МБОУ «Муралинская основная общеобразовательная школа Кайбицкого муниципального района Республики Татарстан» ♦ «Татарстан Республикасы Кайбыч муниципаль районы Мөрәле төп гомуми белем мәктәбе» МБГБУ
Визитная карточка
Адрес: | 422321, РТ, Кайбицкий район, с. Мурали, ул. Молодёжная, д. 1 |
Телефон: | +7(843)-703-24-30 |
E-Mail: | sch1495@rambler.ru |
Министерство: | Министерство образования и науки Республики Татарстан |
Короткое название: | МБОУ "Муралинская ООШ" |
Руководитель: | Музаффарова Рушания Зуфаровна |
Год основания учреждения: | 1925 |
У нас учатся: | 19 учащихся | 19 укучы |
У нас учат: | 11 учителей | 11 укытучы |
МБОУ «Муралинская основная общеобразовательная школа Кайбицкого муниципального района Республики Татарстан» ♦ «Татарстан Республикасы Кайбыч муниципаль районы Мөрәле төп гомуми белем мәктәбе» МБГБУ - новости
Страницы: << 71 72 73 74 75 76 77 78 79 ( 80 ) >>
-
Яшь армиячеләр көч сынашты 30.11.2018
Бүген районның "ЭКО" мәктәптән тыш эшләр үзәгендә яшь армиячеләрнең "Бөркетләр очарга өйрәнә" дигән исем астында альбомнар конкурсы булып узды.Яшь армиячеләрнең отряд командирлары үзәренең альбомнарында эшчәнлекләрен чагылдыруларын һәм мәктәп,район, республикакүләм уздырылучы чараларда, акцияләрдә катнашуларын яклап чыгыш ясадылар.Һәр мәктәп отряды Герой пионерларга багышлап стена газетасы да ясаганнар.Безнең мәктәптән дә бу чарада Гөбәева Миләүшә катнашып, альбом яклады.
-
Иртәнге линейка яңалыклары 28.11.2018
Мәктәптә иртәнге линейка -узган атнага нәтиҗә ясау,яңасына планнар белән таныштыу вакыты.Бүген дә чираттагы линейкада "Интернет челтәрендә куркынычсызлык"темасына уздырылган тестларга нәтиҗәләр чыгарылды һәм укучыларга сертификатлар тапшырылды.Киләчәктә укучылар интернет челтәрендә кагыйдәләргә таянып эшләрләр дигән фикердә калабыз.
-
Йөзү буенча ярыш 24.11.2018
Бүген "Салават күпере"спорт-сәламәтләндерү комплексында 2008 елгы һәм аннан да яшьрәк укучылар өчен йөзү буеча ярышлар булып узды.Мәктәбебез укучылары бу ярышларда каташып үзләренең көчләрен сынадылар һәм 2 урынны яуладылар.Афәрин,укучылар!Алга таба да уңышлар телибез!
-
Сак бул – юка боз! 23.11.2018
Балалар белән бәхетсезлек очраклары булдырмау йөзеннән мәктәбебездә "Игътибар: юка боз" темасына дәресләр һәм чаралар үтә. Бәладан сак булуның бердәнбер юлы - куркынычсызлык кагыйдәләрен үтәү.
Елгаларда су 10 сантиметр калынлыкта катса гына кеше өчен куркыныч булмый. Елга тамакларында, камышлыкларда боз юкарак була. Әгәр һава температурасы өч көн дәвамында 0 градустан югарырак тора икән, бозның калынлыгы 25 процентка кими. Бозның калынлыгын гади күз белән дә билгеләп була: зәңгәрсу төстәге боз - ныклы, ак төстәгесе юкарак, соры яисә саргылт булса, ышанычсыз. Шуңа да игътибарлы булыйк!
-
Файдалы очрашу 21.11.2018
Бүген мәктәптә районның полиция бүлегенең балигъ булмаганнар белән эшләү инспекциясе инспекторы Макарова А.С белән очрашу булып узды.Ул укучыларга "Интернет челтәрендә куркынычсызлык" темасына профилактик әңгәмә уздырды.
