"Хыял" балалар оешмасында үзидарә  членнары икенче ярты еллыкка эшләр планлаштыру буенча утырыш уздырдылар. Утырышта узган яртыеллыкка нәтиҗә ясалды,  январь аена эш планы төзелде.

Каникул көннәрендә дә мәктәп яны шау-гөр килеп торды. Кемдер катокта хоккей уйнады, ә менә башлангыч сыйныфлар, укытучылар көче белән ясалган тауда, рәхәтләнеп чана шудылар.

Республика күләмендә уза торган "Туган як серләре" дип исемләнгән видеороликлар конкурсының район туры булып узды. Әлеге конкурста 7 сыйныф коллективы катнашты һәм 1 урынны яулады. Молодцы!

Мәктәбебездә һәр уку елында "җимлек" операциясе уздырыла. Эзтабарлар  әти-әниләр белән берлектә бик матур җимлекләр ясап мәктәп тирәсендәге агачларга беркетәләр һәм кыш буе кошларны җимнәр белән сыйлыйлар.  Укучылар зур кызыксыну белән кошларның  килеп җим ашауларын күзәтәләр.Алар каникул көннәрендә дә җимлекләрне буш тотмадылар, хоккей мәйданчыгына уйнарга килгән һәркем канатлы дусларына тәмле сыйлар  алып килеп салды.

Кышкы каникулның беренче көне булуга карамастан 9-11 сыйныф укучылары имтиханнарга әзерләнүләрен дәвам итәләр. Алар өчен рус теле, математика һәм сайланма фәннәрдән консультацияләр уздырыла.

 9-11 сыйныф укучылары өчен "Зәңгәр ут яктысында" дип исемләнгән яңа ел бәйрәме уздырылды. Бәйрәм күңелле маскаларга, моңлы җырларга, дәртле биюләргә бай булды. Күп бүләкләр алып килгән Кыш бабай белән Кар кызы, бәйрәм чыршысына хуҗа булырга теләгән Убырлы, аның мәкерен сизеп, чыршыны саклап калган Шүрәле дә бәйрәмгә аерым ямь өстәделеләр. Кичә бәйрәм дискотекасы белән тәмамланды.

Бүген мәктәпкә бик күп тәмле күчтәнәчләр алып Кыш бабай килде. Ул яңа ел җыры җырлап күрсәткән һәр укучыга бүләкләр бирде.

Бүген мәктәбебезгә 1-4 сыйныф укучыларын бәйрәм белән котларга Кыш бабай белән Кар кызы килде.  Хоттабыч белән Хуҗа Насретдин аларны сихерләргә теләсәләр дә булдыра алмадылар. Укучыларның зирәклекләре, өлгерлекләре әлеге әкият геройларының  сихерен җиңеп чыкты.

5-8 сыйныф  укучылары өчен "Хуш киләсең, яңа ел!" дип исемләнгән бәйрәм кичәсе уздырылды. Укучылар Кыш бабайга үзләренең һөнәрләрен күрсәттеләр.Бәйрәм кызыклы маскаларга, җыр-биюләргә бай булды. Кичәгә килгән Убырлы да, Шүрәле дә бәйрәмнең матурлыгын бетерә алмады, киресенчә алар да бәйрәмебездә уңай әкият геройларына әйләнделәр.

Яңа ел бәйрәменә әзерлек эшләре дәвам итә. Әлеге уңайдан мәктәп коридорларын бизәдек Шулай ук мәктәп территориясендә кардан сыннар ясадык, матурлыкны үзебез өчен, үзебезнең куллар белән тудырдык.