МБОУ "Старочечкабская основная общеобразовательная школа Кайбицкого муниципального района Республики Татарстан"/ МБГБУ "Татарстан Республикасы Кайбыч муниципаль районы Иске Чәчкаб төп гомумбелем бирү мәктәбе"
Визитная карточка
Адрес: | 422330, РТ, Кайбицкий район, село Старые Чечкабы, ул. Центральная, д. 57 |
Телефон: | +7(843)-703-08-57 |
E-Mail: | sch1496@rambler.ru; Schkb.kbc@tatar.ru |
Министерство: | Министерство образования и науки Республики Татарстан |
Короткое название: | МБОУ "Старочечкабская ООШ" |
Руководитель: | Калимуллин Айрат Азатович |
Год основания учреждения: | 1990 |
У нас учатся: | 34 учащихся и 9 воспитанников/ 34 укучы һәм 9 тәрбияләнүче бала |
У нас учат: | 11 учителей и 1 воспитатель/ 11 укытучы һәм 1 тәрбияче |
МБОУ "Старочечкабская основная общеобразовательная школа Кайбицкого муниципального района Республики Татарстан"/ МБГБУ "Татарстан Республикасы Кайбыч муниципаль районы Иске Чәчкаб төп гомумбелем бирү мәктәбе" - новости
Страницы: << 71 72 73 74 75 76 77 78 79 ( 80 ) >>
-
Батырлык дәресе 17.02.2016
Бүген мәктәптә Россиякүләм "Горячее сердце" ("Кайнар йөрәк") иҗтимагый-дәүләт инициативасына багышланган Батырлык дәресләре үткәрелде. Әлеге дәресләрне 2-4 нче сыйныфта башлангыч сыйныф укытучысы Хәсәнова Фәһимә Габдулловна, 5 - 6 нчы һәм 7 - 9 нчы сыйныфларда тарих һәм җәмгыять белеме укытучысы Гыйләҗева Гүзәл Илшат кызы үткәрде. "Нәрсә соң ул батырлык?" дигән темага үткәрелгән әлеге дәресләрдә укучыларга халкыбызның сугыш кырларындагы батырлыгын, милли горурлыгын, патриотизмын күрсәтү максаты куелган иде. Укытучыларыбыз әлеге дәресләрдә тыныч тормышта үзләренең батырлыклары белән сокландырган ватандашларыбыз, аларның батырлыклары белән дә таныштырдылар.
-
Муса Җәлилгә 110 ел 16.02.2016
Татар халкының бөек улы, Герой- шагыйрь Муса Җәлилгә быел -110 ел. Милләтебезнең әдәбияты үсешенә үзенең үлмәс шигырьләре белән зур өлеш керткән, соңгы сулышына кадәр Ватан алдында тугрылыклы булып калган, фашизмга каршы көрәштә тиңдәшсез рухи ныклык, батырлык күрсәткән бөек шәхесебезне онытырга безнең хакыбыз юк. Шул уңайдан, бүген бездә Советлар союзы Герое, Ленин премиясе лауреаты, Герой - шагыйрь Муса Җәлилгә багышланган әдәби-музыкаль кичә үтте. Әлеге кичәдә укучылар шагыйрьнең тормыш юлын һәм иҗатын кабаттан исләренә төшерделәр, шигырьләрен яттан сөйләделәр, аның сүзләренә иҗат ителгән җырларны башкардылар. Якташыбыз Галия Кайбицкая өчен махсус язылган "Алтынчәч" либреттосыннан өзек тыңладылар. Әлеге чараны әзерләгән өчен татар теле һәм әдәбияты укытучысы Гайнетдинова Алсу Газиз кызына, башлангыч сыйныф укытучысы Мөхетдинова Алсу Назым кызына, музыка укытучысы Габидуллина Люция Әгъзам кызына зур рәхмәтебезне белдерәбез.
-
15 февраль - сугышчы интернационалистларны искә алу көне 15.02.2016
15 февраль - соңгы Совет гаскәрләренең Әфганстан җиреннән чыгарылган, 10 ел дәвам иткән сугышның тәмамлану көне. Әлеге вакыйга уңаеннан, 15 февраль датасы, илебез тарихында Әфган сугышында һәлак булган сугышчы интернациналистларны искә алу көне буларак билгеләп үтелә.Бүген безнең мәктәптә әлеге темага бердәм сыйныф сәгатьләре үтте.
