30 нчы гыйнвар көнне Альфира Мансур кызы 4 нче сыйныфта татар теленнән ачык дәрес күрсәтте. Дәрес сыйфат турындагы белемнәрне ныгытуга багышланган иде. Һәммә укучы үзенең бу теманы ныклап үзләштерүен дәлилләп бирә алды. Дәрес бик үзенчәлекле, кызыклы һәм әһәмиятле алымнарга бай булды. Алга таба да уңышлар, сезгә!

С 1 февраля в Татарстане стартовала кампания по приёму заявлений о зачислении в первый класс. Она продлится пять месяцев. Если родители планируют отдать ребёнка в школу не по месту жительства, то их заявления будут рассмотрены после основного приёма.

На текущий момент услуга по зачислению в общеобразовательные организации предоставляется на Портале государственных и муниципальных услуг Республики Татарстан (uslugi.tatarstan.ru). Для получения услуги необходимо наличие учетной записи ЕСИА не ниже второго уровня (Стандартная учетная запись ЕСИА).

27 нче гыйнвар көнне бертуган Таҗетдиновлар призына уздырылган бадминтон ярышында мәктәбебездән Корбангалиева Энҗе- 3, Галимов Әлфис 4 нче урынгы ия булдылар. Алга таба да уңышлар, сезгә!

26 нчы гыйнвар көнне башлангыч сыйныфлар айлыгы кысаларында башлангыч сыйныф укучылары өчен "Көйне таны" уены үткәрелде. Уен барышында укучылар музыка уен коралларын, төрле көйләрне тану буенча үз белемнәрен тикшерделәр.Укучылар уенда барысы да бик актив катнашты.

26 нчы гыйнвар көнне 6 сыйныф укучылары “Туган телем- иркә гөлем” дип исемләнгән концерт куйдылар. Бәйрәм матур җырлар, биюләр һәм туган телебез, илебез турында нәфис сүзләр белән аралашып барды. Ә инде әти- әниләрнең сәхнәдәге чыгышлары концертны тагын да җанландырып җибәрде. Афәрин, укучылар һәм әти- әниләр!

26 нчы гыйнвар көнне 9 һәм 11 нче сыйныф укучыларының әти- әниләре өчен җыелыш булды. Биредә алда тора торган БДИ һәм ТДИ турында сүз барды. Аларга әзерлек чаралары, таләпләре турында тагын бер кат аңлатылды. Имтихан кагыйдәләренең барлык нечкәлекләре белән таныштырылды.

24 нче гыйнвар көнне 1 нче сыйныфларда Рамилә Шамиловна әйләнә-тирә дөнья фәненнән ачык дәрес күрсәтте. Дәрестә укучылар "Минем мәктәп. Минем сыйныф" темасына проект эше эшләделәр. Дәрес барышында укучыларның үзара дус, ярдәмчел булулулары, мәктәпне яратулары, укытучыларны хөрмәт итүләре күренде. Алар дәрестә бик актив булды.

25 нче гыйнвар көнне башлангыч сыйныф укучылары каратэ буенча тренер булып эшләүче Базагутдинов Альберт белән очраштылар. Очрашу барышында ул укучыларны каратэ түгәрәгенә йөрүче укучыларның түгәрәктә ничек шөгыльләнүләре, җәйге лагерьлары белән таныштырды. Укучыларга спорт белән шөгыльләнүнең сәламәтлеккә зур йогынты ясавын аңлатты һәм укучыларны нинди дә булса спорт төре белән шөгыльләнергә чакырды. Укучылар үзләрен кызыксындырган сорауларга җаваплар да алдылар. 

Зур экраннан караган кино телевизордагысыннан күпкә аерыла. Менә шуңа күрә мәктәбебезгә бик еш кинолар килә. 23 нче гыйнвар көнне башлангыч сыйныф укучылары “Банда котиков” мультфильмы, югары сыйныфлар Г.Тукай турындагы “Күк капусы ачылганда” исемле кино карадылар.

20 нче гыйнвар көнне Балтачта бер туган Ахмадиевлар призына көрәш уздырылды. Анда мәктәбебездән Авхадиев Ленар һәм Галимов Әлфис –I , Авхадиев Рәмзис IV урынга лаек булдылар. Афәрин, егетләр! Алга таба да уңышлар!