-
Куркынычсыз интернет 20.11.2018
Бүгенге көндә кешелек тормышын интернет челтәреннән башка күз алдына китерү мөмкин түгел, дисәк, арттыру булмас.Җайлы, аз вакыт сарыф ителә, тиз башкарыла, күп чыгымнар сорамый, интернетка үзебезгә ышанган кебек ышанабыз, серләребез белән уртаклашабыз. Чынлыкта исә, интернет челтәренең дөрес кулланмаган очракта нинди куркыныч янаганын күз алдына да китермибез.Шул уңайдан барлык гомуми белем бирү учреждениеләрендә Интернет челтәрендә куркынычсызлык буенча Бердәм дәресләр үткәрелде. Мәктәбебезнең информатика укытучысы Зиганшин А.Р. укучыларга киберкуркынычларның төп төрләре, таралу алымнары һәм аларга каршы көрәш чаралары турында сөйләде.Дәрес башында Куркынычсыз Интернет турында социаль видеоролик күрсәтелде. Аны тикшергәннән соң укытучы “Ничек үз иминлегең хуҗасы булырга” дигән төп сорау бирелде. Алга таба укучылар шуңа җавап эзләделәр,виртуаль музейга да сәяхәт иттеләр.Бөтендөнья пәрәвезе ятьмәсенә эләкмичә, кагыйдәләргә буйсынып сак эш итү - һәрберебезнең бурычы. "Сакланганны саклар" гыйбарәсенә таянып эш йөртү кирәклегенә укучыларыбыз тагын бер кат төшенделәр. Һәрвакыт эшчәнлегеңне үзең контрольдә тотып, интернетны тиешле очракта гына кулланырга кирәклекне бервакытта да хәтердән чыгармаска кирәк..
-
Бердәм йөзү көне 16.11.2018
Йөзү бөтен кешегә дә файдалы. Ул - физик яктан үсәргә һәм терәк-хәрәкәт системасын ныгытырга ярдәм итүче иң яхшы күнекмәләрнең берсе. Су киеренкелекне киметә, стрессны бетерергә булыша.Сәламәт яшәү рәвешен алып бару максатыннан районыбызда 2018 елның 16 нчы ноябре Бердәм йөзү көне итеп билгеләп үтелде.Мәктәбебез укучылары да бу чарада зур теләк белән,кызыксынып катнаштылар.
-
Нәтиҗәләр куандырырлык! 12.11.2018
Каникул көннәрен мәктәбебезнең тимераякта шуучы кыз һәм малайлары бушка уздырмадылар,көчләрен Мәскәү өлкәсенең Коломна шәһәрендә сынадылар.Физкультура укытучысы Зиганшин Фрат Гаделша улының максатчан эш алып баруы күренеп тора. Укучылар үзләренә разрядлар эшләгәннәр һәм Татарстан Республикасы буенча 2,3 урыннарны яулаганнар.Алга таба да аларга зур уңышлар телибез.
-
Мәдәни чаралар дәвам итә 09.11.2018
Бүген, район мәдәният йортында, районыбыз укучылары өчен, Россиянең атказанган артисты, Татарстанның халык артисты Айдар Фәйзрахманов җитәкчелегендәге Татарстан Республикасы фольклор музыкасы Дәүләт ансамбле концерты булды. Кечкенә тамашачылар кунакларны бик җылы кабул иттеләр, һәр номерны көчле алкышларга күмделәр. Концерт программасында татар халыкының җырлары яңгырады, биюләре тәкъдим ителде. Җырчыларның матур тавышлары, искиткеч костюмнар, музыка уен коралларының күптөрлелеге, дәртле биюләр укучылар күңелендә матур тәэсирләр калдырды.
-
Мультфильм карадык 07.11.2018
Маҗаралы һәм кызыклы мультфильмнарны барлык балалар да яратып карыйдыр,мөгаен.Шул уңайдан без дә мәктәп укучылары белән авыл мәдәният йортында әдәп,әхлак турында мультфильмнар карап кайттык.Мондый мәдәни чаралар барыбызга да ошый,әлбәттә. Татарстан Гербында сурәтләнгән Зилант турындагы мультфильм аеруча күңелгә хуш килде.