-
Россия чаңгы юллары - 2016 13.02.2016
"Россия чаңгы юллары" ("Лыжня России") 1982 елдан бирле уздырылып килә торган зур кышкы бәйрәм. Чаңгыда йөрү - сәламәтлек өчен бик әһәмиятле спорт төре, чөнки чаңгыда йөргәндә бөтен төр мускуллар хәрәкәтләнә.Сәламәт яшәү рәвешен пропогандалау максатыннан уздырыла торган "Россия чаңгы юллары" - Россиякүләм акциясенә безнең мәктәп тә ел саен кушыла. Бүген дә дәресләрдән соң мәктәп белән чаңгыга бастык. Берничә подходта уздырылган әлеге ярышта җиңүче булып 6 нчы сыйныф укучысы Гомәров Риназ танылды.
-
Парламент дәресе 12.02.2016
Бүген мәктәптә 7-9 нчы сыйныфлар өчен "Гражданин. Җәмгыять. Дәүләт" темасына багышланган Парламент дәресе уздырылды. Әлеге дәресне җәмгыять белеме укытучысы Гыйләҗева Гүзәл Илшат кызы үткәрде. Дәреснең төп максаты укучыларда актив гражданлылык позицияләре тәрбияләү, хокук нормалары белән таныштыру иде. Әңгәмә формасында үткәрелгән әлеге чарада Конституция, аның төп бүлекләре, гражданин буларак хокуклар һәм бурычлар, хакимият һәм гражданлык җәмгыятенең бәйлелеге турында сөйләшүләр алып барылды. Йомгаклау итеп Татарстан Республикасы Дәүләт Советының сайтына "сәяхәт" уздырылды.
-
"Татарстан - дуслык иле!" 10.02.2016
Бүген башлангыч сыйныф укытучысы Мөхетдинова Алсу Назым кызы, үзе җитәкләгән 2, 4 нче сыйныф укучыларына "Татарстан - дуслык иле, һәрбер милләт аның гөле" дигән темага ачык тәрбия сәгате уздырды. "Классное содружество" интерактив проектына нигезләнеп үткәрелгән әлеге дәреснең максаты - укучылар арасындагы үзара мөнәсәбәтләрдә дуслыкның иң мөһим сыйфатларның берсе булуына ышаныч булдыру, толерантлык төшенчәсен аңлату, матур яшәү өчен дуслаша белү сыйфатлары тәрбияләү иде.
-
Мәгариф хезмәткәрләренең кышкы спартакиадасы 08.02.2016
6 нчы февраль көнне Балык бистәсе районы үзәгендә мәгариф хезмәткәрләренең кышкы Спартакиадасының финалы узды. 45 районнан җыелган укытучылар төрле спорт ярышларында үз көчләрен сынадылар. Әлеге ярышларда Кайбыч районы данын яклап безнең мәктәптән 4 укытучы чыгыш ясады. Болар: Хәсәнов Илнур Рафаил улы, Хәйретдинова Лилия Рифкать кызы, Гыйләҗева Гүзәл Илшат кызы, Гильманова Энҗе Ринат кызы. Хезмәткәрләребезгә район данын яклап чыгыш ясаганнары өчен рәхмәтебезне белдерәбез.
-
Иске Чәчкаб авылында халык җыены узды 06.02.2016
5 нче февраль көнне Иске Чәчкаб авылында халык җыены узды. Авыл җирлеге башлыгы, мәдәният йорты җитәкчесе һәм китапханәче, фельдшер, авыл халкы алдында узган елга нәтиҗә ясап хисап тоттылар. Әлеге җыенда мәктәп директоры Хәсәнов Айдар Габделхак улы да мәктәпнең 2015 нче елда башкарылган эшләренә нәтиҗә ясап, доклад белән чыгыш ясады.
-
Җимлекләр ясадык 04.02.2016
Быелгы кыш кары күп булу белән истә калыр мөгаен. Кар күп булуның үзенең минуслары да бар шул. Мәсәлән, дусларыбыз - кошлар үзләренә ризык таба алмаска мөмкиннәр. Әлеге очракта без аларга ярдәм кулы сузырга тиеш. Без шулай эшләдек тә. 1-4 нче сыйныф укучылары җимлекләр ясап, үзләренең бакчаларына, йорт тирәләренә элделәр. Җимлек ясаганда иҗади якын килеп ясаучы укучылар да булды. Төп таләп - ясаган җимлекләрне фотога төшереп социаль челтәргә кую, һәм җимлекләргә даими рәвештә җим салып тору.
-
Сак булыгыз, грипп! 23.01.2016
Татарстан Республикасының Роспотребнадзор идарәсе җитәкчелеге тарафынан Татарстан Республикасы мәгариф һәм фән министры Э.Н.Фәттаховка җибәрелгән хатка нигезләнеп, бүген мәктәпкүләм линейкада укучыларга грипп эпидемиясе турында мәгълүмат җиткерелде. Сыйныф җитәкчеләре исә сыйныфларда, укучыларга грипптан саклану кагыйдәләрен аңлаттылар, ата-аналар белән элемтәгә кереп саклану чараларын күрергә тәкъдим иттеләр.