Эшләмәсәң җәй көне –ни ашарсың кыш көне? Әмма бу мәкаль безнең укучыларыбызга кагылмый.Барлык укучыларыбыз да яздан алып көзгә кадәр мәктәп тәҗрибә кишәрлегендә бик тырышып эшләделәр. Инде менә шул уңышларны урнаштырыр чак.Бүген без, бәрәңге алдык. Бәрәңгебез бик мул, кыш буена җитәрлек булды. Пешерүче апаларга тәмле ризыклары белән безне сыйлыйсы гына калды.

3 сентябрьдә Россиядә Терроризмга каршы көрәштә бердәмлек көнен билгеләп үтәләр.Әлеге төр явызлыкка юл куймау – дөнья җәмәгатьчелегенең иң зур һәм катлаулы бурычларының берсе. Ул 2004 елның 1-3 сентябрь көннәрендә Беслан шәһәрендә булган фаҗигале хәлләргә бәйле рәвештә оештырылган. Рәсми мәгълүматлар буенча, әлеге террор акты нәтиҗәсендә 334 кеше үлгән – аларның 186сы балалар, 15е укытучылар, 10ысы хәрбиләр, калганнары әти-әниләр һәм килгән кунаклар. 900дән артык кеше төрле җәрәхәтләр алган. Алар 3 көн буе бер тамчы су эчәргә тилмереп торганнар.
3 сентябрьдә Россиянең һәр төбәгендә “Яшәү тамчысы” Бөтенроссия акциясе җирле вакыт буенча 11.00 сәгатьтә узды.Мәктәбебез укучылары белән без дә бу акциядә катнаштык.

Яңа балалар бакчасының ачылу көннәре җитә.Укытучылар,укучылар,әти-әниләр ял белмичә, ярдәм кулы сузалар..

Россиядә ел саен 22 августта Россия Федерациясе Дәүләт флагы көне билгеләп үтелә. Шул уңайдан каникул булуга карамастан,балалар мәдәният йорты каршына җыелдылар. Җәмгыять белеме укытучысы Вилданова Ләйсән Хәбир кызы Россия флагының тарихы белән таныштырды. Балалар асфальтка рәсемнәр ясадылар,күңелле уеннар уйнадылар. 

Балалар үскән уңышны  җыя баралар.ә мәктәп ашханәсендә кышка ашарга кайнатмалар ясыйлар,кыяр тозлыйлар.

Мәктәп бакчасында эшләргә чират беренче сыйныфларга җитте.Укучылар кыяр,кабачки җыялар.Менә бүген алар укытучылары Динә апалары белән помидор җыйдылар.