"Әтнә йолдызчыклары-2024" районкүләм эстрада фестиваленең гала- концертында катнашып, 1 нче сыйныф укучысы Кузнецов Богдан 2 нче дәрәҗә лауреат исеменә лаек булды. Җитәкчеләре: Хөсәенова Р.Р., Латыпова Г.Ә. Котлыйбыз!

Бүген Казан шәһәре Абдулла Алиш исемендәгн 20 нче гимназиядә "Алиш эзләреннән"  XI бөтенроссия фәнни-эзләнү  конференциясе  узды. Чара ТР Мәгариф һәм фән министрлыгы, Мәгарифне үстерү институтының  татар теле һәм әдәбияты кафедрасы белән бергә оештырылды. Конференциягә барлыгы 400гә якын эш кабул ителде, иң яхшы дип табылган эшләрнең авторлары - укучылар һәм укытучылар - 6 секциядә чыгыш ясадылар. Конференциянең хөрмәтле кунаклары - А.Алишның туганнары, Казан шәһәре мәгариф идарәсе белгечләре, Татарстан язучылар берлеге әгъзалары - А.Алиш ис. премия ияләре. Конференциядә катнашучыларны Казан шәһәре мәгариф идарәсе урынбасары Уразова Эльмира  Мансур кызы, ТР Язучылар берлеге  рәисе урынбасары Илсөяр Иксанова, ТР Мәгарифне үстерү  институтының татар теле һәм әдәбият кафедрасы җитәкчесе, Татарстанның халык укытучысы Рәсимә Равил кызы Шәмсетдинова, гимназия директоры, К. Насыйри, А. Алиш премияләре лауреаты Рәхимә Минвәли кызы Арсланова  сәламләде.
  Укучыларның һәм укытучыларның иң яхшы дип табылган шигырьләре, әкиятләре, фәнни-эзләнү эшләре җыентык булып басылып чыкты.Шушы конференциядә 4 нче сыйныф укучысы Нуриев Айнур(җит.Нуриева Г.Р.) чыгыш ясап, лауреат исеменә лаек булды. Эше җыентыкка кертелде. Котлыйбыз!

Бүген Ватанны саклаучылар көне уңаеннан, 2-4 нче сыйныф егетләре арасында "Күңелле стартлар" үтте. Укучылар  төрле спорт ярышларында көч сынаштылар.

Бүген укучыларыбыз "Солдатка хат" Бөтенроссия акциясенә кушылдылар. Алар хатларына Ватанны саклаусы егетләребезгә рәхмәтләрен җиткерделәр. Алар белән горурлануларын яздылар.

Бүген 9 нчы сыйныф укучысы Хөсәенов Ислам Ш.Мәрҗәни исемендәге фәнни-гамәли конференциясендә катнашып, 2 нче урын алды. Җитәкчесе: Хөсәенова Р.Р. Котлыйбыз!

Бүген мәктәбебездә сафта җырлап атлау бәйгесе узды. 2-7 нче сыйныфлар катнашты. Жюри тарафыннан укучыларның атлап барулары, рапорт бирүләре һәм җырлаулары бәяләнде.

Бүген 5-9 нчы сыйныф укучылары өчен мәктәбебез укытучылары Хөсәенова Р.Р. һәм Әхмәтҗанова З.Р.  туган тел көне уңаеннан "Җыр булырлык сүзләр биргән, туган телем, рәхмәт сиңа!" дип исемләнгән кичә үткәрделәр. Укучылар бик кызыксынып катнаштылар. Тел турында башлангыч сыйныф укучыларының шигырьләре тыңланылды, җырлар җырланды.

Бүген Батршин Н.Ш укучылар белән  шәхси куркынычсызлык чаралары, шикле предметларны тапканда үз-үзеңне тоту кагыйдәләре, гадәттән тыш хәл шартларында үз-үзеңне тоту кагыйдәләре турында әңгәмә үткәрде

Бүген мәктәбебезнең 5-9 нчы сыйныф егетләре арасында "Ягез әле, егетләр!" бәйгесе булып узды. Егетләр ике командага бүленеп, төрле спорт төрләрендә көч сынаштылар. Калашников автоматын сүтеп җыйдылар. Бәйрәм бик күңелле узды, дуслык җиңде.

Бүген 8-9 нчы сыйныф укучылары Ислейтар урман хуҗалыгыннан килгән Халиуллин Алмаз Накип улы белән очраштылар. Ул урманнарны янгыннан саклау , урман хуҗалыгы сферасына укырга керү турында сөйләде.