Об открытии банка заданий ОГЭ 

"Баланың физик, психик, мораль һәм социаль сәламәтлеге"  темасына  ата-аналар җыелышы үтте.Шулай ук, әти-әниләрне чирек нәтиҗәләре  һәм  9 нчы класс  укучылары өчен ТДИ (ОГЭ) яңалыклыклары  белән таныштырдык.

Үткән  атнада  башлангыч  класслар  үзләренең  атналыгын  үткәрделәр.Ул бик  кызыклы һәм  мавыктыргыч  үтте. Укучылар  укытучылары - Р.М. Аглиуллина  һәм  Х.Х. Вәлиева белән  чыгышлар, конкурслар, викториналар, тәрбия сәгатьләрендә  үзләрен кызыксындырган бик күп  сорауларга  җаваплар  алдылар. "Сәяхәтче  әтәч"  әкиятен  дә  сәхнәләштергәннәр  иде.Афәрин, һаман шулай  актив  булыгыз!

Район күләмендә үткәрелгән  чаңгы  ярышында - эстафетада  мәктәбебез  командасы:  7 класс укучылары  Рузилә, Сөмбел  Вәлиевалар, Фидаиль Габдрахманов  һәм 9 нчы класс укучысы  Ильмаз Вәлиев 3  нче  урын  яулады! Тренерлары  физкультура  укытучысы  Гөлнара Рәфкатовна  Вәлиева.Афәрин, котлыйбыз!

Гыйнвар башы – ел башы. Яңа ел белән чын күңеллергә яңа өметләр, ышанычлар килә.

Ышанычың, йөрәгеңнең серле бер почмагында сакланган өметең тормышка ашсын, бәхетең мөлдерәмә тулып торсын. Гомерең шатлыклы, куанычлы, мул ризыклы булсын, сәламәтлектә узсын. Шатлыклы хәбәрләр, бәхетле көннәр узган елдагын да кубрәк булсын, күңелсезлекләр иске елда калсын.

Декабрь бураннары алып килгән Яңа ел белән котлыйбыз! Бәйрәмегез мөбарәк, ризык тулы өстәлегез түгәрәк, күңелле, куанычлы булсын. Эшләрегез уң булсын, күңелегездәге мәрхәмәтлелек нуры йөзегезне тагын бизәсен.

Бусагаларыгыздан караңгылык, салкынлык, хәвеф-хәтәр атлап кермәсен, бәла-каза йөрмәсен. Бәхетле мизгелләр, матур вакыйгалар, яхшы хәбәрләр, саулык-сәламәтлек алып килсен Яңа ел. Гаилә бәхетегез учагы гел балкып торсын.

Район күләмендә үткәрелгән чыршы бәйрәмендә безнең мәктәп укучылары да бик теләп катнаштылар.

Иске - Йорт башлангыч мәктәбендә  "Чыршы" бәйрәме бик күңелле үтте.Бәйрәмгә Кыш бабай белән бергә 2014 нче елның символы булган ат та килде. Барыгызны да Яңа ел белән котлыйбыз.Яңа елда яңа уңышлар юлдаш булсын.

Чыршы бәйрәмендә.

Участок полиция вәкиле Рәхимҗанов Рамил Гарифҗан улы укучылар белән   "Яңа ел бәйрәмнәре  вакытында куркынычсызлык" темасына әңгәмәләр уздырды