16 нчы гыйнвар көнне башлангыч сыйныф укучылары өчен "Йолдызлы сәгать" уены оештырылды. Бәйгедә 4 нче сыйныф укучылары көч сынашты. "Йолдызлы сәгать" иясе Гарифуллина Хания булды. Ул бәйге ахырында иптәшләренә үзенең уй-кичерешләрен, теләкләрен җиткерде.

Бүген, ягъни 16- январь көнне «Кызыклы ачышлар, бөек галимнәр, мавыктыргыч күренешләр» темасына чаралар үтте. 7-8 классларга физик ачышлар турында мультфильм күрсәтелде. 5-6 һәм 9-11 класслар өчен 10 – класс укучылары “Атаклы математиклар” темасына докладлар сөйләде.

12 нче декабрь көнне Башлангыч сыйныф укучылары өчен Шафигуллина Лилия Асхадулловна "Кызыклы математика" исеме астында КВН үткәрде. Укучылар ике командага бүленеп көч сынаштылар. Алар зирәклеккә, логик фикерләүгә, тиз һәм дөрес исәпләүгә төрле биремнәр үтәделәр. Укучылар бик актив катнаштылар.

Сезне 10 нчы февраль көнне Бөрбаш урта мәктәбенә , балачак иленә кунакка чакырабыз.Сабый чакның шаянлыгы, мәхәббәтнең сафлыгы, яшьлекнең гүзәллеге, артта калса да, хәтер-хатирә яши, сокландыргыч, матур мизгелләр искә төшә. Яшәү өчен көч алырга, сабакташлар, укытучылар янына кайтып килик әле. ОЧРАШУ мизгелләрен көтә-көтә 10нчы февраль сәгать телләре 6 га җитә. Дәрескә “беренче кыңгырау” 18.00 дә була. Сагынып көтәбез, килегез, гомерләр бер генә - белегез!

15- январь көнне математика атналыгының беренче чарасы үтте. 5-6 класслар арасында оештырылган “Бәхетле очрак” уенында “Тапкырлар” һәм “Җитезләр” командасы көч сынашты. Уен 1 генә очко өстенлек белән “Тапкырлар” командасы җиңүе белән тәмамланды. Укучыларга алдагы чараларда да уңышлар һәм актив булуларын телибез.

Атналык программасы
 

Мәктәбебездә тәҗрибә уртаклашу юнәлеше буенча эш дәвам итә. 11 нче январь көнне математика укытучысы Мифтахова Н.С. 6-классларда “Симметрия күчәре” темасына ачык дәрес күрсәтте.

10 нчы гыйнварда мәктәбебездә озак еллар укучыларга математика фәненнән белем биргән ветеран укытучыбыз Рүзилә Ярулла кызының 70 яшьлек юбилее булды.

Хөрмәтле Рузилә Ярулловна!

Сезне олуг бәйрәмегез белән котлыйбыз. Сезгә нык сәламәтлек, күңел тынычлыгы, гаилә шатлыгы, кайгы-хәсрәтсез көннәр, ак бәхетләр, балаларның һәм оныкларның күңел җылысын тоеп, игелекләрен күреп, бәхетле озын гомер кичерүегезне телибез.

Җитмеш бит ул — җитмеш кенә,

Туксан түгел, йөз дә түгел.

Картайсыннар әйдә еллар,

Картаймасын бары күңел.

Шатлыкларың ешрак булсын,

Кайгыларың урап үтсен.

Еллар санын сизмәс өчен —

Оныкларың гөрләп үссеннәр.

Иң изге теләкләр белән Бөрбаш урта мәктәбе коллективы.

13 нче гыйнвар көнне районыбызның Мәгариф үзидарәсе бинасында Балалар Иҗтимагый Хәрәкәте Лидерлар Советының районара 2 утырышы булып узды. Анда безнең мәктәбебез президенты Фәнис Гильмуллин һәм хәтер министры вазыйфасын башкаручы, лидер Кәрим Газизуллин да катнашты.

11 нче гыйнвар көнне башлангыч сыйныф укучылары өчен "Чана шуу" бәйрәме үткәрелде. Олысы- кечесе таудан рәхәтләнеп чана шуды, күңел ачты.