Без, бүген  тарихи  Зөя  утрау-шәһәрчегенә   экскурсиягә  бардык . Анда  балалар  музейларда  үткән  тарих  белән  очраштылар , үзләре  өчен  яңалыклар  тупладылар. Иң кызыгы, иң ошаганы Идел  елгасында су  коену  булды. Зөя  утрау-шәһәрчегенең   матур  табигатенә хозурланып  кайттык.

 Балалар һәркөнне төрле яңа мәгълүматлар алалар. Бүген лагерьга йөрүче балалар мәктәп стенасына яңа гына куелган Кайбыч  районы турындагы стенд  белән таныштылар. Тәрбиячеләр аларга Кайбыч муниципаль районының  гербы , флагы һәм хакимият  башлыгы Рахматуллин Альберт Илгизарович турында сөйләделәр.

        Бүген  лагерьның  16  нчы көне. Балалар  көннәрнең  үткәнен  сизми  дә  калалар. Айдар  абыйлары  иртәнге  чәйдән  соң  аларны  “ Күңелле  стартлар”  уенына  көтә  иде. Уен  бик  киеренке, җанлы  барды, командаларның  бирешәсе  килми, шулай  да  “Җитезләр” командасы  өлгерерәк  булып  чыкты.

        Балаларның  ял  көннәре  дәвам  итә. Бүген  алар  тәрбияче  апалары  белән  “Өянкеле “ кизләвенә  юл  тоттылар. Анда  алар  чишмәне  чистарттылар, чишмәнең  барлыкка  килү  тарихы  белән  таныштылар.  Төшке  аштан  соң, “Яшел  дәвалаучылар”  дигән  темага  әңгәмә  үткәрделәр. Укучылар  бакчада  үсүче  шифалы  үләннәр  белән  таныштылар. Көн  бик  файдалы  үтте.

Һәр ел саен 22-нче июнь көне илебезгә, халкыбызга кайгы-хәсрәт китергән сугыш башлануын искә төшерергә һәм бәгенге тыныч, матур тормышыбызның кадерен белергә кирәклеген искәртә.

Бүген лагерьда балалар унберенче көн ял итәләр. Аларга монда ошый, чөнки һәр көнне төрле- төрле шөгыльләр  өйрәтәләр тәрбияче апалары. Бүген "Наркотикл­арга "ЮК!"-дибез"   дигән темага асфальтка рәсем ясау конкурсы булды. Җиңүчеләргә  шоколадлар бүләк  ителде.

Аннан соң "Мин -Россия гражданины­" дигән темага түгәрәк өстәл янында сөйләшү булды. Һәркем күрсәтелгән темага үзенең фикерен әйтте.

          Лагерьның бүгенге көне дә балаларның шат авазларыннан гөр килеп торды. Аныс тау итәгенә сәяхәт балалар күңеленә хуш килде. Ул балаларны  җир җиләге, каен җиләге  белән сыйлады. Яшел чирәм өстендә рәхәтләнеп уйнадылар. Иң актив балаларга бүләкләр дә бирелде. Арып- талып, көндезге ашка кайттылар. Бераз ял иткәч, күңелле эстафеталар уздырылды. Балалар кәнагать булып өйләренә таралаштылар.  

Алдагы көндә алган күтәренке кәеф бүген дә дәвам итте лагерыбызда. Балалар бик теләп музыкаль  викторинада катнашты, табигать турындагы җырларны искә төшерделәр, командаларга бүлешеп уеннар уйнадылар. Бу көн табигатьне саклауга багышланган иде, шуңа күрә укучылар белән “Суны ничек итеп саклап калырга?” дигән әңгәмә оештырылды. Саф һавада спорт уеннары белән беррәттән башка уеннар да күңелле үтте.

            Районыбызда кышка яфрак азык әзерләү вакыты гөрләп бара. Бу эштән безнең мәктәп һәм балалар бакчасы хезмәт коллективлары да читтә калмады. Берничә көн рәттән хезмәттәшләребез белән урманда37 центнер  күләмендә яфрак себеркеләре әзерләдек. хуҗалыгыбызга ярдәм итү максатыннан эшләнгән бу чарада һәр кеше үзенән зур өлеш кертте. Кабул итү пунктында терлекчеләр зур рәхмәтләр әйтеп калдылар.  Быелгы коры елда без җыйган шушы азык запаслары бик кирәк булыр дип ышанабыз.

11 нче июньдә 9 нчы сыйныфның 4 укучысы физик культурадан имтихан тапшырды. Гатиятуллин Ринат -  “Волейбол”, Ногманов Булат - “Баскетбол”, Сабирова Зөлфия -“Лыжные ходы”,  Хәмидуллин Алмаз “Хоккей с шайбой” темаларына реферат якладылар. Һәрбер укучы бу имтиханга тырышып әзерләнгән, һәрберсе үз темасының үзенчәлекләрен күрсәтә алды.

 14 нче июнь көнне 9 нчы сыйныфның 4 укучысы сәнгать фәненнән реферат яклады. Алар үзләре яраткан темалар  сайлап алганнар. Һәрбер укучы үз темасының  эчтәлеген  ачып бирә алды. Нәфыйкова Айгөл  “Архитектура современного города” рефератында Казан архитектурасының үткәне һәм бүгенгесе турында кызыклы итеп сөйләде, ә Ләйсән Хәйретдинова исә ”Развитие дизайна и его значение в жизни современного общества” темасына язылган рефератында дизайн төрләрен  мавыктыргыч итеп сөйләп, төрле мисаллар китерде. Комиссия әгъзалары Ләйсән  чыгышыннан бик канәгать калды. Юкка гына Ләйсәнебез дизайнер һөнәрен турында хыялланмый шул.

Зөлфия Сабирова - “Искусство в жизни человека”, Хәмидуллин Алмаз “Художественный образ-стиль - язык” темаларына язылган рефератларын шулай ук уңышлы  яклады.