Төгәл фәннәр атналыгы планы нигезендә бүген мәктәптә 8,9 сыйныфлар арасында математик КВН  үткәрелде. Укучылар  зур кызыксыну белән математик ребус- кроссвордлар чиште,бөек математиклар турында төрле кызыклы биремнәр үтәделәр,үзләренең белемнәрен сынадылар.

Бүгеннән мәктәптә математика,физика атналыгына старт бирелде.Иртәнге линейкада математика укытучысы Гарапова Г.М. атналыкның планы белән таныштырды һәм атна дәвамында иң күп бишле билгесе алучы бәйгесе барачагы турында да искәртте. Атналыкның 1 нче көнендә 7-8 сыйныф укучылары катнашында "Могҗизалы 7 саны" исемле чара узды.

16, 17 нче гыйнвар көнне районда педагогик хезмәткәрләрнең дәрәҗәсен күтәрү, һөнәрилеген ачыклау максатыннан "Ел укытучысы " бәйгесенең муниципаль этабы үткәрелде. Бәйге яшь укытучылар, шулай ук инде тәҗрибә туплаган укытучылар арасында да, иң-иңнәрне күрергә мөмкинлек ача. Әлеге бәйгедә мәктәбебезнең инглиз теле укытучысы Минһаҗева Л.Т. да катнашты һәм лауреат исеменә лаек булды.

  Тарихы ерак гасырларга тоташкан шахмат  һәм шашка  уеннары бүгенге компьютер, гаджетлар дөньясында да популярлыгын югалтмый. Әлеге уеннарның иң төп әһәмияте - кешенең интеллектуаль сәләтен үстерергә ярдәм итүдә. Шашка белән шахматның аермасы юк. Аларның икесендә дә фикер йөртү көчле булырга тиеш. Бигрәк тә хәтернең яхшы булуы кирәк. Шуңа күрә тәнәфесләрдә дә, дәрестән тыш эшчәнлек вакытында да бу уеннарны уйнауны камилләштерәбез.

Рус теле һәм әдәбияты атналыгы кысаларында Бөек Җиңәнең 75 еллыгына башланган "Иң сәнгатьле укучы" укучы конкурсы уздырылды.

Татарстан - Россиянең бер субъекты.Ул 1920 елның 27 маенда оеша. В.И.Ленин кул куйган шушы боерыкка быел 100 ел тула. Бүген 1 нче сыйныф укучылары "Мин гражданин" дип исемләнгән дәрестән тыш эшчәнлек вакытында шушы вакыйга белән таныштылар.

Бүген иртәнге линейкада  13 гыйнвардан 20 нче гыйнварга кадәр мәктәптә рус теле һәм әдәбияты атналыгы үтүе турында игълан ителде. Атналык укучыларда фәнгә карата кызыксыну тәрбияләүне күздә тота.Рус теле һәм әдәбияты укытучысы Садриева А.З. атналык планы һәм нинди чаралар уздырылачагы белән таныштырды. Атналык кысаларында  Бөек Җиңүнең 75 еллыгына карата чаралар да,төрле кызыклы квннар, сәнгатьле уку буенча ярышлар планлаштырыла.Атналыкның беренче көнендә 5,6 нчы сыйныфлар өчен "Русский язык - язык поэзии" исемле ярыш уздырылды.

Башлангыч сыйныф укытучылары 1-4 сыйныф укучылары белән "Без террорга каршы!" темасына дәрестән тыш чара үткәрделәр.Әлеге чарада терроризм проблемасы, глобаль проблема, аның төрләре, максатлары, шулай ук гадәттән тыш хәлләр вакытында куркынычсызлык нигезләре тәкъдим ителде.Чарада укучылар үзләре нәтиҗә ясадылар һәм куелган бурычларны хәл итү юлларын төзеделәр.