Муниципальное бюджетное общеобразовательное учреждение «Кушманская основная общеобразовательная школа имени Абрара Сагиди Кайбицкого муниципального района Республики Татарстан» ***«Татарстан Республикасы Кайбыч муниципаль районы Әбрар Сәгыйди исемендәге Кошман төп гомуми белем бирү учреждениесе» МБГББУ
Визитная карточка
| Адрес: | 422328, РТ, Кайбицкий район, с. Кушманы, ул. Школьная, д. 31 |
| Телефон: | +7(843)-703-26-35 |
| E-Mail: | Sku.Kbc@tatar.ru |
| Министерство: | Министерство образования и науки Республики Татарстан |
| Короткое название: | МБОУ "Кушманская ООШ" |
| Руководитель: | Гафарова Равиля Рахимулловна |
| Год основания учреждения: | 1997 |
| У нас учатся: | 89 учащихся / 89 укучы |
| У нас учат: | 16 учителей / 16 укытучы |
Муниципальное бюджетное общеобразовательное учреждение «Кушманская основная общеобразовательная школа имени Абрара Сагиди Кайбицкого муниципального района Республики Татарстан» ***«Татарстан Республикасы Кайбыч муниципаль районы Әбрар Сәгыйди исемендәге Кошман төп гомуми белем бирү учреждениесе» МБГББУ - новости
Страницы: << 61 62 ( 63 ) 64 65 66 67 68 69 70 >>
-
Яшь укытучылар дәрес бирә. 16.12.2019
Яшь укытучыга методик ярдәм итү максатыннан район мәгариф бүлеге карары нигезендә остазлар билгеләнде.16 нчы декабрь көне Кайбыч мәктәбенең татар теле укытучысы Хәмидуллина Алсу Фәрит кызы яшь укытучы Салахова Флюзия Дамир кызының дәресләрен карады, ул аңа үзенең киңәшләрен бирде. -
Яшь гражданнар форумы 16.12.2019
Бүген район мәдәният йортына мәктәпләрнең иҗтимагый балалар оешмалары активистлары һәм аларның педагоглары яшь гражданнар форумына җыелган иде. Бу форумда мәктәбебез активистлары да катнашты.Форум "Мәдәният һәм яшүсмерләрнең иҗади үсеше"; "Сәламәт яшәү рәвеше, балалар спорты һәм туризм", "Эшмәкәрлеккә беренче адым"; "Балаларның гаммәви матбугат чаралары", "Экологик тәрбия"; "Патриотик тәрбия", "Балалар һәм яшьләрне хокукый яклау", "Социаль яклау һәм волонтерлык эшчәнлеге", "Фән һәм мәгариф", "Балалар хәрәкәтен җәелдерү" кебек тематик мәйданда узды. -
Инвалидлар декадасы дәвам итә 14.12.2019
1992 елда БМО Генераль ассамблеясе 3 декабрьне Халыкара инвалидлар көне дип игълан итте. Әлеге көн уңаеннан, мәктәпләрдә 1-10 декабрьдә традицион Инвалидлар ункөнлеге үтә. Быел да аның кысаларында физик яктан мөмкинлекләре чикле булучылар өчен төрле чаралар оештырыла. Декада дәвамында хәйрия акциясе үткәрелә. Аның кысаларында инвалид балаларның өйләренә бардылар. «ЭКО» мәктәптән тыш эшләр үзәге хезмәткәрләре «Салават күпере» спорт-сәламәтләндерү комплексында спорт ярышлары, шашка-шахмат турнирлары үткәрде. Безнең мәктәп укучылары командалар арасында икенче урынны яуладылар. -
Паспорт тапшыру тантанасы 12.12.2019
Тормышта озак елларга истә калырлык вакыйгалар да аз түгел. Беренче тапкыр паспорт алу - шундый мизгелләрнең берсе. Аеруча да паспорт алу тантаналы мохиттә үтсә. Безнең мәктәп укучысына бу вакыйга онытылмас мөгаен.Чөнки, аны Татарстан Республикасы парламентында Дәүләт Советы Рәисе Фәрит Мөхәммәтшин Россия Федерациясенең яшь гражданнарына тантаналы төстә тапшырды. 12 декабрь – Россия Федерациясе Конституциясе көне уңаеннан уздырылган чарада республиканың төрле районынан укучылар һәм аларның әти-әниләре катнашты.Бу укучылар– тырышып укып, мәктәпнең җәмәгать тормышында актив катнашучылар. Алмаз моңа лаеклы! -
