Мәктәпнең спортчы егете  - 11нче ыйныф укучысы Нуриев Айрат янәдән җиңүче. Ул районда узган бадминтон ярышында үз яшьтәшләре арасында беренче урынга лаек булды. Айратның тренеры - Зарипов Булат Абдул улы. Котлыйбыз аларны!

6 нчы сыйныф укучылары, тарих укытучысы Хәкимҗанов Фәнис Хәбир улы белән берлектә, ачык дәрес күрсәттеләр. Темасы: "Рыцарьлар биләмәсе"дип аталды.Дәрестә укучылар кем ул Рыцарь, ул ничек барлыкка килгән,нәрсә кия, кайда тора, рыцарь булу өчен нәрсә эшләргә кирәк? дигән сорауларга җавап эзләделәр һәм таптылар. Алар аерым да, парлап та, төркемнәрдә дә эшләделәр.Видеоролик караганнан соң фикер алыштылар.Рыцарьлар иленә сәяхәт ясадылар. 

25 нче октябрь көнне башлангыч сыйныф укучылары "Милли гореф - гадәтләребез" проекты кысаларында "Сөмбелә" бәйрәме үткәрделәр. Бәйрәмдә укучылар һәр баскычта үз темалары буенча чыгыш ясадылар, Яшелчәләр, авыл хуҗалыгы бөртеклеләре, җиләк - җимеш, икмәк ничек табынга килә?  дигән темаларга шигырьләр, җырлар башкардылар. Биеделәр, ребуслар чиштеләр, соңыннан башваткыч уены уйнадылар. Бәйрәм чын мәгънәсендә бик күңелле һәм файдалы үтте.

Бүген  "Балигъ булмаучылар" комиссиясе вәкилләре укучылар белән очрашты. Бу очрашуда комиссиянен сәркатибе Баһаутдинова Наилә, психолог Фазылҗанова Лидия, комиссия әгъзасы Яруллина Резеда катнашты. Алар укучылар өчен үтәлергә тиешле законнар, нинди гамәлләрне кылу фаҗигагә китерүе, укучыларның бурычлары һәм хокуклары турында әңгәмә алып барды. Укучылар да үзләрен борчыган сорауларга җаваплар алдылар.

6 нчы сыйныф укучылары, сыйныф җитәкчеләре Садриева Алия Габдулла кызы белән берлектә, "Бәби туе" дигән темага тәрбия сәгате уздырдылар. Бу тема: "Хәтерләүдән курыкма син, ил үткәнне онытма син!" дип алынган тема кысаларында сайланган проект эшчәнлеге. Укучылар мөстәкыйль рәвештә бик күп материал туплаганнар. Тәрбия сәгатендә укучылар халкыбызның гореф - гадәтләре, йолалары, үз гаиләләрендәге йолаларга  тукталдылар. Видео материаллар, музей материаллары укучыларда кызыксыну уятты. Авылыбызның хәзрәте Ганиев Ленар Радик улының бу йола турында мәгълүмат бирүе, тәрбия сәгатен тагын да тулыландырып җибәрде. Соңыннан  укучылар һәм сыйныф җитәкчеләре бәби туеның символы булган татлы әлбә белән сыйландылар.