Тәрбия эшләре буенча директор урынбасары Д.Х. Зыятова мәктәп күләмендә "Галәм серләре" дигән темага  географик кичә үткәрде. Кичә бик мавыктыргыч һәм могҗизалы иде.

8 март – Халыкара хатын-кызлар көне – иң якты, матур бәйрәмнәрнең берсе. Язның беренче бәйрәме уңаеннан кояш кебек ягымлы, игелекле, аяз көн кебек якты күңелле, чәчәктәй гүзәл затларыбызга күңел түреннән чыккан ихлас котлау сүзләрен һәм иң изге теләкләребезне җиткерәбез.

Ватанны саклаучылар көне - әтиләребездән башка үтәме соң? Кызыклы, истәлекле мизгелләргә бик бай булды 6 нчы класс укучылары һәм аларның әтиләре белән үткән кичә. Бәйрәм белән Сезне,хөрмәтле ир-егетләребез!

Мәктәбебездә татар теле укытучысы   Ләйсән Мансуровна Шакирова  җитәкчелегендә иҗат түгәрәге эшли. Анда 5 нче класс укучылары бик теләп шөгыльләнәләр. Үзләренең иҗат  җимешләре белән безне дә һәрдаим таныштырып торалар. Аларның безгә күрсәткән курчак театры бер дә Казан артистларыныкыннан ким түгел. Афәрин!

Менә шундый заман җитәр... Класс җитәкчесе Р.З. Гайнетдинова 9 нчы класс укучылары белән  әти-әниләре арасында әхлаксызлык, наркомания, тәмәке тарту, эчкечелеккә  карата бәхәс үткәрде. Әти-әниләр дә, укучылар да бу начар гадәтләргә карата үзләренең тискәре карашларын, фикерләрен белдерделәр.

Армспорт буенча Республика күләмендә үткәрелгән турнирда 8 класс укучысы Әхмәтҗанова Рәмилә 60 килограммга кадәрле үлчәүдә кызлар арасында  2 нче урынны алды.Котлыйбыз, киләчәктә дә уңышлар телибез.Чистай шәһәрендә әлеге ярышлар ике көн дәвам итте. Безнең мәктәптән шулай ук район данын яклап Сафиуллина Алсу һәм Сафиуллин Ильяс катнаштылар. 

Югары квалификацион категорияле  укытучы  Вафина Халидә Фоатовна 5 нче класс укучылары белән  "Минем хокукларым һәм бурычларым"  темасына ачык тәрбия сәгате - ток -шоу  үткәрде. Ток-шоуда экспертлар конвенция, конституция төшенчәләренә, хокук һәм бурычларга тулысынча аңлатма бирделәр.

"Барысы да уйный!"  Татарстан Республикасы халыкларының уеннары ( видеороликлар)  республика конкурсының муниципаль этабында укучыларыбыз 1 нче урынны алдылар  (өлкән класслар категориясендә). Башлангыч һәм 5 нче класс укучылары рус халык уены "Горелки"ны уйнап күрсәттеләр. Авторлары 9 класс укучысы Нуретдинова Ания (уенның аңлатмасы) һәм  8 класс укучысы  Гарипова Алсу (уенның тарихы). Җитәкчеләре педагог оештыручы -Гарипова Венера Рашатовна. Котлыйбыз!

КФУ тарафыннан үткәрелгән олимпиадаларда укучыларыбыз - Гатауллина Гөлүсә, Нуретдинова Ания, Солтанова Динә актив чыгыш ясап, берничә фәннән 2 нче турга үттеләр.Котлыйбыз!

Мәктәбебездә ата-аналар җыелышы булып узды...