Хезмәт геройларына бюст 12.12.2019
Кайбычта Бөек Ватан сугышы каһарманнарының якты истәлегенә куелган парк янындагы Социалистик Хезмәт Геройлары аллеясында Кайбыч үстергән Геройлар бюстлары куелган, шуларның дүртесенең бюстларын 9 декабрь – Ватан Геройлары көнендә куйдылар. Алар – Надеждинодан Герман Ионов, Кошманнан Әбрар Борһанов, Олы Кайбычтан Рәис Заһидуллин, Ябалактан Аграфена Сергеева. -
Ришвәтчелеккә каршы көрәш көне 09.12.2019
Ришвәтчелеккә каршы көрәш көне Берләшкән Милләтләр Оешмасы тарафыннан кабул ителә hәм ел саен 9 декабрьдә билгеләнә. 2003нче елда коррупциягә каршы Конвенциягә кул куела. Әлеге документка имза куйган илләрдә ришвәтчелеккә бәйле эшләр жинаять кылу буларак кабул ителә. Русиядә иң беренчеләрдән булып Конвенциягә кул куела.Бу көн уңаеннан Кайбыч районы прокуратурасы тарафыннан Татарстан Республикасы Кайбыч муниципаль районының белем бирү учреждениеләре укучылары алдында чыгышлар оештырылды.Безнең мәктәбебездә прокурор ярдәмчесе Хафизов Фатих Фрат улы булды. Ул олкән сыйныф укучылары алдында чыгыш ясады.Чыгышның ахырында укучыларга әлеге истәлекле дата - 9 декабрьдә барлыкка килү тарихы аңлатылды, прокуратура органнарының профилактика һәм коррупциягә каршы көрәш өлкәсендәге функцияләре һәм бурычлары белән таныштырылды. Шулай ук, район прокуратурасы хезмәткәре укучыларның сорауларына җавап бирде.
-
Ватан геройлары көне 09.12.2019
2007 елдан Россия Президенты Указы нигезендә, 9 декабрь Ватан Геройлары көне буларак билгеләп үтелә. Бу - Советлар Союзы Геройларын, Россия Федерациясе Геройларын, Дан һәм Изге Георгий орденнары кавалерларын хөрмәтләү, мәрхүмнәрен искә алу көне.
-
Яшь армиячеләр сафына кабул итү тантанасы 09.12.2019
Мәктәбебездә 2017 елдан бирле 8 укучыдан торган “Искра” юнармия отряды эшли. Аларның сафларын тагын да арттыру максатыннан 2019 нчы елның 9 нчы декарбендә Кошман мәктәбе укучылары өчен Яшь армиячеләр сафына керү тантанасы узды.Тагын 10 бала Яшь армиячеләр туганлыгына тантаналы ант бирделәр! Малайлар һәм кызлар өчен ул киләчәк мәктәбе, анда чын характер, кыюлык, максатка омтылучанлык, патриотлык һәм җиңүгә омтылыш тәрбияләнә! -
Инвалидлар декадасы 06.12.2019
1993 елдан 3 декабрь Халыкара инвалидлар көне итеп билгеләнде. Әлеге дата белән бәйле рәвештә декабрь башын инвалидлар декадасы итеп үткәрү традициягә керде. Ункөнлек җәмгыятебезгә янәдән аларга даими игътибар бирү, социаль яклау кирәклеге турында искәртә.Мәктәбебездә шул уңайдан сыйныф сәгатьләре,әңгәмәләр үткәрелә. -
Тарих һәм җәмгыять белеме укытучылары семинары 05.12.2019
Мәктәбебез базасында тарих һәм җәмгыять белеме укытучыларының район семинары булып узды.
Семинарда катнашучылар тарих һәм җәмгыять белеме буенча йомгаклау аттестациясендә укучыларны әзерләү тәҗрибәсе белән уртаклаштылар. Тарих һәм җәмгыять белеме укытучысы Вилданова Л.Х кызы дәрестә ИКТ куллану мөмкинлекләрен һәм методларын тулысынча кулланып 6 сыйныфта ачык дәрес курсәтте. Шулай ук өлкән сыйныфларда "Яшь тарихчылар” интеллектуаль уенын оештырды. Укытучылар дәрескә һәм уткәрелгән чарага югары бәя бирделәр, узләренең киңәшләрен җиткерделәр. Семинар түгәрәк остәл артында фикерләр алышу һәм алдагы эшкә бурычлар билгеләү белән тәмамланды.
