Әлеге конкурсның  район этабында 6 нчы класс укучысы  Зиятов Илгиз  ( җитәкчесе- рус теле һәм әдәбияты укытучысы Халидә Фоатовна Вафина) "Иң яхшы сәхнә образы" номинациясендә җиңү яулады.Афәрин, котлыйбыз!

21 март көнне мәктәбебездә  “Көнгерә - халыкара математик уен - конкурс”ы үткәрелде. Әлеге конкурста һәр елны укучыларыбыз бик теләп  катнашалар.

15 март көнне мәктәпкә Балтач районыннан кино  күрсәтүчеләр килде. Без “Ангел” фильмын карап  үттек. Ул бик эчтәлекле һәм кызганыч иде ул. 
     Тәрбияви яктан да бик көчле иде. Мондый фильмнар  мәктәпкә ешрак килсен иде. 

 

11 март көнне Әлифба бәйрәме уздырылды. Мәктәбебезнең 1 сыйныф укучылары Әлифба китабы белән хушлаштылар.  Алар инде хэзер укый да,яза да беләләр. Беренчеләрне яңа уку  китаплары көтеп тора. Без аларга укуларында уңышлар теләп калабыз. Башлангыч класс укытучылары Сафиуллина А.Р. һәм Әһлиуллина Р.М., өстәмә белем бирү педагогы Шакирова Л.М. күңелле  һәм эчтәлеклк бәйрәм программасын әзерләгәннәр иде. Укучылар матур җырлар һәм шигырьләр башкардылар. Кунакка әти- әниләр дә чакырулы иде. Алар бик канәгать булып, укытучыларга рәхмәтләрен белдерделәр.

 

Хөрмәтле, хатын-кызларыбыз!  Ихлас күңелдән бәйрәм белән, Сезне!

8 март - Халыкара хатын-кызлар көне! Әлеге бәйрәм хөрмәтенә  мәктәбебездә, сөекле әниләребезгә  багышланган, "Иң - иң кадерлебез" дип аталган кичә  үтте. Аны класс җитәкчеләре Р.З. Гайнетдинова белән 5 нче класс укучылары әзерләгән иде. Соңыннан әниләр - Л.Хәсәнгалиева, Р.Гайнетдинова, Н.Галимҗанова катнашында укытучы А.Ф.Зыятов әзерләгән  "Башваткыч"   карадык.

9 нчы  класс егетләре А.Зәйнуллин, Б.Зиятдинов, Н.Сәләхиев, И.Сафин, А.Фазлыев, А.Хурамшин, И.Шакиров, С.Шәмсетдинов  ике  командага бүленеп, үзләренең көчләрен сынаштылар.Егетләр бар яктан  да үзләренең  булганлыкларын, Ватан  сакчыларына  алмашка әзерлекләрен  күрсәттеләр. Афәрин!

Мәктәбебездә инглиз теле атналыгы  булып үтте.Инглиз теле укытучысы Гөлназ Илдусовна Мөхәмәтшина инглиз телендә төрле  чаралар һәм ачык дәрес күрсәтте.

"Арча, син бит безнең горурлык, гасырларны кичеп, балкып торырлык!"   девизы  белән үткәрелүче бәйгедә безнең коллектив  та  читтә калмады. Укытучыларыбыз З.Г. Мингазов, Д.Х.Зыятова, Р.М. Нигъмәтҗанова, Х.Г. Гарәфиев, А.Ф.Зиятов, Л.М. Шакирова һәм 8 нче класс укучысы А. Фатыхов район мәдәният йорты сәхнәсендә Рәдиф Сәгъдинең  "Сынган беләзек" мелодрамасын тамашачы хозурына тәкъдим иттеләр. Аларның чыгышын тамашачы зур алкышларга күмде, афәрин!!!