Мәктәбебездә «Бөтенроссия Эколяталар көне» үткәрелде.  Балаларны табигать белән таныштыру-балалар белән эшләүдә мөһим бурычларның берсе. 

       Чара Туган як табигатен саклау  һәм коткару зарурлыгына юнәлтелгән иде. Чыршы, Тихоня, Шалун һәм Умница бәйрәмнең төп геройлары булды. Алар балаларны хайваннар һәм үсемлекләр дөньясының төрлелеге белән таныштырдылар, алар кызыклы биремнәр әзерләгән иде. Эколяталар балаларга экологик табышмаклар әйттеләр, «Тыелган билге нәрсәне аңлата» дигән викторина; «Кояш» уены  безнең як хайваннары һәм кошлары турында белемнәрне ныгытты. Балалар пластик шешәләрдән һәм бөкеләрдән болынны чистартырга булыштылар һәм чүп-чарны аерым җыю буенча белемнәрне кабатладылар. 

Мәктәбебез яшь армиячеләре районда үткән Җиңү парадында катнаштылар

Бүген мәктәбебез яшь армиячеләре Күлле Киме авылында гомер кичерүче тыл ветераны Асия Солтанованы Бөек Җиңү бәйрәме белән котладылар

Бүген укучыларыбыз һәм укытучыларыбыз Бөек Җиңүнең 79 еллыгына багышланган чарада катнаштылар. Мәктәбебездә әзерләнгән венокны обелискка салдылар, Күлле Киме мәдәният йортында концерт куйдылар.Күлле Киме төп гомуми белем мәктәбе коллективы сезне Бөек Җиңү бәйрәме белән котлый. Сезгә хәерле озын гомерләр, тыныч күк астында бәхетле һәм мул тормыш тели! 

Бүген укучыларыбыз Ары авылындагы обелиск янындагы митингта катнаштылар. Алар үзләренең матур җырларын, биюләрен, шигырьләрен әби-бабаларыбызга бүләк иттеләр. Күлле Киме төп гомуми белем мәктәбе коллективы сезне Бөек Җиңү бәйрәме белән котлый. Сезгә хәерле озын гомерләр, тыныч күк астында бәхетле һәм мул тормыш тели!

Агрокласстагы укучыларыбыз үсемлекләрнең вегетатив органнарын өйрәнделәр, органнарны микроскоптан карадылар, үсемлеккә биометрик характеристика бирделәр. 

Арча районы Яңа Кенәр мәктәбендә үткән Рәгыйб Усман улы Халитов тууына 100 ел тулу уңаеннан "Бәхет биргән туган җирем" XI төбәкара фәнни- гамәли конференциясендә катнашып, 7 нче сыйныф укучысы Камалова Динә лауреат исеменә лаек булды. Җитәкчесе: Паутова Г.Г. Котлыйбыз!

Без "Геройга исемен кайтар" Бөтенроссия социаль-патриотик акциясенә кушылдык. Яшь армиячеләребез Җиңү паркы территориясен чистарттылар

Бүген укучыларыбыз "Бөтенроссия Хәтер бакчасы" акциясе кысаларында 100 төп агач утырттылар

2016 елдан «Кадрлар әзерләүнең ресурс үзәге» статусын горур йөрткән Габдулла Тукай исемендәге Әтнә авыл хуҗалыгы техникумы Әтнә районының 9 сыйныф укучылары өчен «Ачык ишекләр» көне уздырды. Укучыларыбызны техникум укытучылары һәм студентлары 9 сыйныфны тәмамлагач, бирегә укырга керү мөмкинлеге белән таныштырдылар. Әйтергә кирәк, соңгы елларда техникумның белем бирү базасы бик күпкә яхшырды. «Кадрлар әзерләүнең ресурс үзәге» булып билгеләнде.