8 нче сыйныф укучылары белән математика укытучысы Хәбибуллина Айсылу Мөбәрәк кызы " Өчмочмакларның төрле формалары" дигән темага математикадан ачык дәрес үткәрделәр. Укучылар дәрестә мисаллар, төрле практик эшләр ярдәмендә өчпочмакларның мәйданын табарга өйрәнделәр. аларны тормышта куллану ысулларын таптылар.

Открытый урок математики в 8 классе. 

4 нче февраль көнне 1 нче сыйныфта җылы атмосферада "Әлифба бәйрәме" үтте.  1 нче сыйныф укучылары,  җитәкчеләре Борханова Римма Нурмөхәммәт кызы  белән берлектә, бәйрәмгә әти - әниләрен  кунакка чакырдылар. Бәйрәм әлифба белән саубуллашу, яңа белемнәргә аяк басу иде. Укучылар үз сәләтләрен күрсәттеләр. Әти -әниләр горурлык хисләре белән таралды.

1 классе праздник "Букваря"

30 нчы гыйнвар көнне мәктәптә татар теле һәм әдәбиятыннан районкүләм семинар үтте. Семинарның темасы: "Дәресләрдә УУГ формалаштыру". Туган (татар) теленнән "Тамыр һәм кушымча" дигән темага Сөнгатова Гөлнара Зөлкарь кызы 5 нче сыйныфлар белән, Ш.Хөсәеновның "Әни килде" драмасы дигән темага Садриева Алия Габдулла кызы 6 нчы сыйныфлар белән  туган(татар) әдәбиятыннан ачык дәрес күрсәттеләр. Дәресләр бик эшлекле, әзерлекле дәрәҗәдә үтте. Семинарда "ТДИ - 2020" буенча эш алып барылды. Мастер - класслар һәм эшлекле сөйләшүләр булды. Семинар югары дәрәҗәдә үтте.

Районный семинар по родному (татарскому) языку и литературе. Тема семинара " Формирование умений на уроках"

27 нче гыйнвар көнне 6 нчы сыйныфлар, укытучылары Ганиева Ләйсән Фәргать кызы белән берлектә биологиядән ачык дәрес күрсәттеләр. Дәреснең темасы: "Матдәләр хәрәкәте" дип аталды. Дәрес ФГОС таләпләре буенча әзерләнгән. Укучылар матдәләр хәрәкәтендәге төрле үзгәрешләр турында өйрәнделәр. Практик эш башкардылар. Группада, төркемнәрдә эш алып бардылар. Дәрес кызыклы үтте.

В 6 классе открытый урок по биологии. 

Чираттагы Спартакиада кысаларында Күәм урта мәктәбе хоккей командасы -   ЧЕМПИОН булды. Молодцы, безнең егетләр. Уңышлар сезгә, котлыйбыз!

24 нче январь көнне районның барлык мәктәпләре интеллектуаль бәйге "Эрудит - 2020" гә  җыелдылар. 12 команда катнашып, ТАССР ның 100 еллыгы уңаеннан оештырылган бәйгедә көч сынаштылар.Бәйге 3 этапта үтте. Мәктәбебез командасы 1 һәм 2 турны үтеп, финалга чыкты һәм район күләмендә 2 урынга лаек булды. Мәктәпнең иң сәләтле укучылары: Вафина Зәлия,Гатауллина Зәринә, Гараева Зәлия, Газизова Динә, Хөснетдинова Ландыш, егетебез Галиев Айвазны җиңүләре белән котлыйбыз. Әфәрин, укучылар! 

23  нче гыйнвар көнне мәктәбебездә сыйныф җитәкчеләренең район семинары үтте. Семинарның темасы: "Хәзерге заман мәктәбендә дәрестән тыш эшчәнлекнең төрле формалары".  Семинарда бу темага багышланган бик зур күргәзмә оештырылды. 1 нче сыйныф җитәкчесе Борханова Р.Н. "Җиңү юллары буйлап...", 8 нче сыйныф җитәкчесе Хәбибуллина А.М. "Илем тарихында - авылым тарихы" дип аталган дәрестән тыш эшчәнлек күрсәттеләр.    9,10-11 нче сыйныф җитәкчесе Хәкимҗанов Ф.Х., Гайнетдинова А.Р. "Татарстан белгече" дип исемләнгән интеллектуаль уен оештырды. Чаралар бик зур хәзерлек белән, тиешле дәрәҗәдә булды. Соңыннан директорның тәрбия эшләре буенча урынбасары  Сөнгатова Г.З. мәктәптә дәрестән тыш эшчәнлекнең тәрбия бирүдәге роле турында  чыгыш ясады, 3 нче сыйныф җитәкчесе Сафина Р.Р. " Балалар белән эшләүдә психогеометрия" дигән темага мастер-класс бирде. Семинар бик җанлы, эчтәлекле һәм файдалы үтте.

20 нче гыйнвар көнне 9 нчы сыйныф укучылары , сыйныф җитәкчеләре Гайнетдинова Алия Рөстәм кызы белән берлектә, "Сәламәтлек серләре" дигән темага ачык тәрбия сәгате уздырдылар. Тәрбия сәгатенә авылыбызның яшь белгече,фельдшер Хөснетдинова Лилия Ильяр кызы да чыкырылган иде. Ул укучыларга сәламәт булуның серләрен ачты, сәламәт яшәү рәвеше булдыру өчен нинди профилактик чараларны белү  кирәклеген аңлатты.

Күәм урта мәктәбенең кызлар волейбол командасы "Спартакиада - 2020" кысаларында  Әтнә командасыннан азга гына калышып, 2 урынга лаек булды. Котлыйбыз, кызлыр!

17 нче гыйнвар көнне мәктәптә икенче чирек тәмамлану  уңаеннан чираттагы ата-аналар җыелышы үтте. Җыелышка район психологы Фазылҗанова Лидия Рифат кызы, авылның фельдшеры Төхфәтуллина Раилә Фоат кызы чакырылды. Лидия Рифатовна  гаиләдә бала тәрбияләүгә ата -ана җаваплы, алар тәрбиясеннән баланың киләчәге хәл ителәчәген ассызыклап үтте. Әти -әни бала тәрбиясенең нигезен салучы,ә укытучы аның стенасын коручы булуын аңлатты. Раилә Фоатовна "Баланың сәламәтлеген саклауда профилактик чаралар" дигән темага чыгыш ясады,укучыларның медосмотр нәтиҗәләренә аңлатма бирде. Соңыннан сыйныф җитәкчеләре белән әти -әниләр сыйныфларда очраштылар.  Ата - аналар җыелышы бик җанлы һәм кызыклы үтте.