Мәктәбебездә 8 март халыкара хатын-кызлар көненә багышланган бәйрәм тантанасы үтте. Бәйрәмне үзенең матур теләкләре белән мәктәп директоры Гыйниятуллин Фәнис Фәһим улы ачып җибәрде. Мәктәпнең залы бәйрәмчә бизәлеп, бәйрәм рухы хөкем сөрде. Шушы бәйрәм кичәсе мәктәп укучыларының матур җырлары, шигырьләре, биюләре белән үрелеп барды. Бәйрәм күңелле үтте, һәр катнашучы күңелендә уңай тәэсирләр калдырды.

1 март көнне Олы Кайбыч авылында "Аҗаган -2019" республика хәрби - спорт уенының муниципаль этабы узды. Уенда районның 17 мәктәбеннән командалар катнашты, алар ике яшь төркемендә көч сынашты.Бу командалар арасында безнең укучылар да уңышлы катнашты.

9 сыйныф укучылары “Батырлык атналыгы” кысаларыннан чыгып, Россиянең эчке эшләр министрлыгының Кайбыч районы буенча ,полиция бүлекчәсендә кунакта булдылар. Полиция бүлегенең тарихы,хезмәткәрләренең эшчәнлеге белән таныштылар.Әлеге чара укучыларыбыз өчен бик файдалы һәм мавыктыргыч булды.

21нче февраль- халыкара туган тел көне. Шул уңайдан мәктәбебездә туган тел атналыгы үткәрелде. Татар теле укытучысы Хәйруллина Р.М.моңа бик җитди әзерләнде. Мәктәптә көн саен бер чара. “Тамчы шоу”,сәнгатьле сүз кичәсе .татар халык уеннары , һ.б. балалар күңеленә хуш килде

Бүген Кошман мәктәбендә строй җырларына конкурс оештырылды. Ул традицион төстә һәр елны 23 февраль - Ватанны саклаучылар көне уңаеннан укучыларда патриотик хисләр тәрбияләүне ныгыту максатын күздә тотып үткәрелә. Һәр сыйныфтан отрядлар стройда йөрү кагыйдәләрен төгәл белү күнекмәләрен, патриотик җырларны белүләрен жюри алдында дәлилләп күрсәттеләр.