Авыл халкы белән берлектә Кошман мәчете янында, районда беренче мәдрәсә төзелә башлады. Мондый күркәм эшнең ахыры хәерлеләрдән булсын иде. Әхлакый һәм тәрбияви белем бирү йортының ачылуын көтеп кенә түгел,  ә ярдәмнәре белән тизләтә безнең укучы егетләребез. Бу бина хәзердән үк тәрбияли түгелме?...

Уңышны җыеп алу гына аз - аны, уку сезонында балаларга ашату өчен, саклап калырга кирәк. Мәктәп тәҗрибә кишәрлегендә үскән карлыганнан һәм алмадан  варенье кайнату, кыяр, борыч һәм  томат тозлау быел да алдагы еллардан аз булмады. Алма күп булу сәбәпле аны киптерү ысулын да кулланабыз. Суганнар да мул булды. Укытучылар, хезмәткәрләр һәм укучыларның уртак хезмәте бушка чыкмасын иде, калган  яшелчәләрдән дә мул уңыш җыеп алырга язсын. Үзең эшләп ашагач тәмлерәк тә була әле ул.

2 һәм 7 август көннәрендә, район мәктәпләрен һәм балалар бакчаларын яңа уку елына әзерлеген кабул итү комиссияләре тикшереп узды. Белем бирү учрежденияләренә сәяхәттә мәктәп директорлары да катнашып, чагыштырып үз бәяләрен бирделәр. Безнең мәктәп уңай бәя алды һәм яңа уку елына әзер дип табылды. Хезмәт коллективының, аерым укучыларның һәм әти-әниләрнең ремонт барышында күрсәткән тырышлыклары бушка узмады. Аларның барысына да БИ-ИК ЗУР РӘХМӘТ! Бүген матурланган, төзекләндерелгән һәм яктырган йортыбыз балаларны кабул итәргә әзер.

В  Кайбицком районе был дан старт республиканской благотворительной акции «Помоги собраться в школу!».
Напомним, что благотворительная акция «Помоги собраться в школу!»

Татарстанда Президент Рөстәм Миңнеханов инициативасы белән ТР Төзелеш, архитектура һәм торак-коммуналь хуҗалыгы министрлыгы һәм Республика матбугат һәм массакүләм коммуникацияләр агентлыгы белән бергә ТР Мәгариф һәм фән министрлыгы “Мәктәбеңә ярдәм ит!” акциясен игълан итте.

Дүшәмбедән башлап мәктәбебездә яңа уку елына әзерлек  итеп ремонт эшләре башланып китте. Укытучылар, тәрбичеләр, хезмәткәрләр, әти-әниләр һәм укучылар инде бинаның күп өлешен буяп, җыештырып өлгерделәр. Уртак йортыбызны чәчәк итү - ул безнең бурыч.

Бүгенге район үзәгендәге бәйрәмгә битараф калучылар сирәк булгандыр. Олысы, кечесе, шул исәптән безнең мәктәп тә, Универсиада уты эстафетасының үтүенә дәлил булдык. Һәм ул ут якташларыбыз спортсменнары кабызган факеллар күңелләребезне кабызып дәртләндереп калдырдылар сыман. Бөек җиңүләргә!!! 

Мәктәп  каршындагы  «Кояшкай» ял лагереның  соңгы  көне. Күңелле “Эзләнү”  уенын уйнап  лагерь  белән саубуллаштык. Балаларның  бер дә   саубуллашасы  килмәде. Без аларны  1 нче сентябрдә  көтеп калабыз. Җәй айларыгыз күңелле үтсен кадерле  укучыларыбыз !!!

Бүген мәктәптә чыгарылыш кичәсе булып узды.