыбыз тагын бер кубок алып кайттылар. Бу юлы- волейбол ярышларыннан. 2002 нче елгы һәм аннан да кечерәк яшьтәге укучылар арасында район беренчелегенә үткәрелгән ярышта кызлар командасы - 2 нче урын, ә млайлар командасы - 1 нче урын яулап күчмә кубокны янәдән үзебездә калдырдылар. Укучыларның тренерлары Хәсәнов Илнур Рафаил улына һәм Хәйретдинова Лилия Рифкать кызына зур рәхмәтләр белдереп, яңа җиңүләр теләп калабыз.
-
Бәйрәм белән!!!
05.10.2015
Хөрмәтле коллегалар! Барыбызны да һөнәри бәйрәмебез, "Укытучылар көне" белән чын күңелдән котлыйбыз! Мәгариф өлкәсе - сабырлык, тырышлык, белем таләп итә торган һөнәр. Сабый бала тормыш ваклыклары арасында югалмасын дип, юл өйрәтеп, хәреф танытучы иң беренче кеше – укытучы. Нәни баланың күңеле уңдырышлы җир-ана кебек, ә укытучы аңа белем орлыклары сала. Бу орлыклардан исә игелек, мәрхәмәт, шәфкать, тәүфыйк кебек сыйфатлар үсеп чыга, ныгый. Әйтерсең лә, укытучы үзенең җанын-тәнен телем-телем кисәкләргә бүлеп балаларга өләшә.
Хөрмәтле коллегалар! Чын күңелебездән һөнәри бәйрәмебез белән тәбрик итәбез! Авыр, әмма мактаулы хезмәтебездә һәркемгә иҗади уңышлар насыйп булсын. Һәркемгә ныклы сәламәтлек, ак бәхетләр телибез. Бәйрәм белән!..