Район күләмендә Рафил Галимуллин истәлегенә 2000нче елгы һәм аннан яшьрәкләр арасында татарча көрәш ярышы уздырылды. Әлеге ярышта мәктәбебез көрәшчеләре дә катнашты. Алар бу бәйгедә уңышлы чыгыш ясадылар һәм 1 урынны яуладылар. Молодцы, егетләр!

Мәктәбебездә  үзидарә көненең дәвамы буларак "Яшьлек кабатлана" исемле кичә узды. Әлеге кичә укучылар көче белән әзерләнде һәм  бу кичәгә барлык укытучылар да чакырылды. Кичәдә укытучылар өчен кызыклы уеннар оештырылды,уеннарда җиңүчеләргә концерт номерлары бүләк ителде. Иң күңеллесе укытучыларның яшь чакларында тыңланган музыкалардан оештырылган дискотека булды. Укытучылар үзләренә шундый матур ял кичәсе оештырган өчен укучыларга зур рәхмәтләрен белдерделәр.

Барлык укытучыларны һөнәри бәйрәмнәре белән колыйбыз. Мәктәбебездә 5 октябрь-укытучылар көне уңаеннан "Укытучыңны котла!" акциясе уздырылды. Укучылар мәктәбебезнең барлык укытучыларын бәйрәм белән котлап открыткалар һәм чәчәкләр бүләк иттеләр.

Укытучылар көне уңаеннан мәктәптә үзидарә көне оештырылды. Бүген укытучыларны укучылар алыштырды. Алар бик тырышып, үзләрендә зур җаваплылык тоеп дәресләр бирәләр, төрле чаралар оештыралар. Ә укытучылар укучылар урынында дәрес укыйлар.

6 сыйныф укучылары көннәрнең салкын булуына карамастан табигать кочагына чыктылар.Учак ягып бәрәңге пешерделәр, чәй кайнаттылар. Кайнар чәй эчеп, тәмле бәрәңге ашагач көннең салкынлыгы сизелмәде дә.

Мәктәптә көзге мәрхәмәтлелек атнасы дәвам итә.Бүген мәктәптә эшләп лаеклы ялга чыккан өлкәннәр кунакка килделәр. Аларга чәй табыны оештырылды, укучылар һәм укытучылар көче белән зур концерт куелды.

5 сыйныф укучылары мониторинг эшлиләр.

1 октябрь-өлкәннәр көне уңаеннан "Янәшәбездә өлкәннәр!" акциясе уздырылды. Укучылар мәктәптә эшләп лаеклы ялга чыккан ветераннарны өйләренә барып бәйрәм белән котладылар, аларга чәчәкләр, открыткалар бүләк иттеләр.

1-4 сыйныф укучылары табигый материаллардан ясалган күргәзмә оештырдылар. Күргәзмәдә ниләр генә юк иде.

Мәрхәмәтлелек атнасы кысаларында укучыларыбыз  китапханәнең таушалган китапларын ремонтладылар.