2019 нчы елның 14 маенда Әтнә район судының халык судьясы бездә кунакта булды. Ул 8-11 нче сыйныф укучылары белән очрашты. Очрашу барышында узара әңгәмә узды, укучылар тест эшләде. 11 нче сыйныф укучылары Галиев Айтуган һәм Газизова Зөхрә тестны 100 %  дөрес итеп эшләделәр. Судья аларга бүләкләр тапшырды. Очрашу бик  кызыклы үтте..

Бөек Җиңүнең 75 еллыгын каршылап, укучыларыбыз  мәктәпкүләмендә "Солдатка хат" дигән акциядә катнашып, хәрби частьларга  9 май белән котлап  сәлам хатлары яздылар, хәрби темага рәсемнәр ясадылар. Бу хатлар тиешле хәрби частьларга җибәрелде.

27 нче апрель  көнне мәктәпкүләмендә язгы өмә үтте. Тирә - юньне чистарту, яшелләндерү  максатыннан укучылар чистарту эшләре алып бардылар һәм мәктәп территориясендә агачлар утырттылар. Табигатьне саклау -  безнең бурыч икәнен һәр укучы аңлап, тырышып эшләде

Бу көнне  3 нче һәм 4,6, 7,8  нче сыйныф укучылары проект яклауда нәтиҗәле эш алып бардылар. Монда әти -әниләр дә чакырылды. Бу чара бик эшлекле һәм җанлы үтте. 

26 нчы апрель -  Г.Тукайның туган көнендә  мәктәптә бик зур чара булып үтте. Укучылар Тукайның шигырьләрен яттан сөйләделәр, аның тормыш юлын, иҗатын тагын бер тапкыр искә төшерделәр. Милләтебезнең горурлыгы булган Г.Тукай туган көнне укучыларыбыз ел буе алып барган эзләнү эшләрен тәкъдим иттеләр. Бу проект  "Якташ язучылар" дип аталды. Һәр сыйныф үзенә бүлеп бирелгән  әдипнең иҗатын, тормыш юлын өйрәнеп, проектларын якладылар. Бу чарада сәнгатьле итеп шигырьләр сөйләнде,  шагыйрьләрнең шигырьләренә язылган җырлар җырланды. Буклетлар, китапнамәләр, буктрейлерлар күрсәтелде. Кичә "Туган тел" гимны белән тәмамланды.

Укучыларыбыз районкүләмендә узган Яшьләр форумында катнаштылар. Үзләре сайлаган юнәлеш буенча мастер - класс карадылар, үз фикерләре белән уртаклаштылар. Соңыннан форумга нәтиҗә  ясадылар.

Мәктәбебездә укучыларның проект эшчәнлегенә йомгак ясау, аны яклау эше башланып китте. Бүген 1, 2 нче сыйныф укучылары ел буе алып барган проект эшләрен якладылар. Төрле темалар  тәкъдим ителде. Барлык укучылар да үз дәрәҗәсендә эшчәнлекне оештырган, мәгълүмат бик күп тупланган. Кечкенә булуга карамастан, проектны яклау методикасын өйрәнгәннәр. Проект яклауда укучыларның әти - әниләре дә катнашты.